22-Jun-2023

ବରଗଡ଼:- ରୋଜଗାର ହରେଇ ବସିଥିବା ବିଜେପୁରର ଶତାଧିକ ପନିପରିବା ବିକାଳୀଙ୍କ ଭବିଷ୍ୟତ ଏବେ ଅନିଶ୍ଚିତତାରେ ଗତି କରିଛି। କେହି ଶୁଣିବାକୁ ନାହାନ୍ତି କି ସମସ୍ୟା ର ସମାଧାନ କରିବାକୁ କେହି ଆଗ୍ରହୀ ନୁହନ୍ତି। ଏପରି ଅଭିଯୋଗ ଶୁଣିବାକୁ ମିଳିଛି ବରଗଡ  ଜିଲ୍ଲାପାଳ କାର୍ଯ୍ୟାଳୟରେ ଧାରଣ ଦେଇଥିବା ଉଠା ଦୋକାନୀ ମାନଙ୍କ ମୁହଁରୁ ।ମହାମାରୀ କରୋନା ସମୟରେ ବିଜେପୁର ଦୈନିକ ବଜାର ର ଦୋକାନୀ ମାନଙ୍କୁ ଅନ୍ୟତ୍ର ସ୍ଥାନାନ୍ତର କରି ଦେଇଥିଲା ବିଜେପୁର ବିଜ୍ଞାପିତ ଅଞ୍ଚଳ ପ୍ରଶାସନ ।ହେଲେ କରୋନା ବର୍ଷ କହିଲେ ଅତ୍ୟୁକ୍ତି ହେବନାହିଁ ଯେ,ଏଇ ଦୁଇ ବର୍ଷ ପରେ ବି ଉଠା ଦୋକାନୀ ମାନଙ୍କ କଥାକୁ ବିଚାର ନକରି ୪୫।୪୬ ଡିଗ୍ରୀ ତାପମାତ୍ରାରେ ଡହଡହ ତତଲା କଢ଼େଇ ଭଳି ପ୍ରଚଣ୍ଡ ଖରାରେ ଖୋଲା ଆକାଶ ତଳେ ପନି ପରିବା ବିକ୍ରି କରିବାକୁ ଛାଡି ଦେଇଛି ବୋଲି ଅଭିଯୋଗ କରିଛନ୍ତି ମାରୁତି ଉଠା ଦୋକାନୀ ସଂଘର ସଭାପତି ଦେବେନ୍ଦ୍ର ସାହୁ ।ଏଠାରେ ସୂଚନାଯୋଗ୍ୟ ଯେ ମହାମାରୀ କରୋନା  ସମୟରେ ଜୀବନ ସୁରକ୍ଷା ଦୃଷ୍ଟିରୁ ଦୈନିକ ବଜାରକୁ ସ୍ଥାନାନ୍ତର କରିବାକୁ କୁହାଯାଇଥିଲା। ପରେ ଲିଖିତ ଭାବେ ପୁରୁଣା ସ୍ଥାନ କୁ ଫେରି ଆସିବାକୁ ଜଣାଇବାରୁ ଏଠାକାର ବିଜ୍ଞାପିତ ଅଞ୍ଚଳ ପରିଷଦ ପ୍ରଶାସନ ଏକ ନୂତନ ଦୈନିକ ବଜାର ବିଜେପୁର ରେ ସୃଷ୍ଟି କରାଯିବ ବୋଲି ଲଲିପପ୍ ଦେବା ସହ କିଛିଦିନ ଅପେକ୍ଷା କର ବୋଲି ପ୍ରତିଶ୍ରୁତି ଦେଲେ ଓ ଯେଉଁ ଜାଗାରେ ବସୁଛ ସେଠାରେ ପାନୀୟ ଜଳ, ସେଡ଼ ଓ ଶୌଚାଳୟର ବ୍ୟବସ୍ଥା କରିବୁ ବୋଲି ପ୍ରତିଶ୍ରୁତି ଦେଇଥିଲେ ।କିନ୍ତୁ ଆଜିକୁ ଦୁଇ ବର୍ଷ ବିତିଯାଇଥିଲେ ମଧ୍ୟ କେହି ଏହି ସମସ୍ୟା ଉପରେ ଦୃଷ୍ଟି ଦେଉନଥିବାରୁ ଏହାର ଶୀଘ୍ର ସମାଧାନ କରିବାକୁ ସଂଘ ଦାବି କରିଛି ବରଗଡ଼ ଜିଲ୍ଲା ଗସ୍ତରେ ଆସୁଥିବା ୫ ଟି ସଚିବ ଭି କେ ପାଣ୍ଡିଆନ ଙ୍କୁ ଆସନ୍ତା ତା ୨୬.୦୬.୦୨୩ରିଖ ସାକ୍ଷାତ କରି ଏକ ଦାବିପତ୍ର ଦେବାକୁ ମାରୁତି ଉଠା ଦୋକାନୀ ସଂଘ ସ୍ଥିର କରିଛି ବୋଲି ସଂଘର କର୍ମକର୍ତ୍ତାଗଣ ଜଣାଇଛନ୍ତି।
ବରଗଡ଼ରୁ ନିରଞ୍ଜନ ତ୍ରିପାଠୀଙ୍କ ରିପୋର୍ଟ