23-Jun-2023

ବରଗଡ଼:  ବରଗଡ଼ ଜିଲ୍ଲା ଅତାବିରା ବ୍ଲକ ପପଙ୍ଗା କେନାଲ ଠାରୁ ପୋଢବାଡିରାସ୍ତାର ଆନ୍ଧ୍ରପଡା ଠାରୁ କୁମ୍ଭାରବନ୍ଧ କେନାଲ ବ୍ରିଜ ନିକଟରେ ଏଇ ଦୁଇଦିନ ତଳେ ଦୁର୍ଘଟଣାରେ ଜଣେ ମୃତ୍ୟୁ ବରଣ କରିଥିଲେ।  ତାକୁ ନେଇ ଉତ୍ତେଜନା ମଧ୍ୟ ଦେଖିବାକୁ ମିଳିଥିଲା। ଏଭଳି ଅଘଟଣ ବାରମ୍ବାର ହେଉଛି ଏହାକୁ ଉପଲବ୍ଧି କରି ଝିଲିମିଣ୍ଡା ରଣା ଟେଷ୍ଟହାଉସ ର ମାଲିକ ଦୋଳଗୋବିନ୍ଦ ରଣା ନିଜ ତରଫରୁ ଉକ୍ତ ବ୍ରିଜ ଠାରେ ଏକ ଲୁହା ପାଇପର ବେରିକେଟ ଦେଇଛନ୍ତି। ତାଙ୍କୁ ସାହାଯ୍ୟ କରିଥିଲେ ସ୍ଵେଚ୍ଛାସେବୀ ରମେଶ ବଢେଇ, ଅମର ସେଠ, ରମେଶ ସାହୁ, ବିଜୟ ପଧାନ, ଫିରୋଜ ଓ ଅନ୍ୟାନ୍ୟ ଉତ୍ସାହୀ ଯୁବକ ମାନେ ସହଯୋଗ କରିଥିଲେ। ଏହି ରାସ୍ତା ଦେଇ ଯାଇଥିବା ଲୋକମାନେ ଉଚ୍ଚ ପ୍ରଶଂସା କରିବା ପାଇଁ ପଛେଇ ନଥିଲେ। ଜନସାଧାରଣଙ୍କ ଧନଜୀବନ ରକ୍ଷା ପାଇଁ ଉକ୍ତ ବ୍ରିଜ ଓ ରାସ୍ତା ନୂତନ ଭାବେ ନିର୍ମାଣ ପାଇଁ ପ୍ରଶାସନ ପକ୍ଷରୁ ତୁରନ୍ତ ଆବଶ୍ୟକ ପଦକ୍ଷେପ ଗ୍ରହଣ କରିବାପାଇଁ ଝିଲିମିଣ୍ଡା ଗ୍ରାମବାସୀ ତଥା ଅଞ୍ଚଳବାସୀ ଦାବି ଜଣାଇଛନ୍ତି।

(ବରଗଡ଼ରୁ ନିରଞ୍ଜନ ତ୍ରିପାଠୀଙ୍କ ରିପୋର୍ଟ)