22-Jun-2023

ପାଟଣାଗଟ(ଦିଲୀପ ପଣ୍ଡା ): ବଲାଙ୍ଗୀର ଜିଲ୍ଲା ଲରମ୍ଭା ଥାନା ଅଞ୍ଚଳର ଜଣେ ନାବାଳିକାକୁ ସେହି ଥାନା ଅଞ୍ଚଲର ଜଣେ ଯୁବକ ଅନ୍ତସ୍ଵତ୍ବା ପରେ ଗ୍ରହଣ କରିନଥିବାରୁ ଅଭିଯୁକ୍ତକୁ ୧୦ ବର୍ଷ ଜେଲ ଦଣ୍ଡାଦେଶ ହୋଇଛି । ଉକ୍ତ ଥାନା ରେଙ୍ଗାଲି ଗାଁର ଅଭିଯୁକ୍ତ ଲୋଚନ ରଣା ଙ୍କୁ ପାଟଣାଗଟ ଅତିରିକ୍ତ ଜିଲ୍ଲା ଦୈ।ରା ଜଜ୍ ସ୍ଵେତା ମିଶ୍ର  ଦଣ୍ଡାଦେଶ ସୁଣାଇଛନ୍ତି । ପ୍ରକାଶ ଯେ ଗତ ୨୦୨୦ ମସିହା ଅକ୍ଟୋବର ୨୦  ତାରିଖ ଲରମ୍ଭା ଥାନା ରେଙ୍ଗାଲି ଗାଁର ଜଣେ ନାବାଳିକା ତାଙ୍କ ଘରବାରିର ପଛପଟକୁ  ଶୌଚ ପାଇଁ ଯାଇଥିଲେ । ଶୌଚ ସାରି ଫେରୁଥିବା ସମୟରେ ସେହି ଗାଁର ଲୋଚନ ରଣା ନାବାଳିକାକୁ ବଳାତ୍କାର କରିଥିଲା । ବଳାତ୍କାର ପରେ ପରିବାର ବର୍ଗଙ୍କୁ ଏ ସମ୍ପର୍କରେ କିଛି କହିଲେ ପୀଡିତା ସହ ପରିବାର ବର୍ଗଙ୍କୁ ଜୀବନରେ ମାରିଦେବାର ଧମକ ଦେଇଥିଲା । ପିଡିତା ଜଣକ ଭୟଭୀତ ହୋଇ ଘଟଣା ସମ୍ପର୍କରେ ପରିବାର ଲୋକଙ୍କୁ କିଛି କହିନଥିଲେ । ପରେ ପୀଡିତା ଜଣକ ଘରେ ଏକୁଟିଆ ଥିବାର ସୁଯୋଗ ନେଇ ଅଭିଯୁକ୍ତ ଜଣକ ପୀଡିତାର ଅନିଚ୍ଛା ସ୍ଵତ୍ବେ ବିବାହର ପ୍ରତିଶ୍ରୁତି ଦେଇ ବାରମ୍ବାର ଶାରିରିକ ସମ୍ପର୍କ ରଖିଆସୁଥିଲା । ପୀଡିତା ଜଣକ ଅନ୍ତସ୍ଵତ୍ବା ହୋଇଥିବା ଜାଣି ଗତ ୨୦୨୦ ମସିହା ଅକ୍ଟୋବର ୧୮ ତାରିଖ ରାତିରେ ଲୋଚନ ପୀଡିତା ର ମାଁକୁ ଫୋନ ଯୋଗେ ପାଟଣଗଡ ଡାକ୍ତରଖାନାକୁ ଜାଇ ଗର୍ଭ ନଷ୍ଟ କରିଦେବା ପାଇଁ ପରାମର୍ଶ ଦେଇଥିଲା । ଏହାପରେ ପୀଡିତାର ପରିବାର ଲରମ୍ଭା ଥାନାର ଦ୍ବାରସ୍ଥ ହୋଇ ଘଟଣା ସମ୍ପର୍କରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ଅଭିଯୁକ୍ତ ଲୋଚନକୁ ଗିରଫ କରି କୋର୍ଟ ଚାଲାଣ କରିଥିଲା । କୋର୍ଟରେ ଏହି ମାମଲାର ବିଚାର ଚାଲିଥିବାବେଲେ ଏହି ବଳାତ୍କାର ମାମଲାର ରାୟ ସୁଣାଇବାକୁ ଯାଇ ଅଭିଯୁକ୍ତ ଲୋଚନ ରଣାକୁ ଦଫା ୩୭୬  (୨) (୩)ରେ ଦୋଷୀ ସାବ୍ୟସ୍ତ କରି ୧୦ ବର୍ଷର ସଶ୍ରମ କାରାଦଣ୍ଡ ସୁଣାଇଛନ୍ତି । ଏହା ସହିତ ୧୦ ହଜାର ଟଙ୍କା ଜୋରିମାନା ଅନାଦେୟ ଅତିରିକ୍ତ ୬ ମାସ ସଜା ସୁଣାଇ ଛନ୍ତି । ଏପରିକି ଦଫା ୪୫୦ ପିଙ୍ଗଲ କୋଡରେ ସଜା ୨ ବର୍ଷ ସହିତ ୧ ହଜାର ଟଙ୍କା ଜରିମାନା ଅନାଦେୟ ୨ ମାସ କାରାଦଣ୍ଡ ତଥା ଦଫା ୫୦୬ ପିଙ୍ଗଲ କୋଡରେ ଦୋଷୀ ସାବ୍ୟସ୍ତ କରି ୧ ବର୍ଷ ସଶ୍ରମ କାରାଦଣ୍ଡ  ଶୁଣାଇ ଥିବା ନେଇ  ସରକାରୀ ଓକିଲ ଭକ୍ତରାମ ବାଗ ସୁଚନା ଦେଇଛନ୍ତି ।