23-Jun-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର ): -ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ପଞ୍ଚାୟତ ଉଚ୍ଚ ବିଦ୍ୟାଳୟ, ମୟବର୍ହାରେ  ପାଖାପାଖି ୨ ମାସର ଖରାଛୁଟିର ବ୍ୟବଧାନ ପରେ ଆଜି ସ୍କୁଲ ଖୋଲିବାରୁ ଛାତ୍ରଛାତ୍ରୀ ମାନଙ୍କୁ ଭବ୍ୟ ସମ୍ବର୍ଦ୍ଧନା ଦେଇ ସ୍ବାଗତ କରାଯାଇଛି । ପିଲାଏ ଆସିଲେ, ସ୍କୁଲରେ ତାଙ୍କ ହସ ଶୁଣିବାକୁ ମିଳିଲା ଏବ  ପାଠ ପଢା ପ୍ରକ୍ରିୟା ଶୁଭାରମ୍ଭ କରାଗଲା । ପ୍ରଧାନଶିକ୍ଷକ ରବିଚନ୍ଦ୍ର ପଶାୟତଙ୍କ ସମେତ ଅନ୍ୟ ସମସ୍ତ ଶିକ୍ଷକ ବୃନ୍ଦ ଛାତ୍ରଛାତ୍ରୀ ମାନଙ୍କୁ ଫୁଲତୋଡ଼ା ଦେଇ ସମ୍ବର୍ଦ୍ଧନା କରିଥିଲେ । ପ୍ରାରମ୍ଭରେ ପ୍ରାର୍ଥନା ସଭା ଆୟୋଜିତ ହୋଇଥିଲା । ପରେ ପରେ ମାନସିକ ଏବଂ ଶାରିରୀକ ସ୍ୱାସ୍ଥ୍ୟର ବିକାଶ ନିମନ୍ତେ କିଛି ଯୋଗାଭ୍ୟାସ ଏବଂ ପ୍ରାଣାୟମ କରାଯାଇଥିଲା । ସ୍କୁଲର ପ୍ରାକ୍ତନ କର୍ମଚାରୀ କିଶୋର ପୁଟେଲ ଯୋଗ ଏବଂ ପ୍ରାଣାୟମ ର ବିଭିନ୍ନ ଆସନ  ଦେଖାଇଥିବା ସହିତ ତାର

ଉପକରିତା  କବିଷୟରେ ବୁଝାଇଥିଲେ । ବରିଷ୍ଠ ଶିକ୍ଷକ ଦୀନବନ୍ଧୁ ପ୍ରଧାନ ସ୍ବାଗତ ଅଭିଭାଷଣ ପ୍ରଦାନ କରିଥଲେ। ପ୍ରଧାନଶିକ୍ଷକ ରବିଚନ୍ଦ୍ର ପଶାୟତସମସ୍ତ ଛାତ୍ରଛାତ୍ରୀ ଏବଂ ସହକର୍ମିମାନଙ୍କୁ ସ୍କୁଲରେ ଆଗାମୀ ଦିନରେ ଶିକ୍ଷଣୀୟ

କାର୍ଯ୍ୟକ୍ରମକୁ କିଭଳି ଶୃଙ୍ଖଳାର ସହିତ ପରିଚାଳନା କରାଯିବ ସେ ବିଷୟରେ ସୂଚନା ଦେଇଥିଲେ। ହିନ୍ଦୀ ଶିକ୍ଷକ ନନ୍ଦିଘୋଷ ବାରିକ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ଖେଳ ଶିକ୍ଷକ ପ୍ରହଲ୍ଲାଦ ଦାଶ ଏବଂ କର୍ମଚାରୀ ସଞ୍ଜୀବ ପୂଜାରୀ, ମୀନକେତନ ଦାସ, ବିଭୀଷଣ ଖମାରୀ ସହଯୋଗ କରିଥିଲେ ।