28-Jun-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ସ୍ଥିତ ସଭା ଗୃହ ରେ ଲୋଇସିଂହା ପଂଚାୟତ ସ୍ତରୀୟ ଶିଶୁ ସୁରକ୍ଷା କମିଟି ର ଅଧ୍ୟକ୍ଷ ଶ୍ରୀଯୁକ୍ତ ନବକିଶୋର ନାଏକ ଙ୍କ ଅଧ୍ୟକ୍ଷତା ରେ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି l ଉକ୍ତ ଶିବିରରେ ମୁଖ୍ୟଅତିଥି ଭାବେ ଲୋଇସିଂହା ସମ୍ୱନ୍ୱିତ ଶିଶୁ ବିକାଶ ଯୋଜନା ଅଧିକାରୀଣି ଶ୍ରୀମତୀ ଗାୟତ୍ରୀ ବାରିକ ଯୋଗଦେଇ ଶିଶୁ ସୁରକ୍ଷା କମିଟିର ଉଦ୍ଦେଶ୍ୟ ସମ୍ବନ୍ଧରେ ଆଲୋଚନା କରିଥିଲେ l ଅନ୍ୟତମ ଅତିଥିଭାବେ ସ୍ବର୍ଣ୍ଣପ୍ରଭା ନାଗ ଯୋଗଦେଇ ନିଜ ସୁଚିନ୍ତିତ ମତାମତ ରଖିଥିଲେ l ଏହି ଅବସରରେ ଜିଲ୍ଲା ପରାମର୍ଶଦାତା ଶ୍ରୀଯୁକ୍ତ ପ୍ରମୋଦ ବଗର୍ତି ଉପସ୍ଥିତ ରହି ପଂଚାୟତ ସ୍ତରୀୟ ଶିଶୁ ସୁରକ୍ଷା କମିଟି ର ଗଠନ, ଦାୟିତ୍ୱ, କର୍ତ୍ତବ୍ୟ, ଭୂମିକା ସହ ଗ୍ରାମ ପଂଚାୟତ ସ୍ତରୀୟ ବିକାଶ ଯୋଜନାରେ ୫% ବଜେଟ କୁ ସ୍ୱୀକୃତି ଦେବା କୁ ଜଣାଇଥିଲେ l ସମାଜସେବୀ ତଥା ଜିଲ୍ଲା ସାମାଜିକ କର୍ମୀ ଅରୁଣ କୁମାର ଖୁଆସ 'ମିଶନ ବାତ୍ସଲ୍ୟ ' ଗାଇଡ଼ ଲାଇନ ଅନୁସାରେ ପୂର୍ବ ପ୍ରସ୍ତୁତି ପ୍ରତିକାର ପଦକ୍ଷେପ, ଅଣ ଅନୁଷ୍ଠାନିକ ର ଯୋଜନା ଉପରେ ଜଣାଇଥିଲେ ଏବଂ ଏହାର ବ୍ୟାପକ ପ୍ରଚାରପ୍ରସାର କରିବାକୁ ସମସ୍ତ ଙ୍କୁ ଅନୁରୋଧ କରିଥିଲେ l