21-Jun-2023

ବଲାଙ୍ଗିର (ଦେବାଶିଷ ବହିଦାର ): ଆଜି ବଲାଙ୍ଗୀର ସଦର ବ୍ଲକ ଖୁଜେନପାଲିର କାମାକ୍ଷୀ ନଗର ଠାରେ ଥିବା ଗାୟତ୍ରୀ ମନ୍ଦିରରୁ ଲକ୍ଷାଧିକ ଟଙ୍କାର ମୂଲ୍ୟବାନ ସାମଗ୍ରୀ ଚୋରୀ ହୋଇଯାଇଛି । ଗତ ରାତିରେ  କିଛି ଦୁର୍ବୃତ୍ତର ମନ୍ଦିରର ତାଲା ଭାଙ୍ଗୀର ମନ୍ଦିରର ଲକ୍ଷାଧିକ ଟଙ୍କର ସାମଗ୍ରୀ ସବୁ ଚୋରୀ କରି ନେଇଛନ୍ତି । ଆଜି ସକାଳ ପ୍ରାୟ ୧ଠ ଟା ସମୟରେ ମନ୍ଦିର ଖୋଲିବାକୁ ଗଲାବେଳେ ଗାୟତ୍ରୀ ପରିବାର ଟ୍ରଷ୍ଟରେ କାମ କରୁଥିବା ଜୁଗଳ କିଶୋର ଝା ପ୍ରଥମେ ଚୋରୀ ହୋଇଥିବା ଘଟଣା ଜାଣିବାକୁ ପାଇଥିଲେ । ଏହି ମନ୍ଦିରରୁ ୪ଟି ଗ୍ୟାସ ଚୁଲ୍ଲା ଓ ୨ ଟି ସିଲିଣ୍ଡର, ସୋଲାର ପ୍ଲେଟ, ସୋଲାର ପମ୍ପ୍ , ୮ ବଣ୍ଡଲ ବାରବେଡ୍ ୱେର୍ , ଇଲେକ୍ଟ୍ରି ତାର, ୧୪ଟି ଚୌକି, ୩ଠ ହଜାର ଟଙ୍କା ଓ ଅନ୍ୟାନ୍ୟ ପୂଜା ସାମଗ୍ରୀ  ଚୋରୀ ହୋଇଥିବା ନେଇ ଅଭିଯୋଗ ହୋଇଛି ।  ଚୋରୀ ସାମଗ୍ରୀର ଆନୁମାନିକ ମୁଳ୍ୟ ଲକ୍ଷେ ଟାଙ୍କରୁଅଧିକ ହେବ ବୋଲି ମନ୍ଦିର ସୂତ୍ରରୁ ପ୍ରକାଶ । ବଲାଙ୍ଗୀର ସଦର ପୋଲିସ ଘଟଣା ସ୍ଥଳରେ ପହଂଚି ଘଟଣାର ଛାନ୍‌ଭିନ୍ କାରୁଛି ।