14-Jun-2023

ବୀରମହାରାଜପୁର , (ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଖଣ୍ଡହତା ପଞ୍ଚାୟତ ଅନ୍ତର୍ଗତ ବଡବର୍ଡାକଟା ଗ୍ରାମରେ ସୋଲାର ଲାଇଟ ଲାଗାଇବାରେ ଅନିୟମିତତା ଅଭିଯୋଗ ହୋଇଥିବା ଜଣାଯାଇଛି। ଉକ୍ତ ଗ୍ରାମରେ ସୋଲାର ଲାଇଟ ଲଗାଯିବା ପାଇଁ ୧୦ ଗୋଟି ସୋଲାର ଲାଇଟ ଆସିଥିଲା। ସ୍ଥାନୀୟ ସରପଞ୍ଚ ଉକ୍ତ ଗ୍ରାମରେ ନଲଗାଇ ଅନ୍ୟ ଏକ ପଡ଼ା ରେ ଲଗାଇଥିଲେ। ଏହି ଖବର ଜାଣିବା ପରେ ଉକ୍ତ ଗ୍ରାମର ଲୋକମାନେ ଅଭିଯୋଗ ପାଇଁ ବୀରମହାରାଜପୁର ଗୋଷ୍ଠୀ ଉନ୍ନୟନ ଅଧିକାରୀଙ୍କ କାର୍ଯ୍ୟାଳୟକୁ ଆସିଥିଲେ । ଗୋଷ୍ଠୀ ଉନ୍ନୟନ ଅଧିକାରୀ ଛୁଟିରେ ଥିବାରୁ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ଙ୍କୁ ‌ଭେଟି ଅଭିଯୋଗ କରିଥିଲେ। ଶ୍ରୀ ଲୁହା ଉକ୍ତ ଗ୍ରାମବାସୀଙ୍କୁ ଆସନ୍ତା ୧୭ ତାରିଖ ଦିନ ସୋଲାର ଲାଇଟ ଆସିଲେ  ଲଗାଯିବ ବୋଲି ପ୍ରତିଶ୍ରୁତି ଦେଇଥିଲେ।