21-Jun-2023

ବଲାଙ୍ଗୀର(ପ୍ରେରଣା ଖବର ବ୍ୟୁରୋ ):  ଗତ ତା.୧୭.୬.୨୦୨୩ ରିଖ ଦିନ ସୁଦପଡ଼ା ସ୍ତିତ ଅନିଲ ମୋଦି ଙ୍କ ଘରେ ଏକ ଅଭାବନୀୟ ଘଟଣା ଘଟିଯାଇଛି ।ପ୍ରାପ୍ତ ସୂଚନା ଅନୁଯାୟୀ ଉକ୍ତ ଦିନ ସକାଳ ପ୍ରାୟ ୬ ଘଣ୍ଟା ସମୟରେ ପୁରୁଷୋତ୍ତମ ଅଗ୍ରୱାଲ, ଶ୍ରିଷ୍ଟି ଅଗ୍ରୱାଲ ଏବଂ ରାଧିକା ଅଗ୍ରୱାଲ ଅନିଲ ଘରକୁ ଯୋଗାଭ୍ୟାସ କରିବା ପାଇଁ ଯାଇଥିଲେ । ତିନି ଜଣ ଶ୍ରୀଯୁକ୍ତ ମୋଦି ଙ୍କ ଘରେ ଲାଗିଥିବା ଲିଫ୍ଟ ଯୋଗେ ଦ୍ଵିତୀୟ ମହଲା କୁ ଯାଉଥିବା ବେଳେ ହଠାତ୍ ଲିଫ୍ଟ ତଳକୁ ଖସି ପଡିଥିଲା । ଯଦ୍ୱାରା ପୁରୁଷୋତ୍ତମ ଙ୍କ ଦୁଇ ଗୋଡ଼ ଭାଙ୍ଗି ଯାଇଥିବା ବେଳେ ଶ୍ରୀଷ୍ଟି ଙ୍କ ଗୋଟିଏ ଗୋଡ଼ ମଧ୍ୟ ଭାଙ୍ଗି ଅବସ୍ଥା ଗୁରୁତର ହେବାରୁ କୋଇମ୍ବାତୁର ସ୍ଥାନାନ୍ତର କରାଯାଇଛି । ଅଳ୍ପକେ ବର୍ତିଗଲେ ରାଧିକା । ଘଟଣା ଘଟିବା ପରେ ପ୍ରଥମେ ଭୀମ ଭୋଇ ମେଡିକାଲ କଲେଜ କୁ ନେଇଥିବା ବେଳେ ଗୁରୁତର ଥିବାରୁ ଏମାନଙ୍କୁ ବୁର୍ଲା ମେଡିକାଲ କୁ ସ୍ଥାନାନ୍ତର କରାଯାଇଥିଲା । ପୁରୁଷୋତ୍ତମ ଙ୍କୁ ବୁର୍ଲା ମେଡିକାଲ ପରିବର୍ତ୍ତେ ତାଙ୍କ ପରିବାର ଲୋକେ ରାୟପୁର ସ୍ଥିତ ସର୍ଭେ ଟ୍ରୋମା ହସ୍ପିଟାଲ ରେ ଚିକିତ୍ସିତ କରାଉଥିବା ବେଳେ ସ୍ରିଷ୍ଟି ଙ୍କୁ ପ୍ରଥମେ ୱାଲ୍ଟିୟର ଓ ପରେ କୋଇମ୍ବାତୁର୍ କୁ ସ୍ଥାନାନ୍ତର କରାଯାଇଥିବା ଚର୍ଚ୍ଚା ହେଉଛି । ଏତେ ବଡ଼ ଘଟଣା ଘଟି ଯାଇଥିଲେ ସୁଦ୍ଧା ବଲାଙ୍ଗୀର ମେଡିକାଲ ର ଅଧିକାରୀ କେମିତି ପୋଲିସ କୁ ଜଣାଇ ନାହାନ୍ତି । ଏହା ପଛରେ କି ରହସ୍ୟ ଅଛି ଜଣା ପଡ଼ିନାହିଁ । ଉପରୋକ୍ତ ଘଟଣା ସମ୍ପର୍କରେ ଅନିଲ ଙ୍କୁ ପଚାରିବାରୁ ଘଟଣା ଘଟି ଥିବା ସତ୍ୟ ବୋଲି କହିଥିଲେ ।ଆଉ ମଧ୍ୟ କହିଥିଲେ ତାଙ୍କ ଘରେ ଥିବା ଲିଫ୍ଟ କେବଳ ବ୍ୟବସାୟିକ ସାମଗ୍ରୀ ନେବାରେ ବ୍ୟବହାର ହୁଏ।ଯଦି ବ୍ୟବସାୟ ସାମଗ୍ରୀ ନେବା ପାଇଁ ଲିଫ୍ଟ ବ୍ୟବହାର କରାଯାଉଥିଲା ତେବେ ଏମାନଙ୍କୁ ଲିଫ୍ଟ ରେ ଯିବା ପାଇଁ ସୁଯୋଗ ଦିଆଗଲା କାହିଁକି । ଚତୁର୍ଦ୍ଦିଗ ଖୋଲାଥିବା ବିପଦ ଜନକ ଲିଫ୍ଟ ଅନିଲ ମୋଦି କାହିଁକି ଖୋଲା ଛାଡିଥିଲେ । ଲିଫ୍ଟ ସମ୍ମୁଖରେ ସତର୍କ ସୂଚନା କାହିଁକି ଲେଖି ନ ଥିଲେ । ଅସୁରକ୍ଷିତ ବ୍ୟବସାୟିକ ଲିଫ୍ଟ ବୋଲି କାହିଁକି ଦର୍ଶାଇ ନ ଥିଲେ ।ଏଭଳି ଅନେକ ଅସମାହିତ ପ୍ରଶ୍ନ ଜନସାଧାରଣରେ ଚର୍ଚ୍ଚା ହୁଏ ।ଦୁଇ ଜଣ ଙ୍କ ଆକସ୍ମିକ ଦୁର୍ଘଟଣା ହୋଇଥିବାରୁ ବନ୍ଧୁ ବର୍ଗ ରେ ସେମାନଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି ।