12-Jun-2023

ବ୍ରହ୍ମପୁର (ଝିଲ୍ଲି କୁମାରୀ ସାହୁ ):

​ବ୍ରହ୍ମପୁରର ରାଜୀବ କୁମାର ମିଶ୍ର ଏକ ଆଗ ଧାଡ଼ିରେ ଥିବା ହେଲଥ କେୟାର ଯୋଦ୍ଧା ଭାବରେ ବାଲେଶ୍ୱର ଟ୍ରେନଦୁର୍ଘଟଣାରେ ପୀଡିତମାନଙ୍କୁ  ନିସ୍ୱାର୍ଥପର ସେବା କରିଥିଲେ।  ସେ ପୀଡିତମାନଙ୍କୁ ଓ ସାଇଡ଼ରେ ନିଯୁକ୍ତଥିବା କର୍ମଚାରୀମାନଙ୍କୁ ଆମ୍ବୁଲାନ୍ସ ସେବା ପ୍ରଦାନ କରିଥିଲେ ।ବ୍ରହ୍ମପୁରରୁ ସେ  ୦୨.୦୬.୨୦୨୩  ତାରିଖ ରାତିରେ  ଯାତ୍ରା ଆରମ୍ଭ କରିଥିଲେ | ବାହାନଗାରେ ସେ ଚାରିଦିନ ଧରି ପୀଡିତ ମାନଙ୍କୁ ସେବା ଯୋଗାଇ ମାନବିକତାର ଏକ ଉତ୍କୃଷ୍ଟ ଉଦାହରଣ ପ୍ରତିପାଦନ କରିଥିଲେ |  ସ୍ପନ୍ଦନର ସମସ୍ତ ସଦସ୍ୟମାନେ ଏପରି ଜଣେ ସାହସୀ ବ୍ୟକ୍ତିତ୍ୱକୁ ଉତ୍ସାହିତ କରି ଗର୍ବିତ,ତଥା ତାଙ୍କଠାରୁ  ମାନବିକତା ର ମୂଲ୍ୟ ବୋଧ ଶିକ୍ଷା ମିଳି ପାରିଛି ବୋଲି ସ୍ପନ୍ଦନ ର  ସଦସ୍ୟ ସଦସ୍ୟା

ମାନେ କହିଥିଲେ | ସମ୍ବର୍ଦ୍ଧନା ସମାରୋହରେ ଉପସ୍ଥିତ ଥିବା ସ୍ପନ୍ଦନ ଫାଉଣ୍ଡେସନ ଟ୍ରଷ୍ଟର ସଦସ୍ୟ /ସଦସ୍ୟା ମାନେ ହେଲେ ସୀମା ଚୌଧୁରୀ, ଦିଲୀପ ମହାପାତ୍ର, ବାଳକୃଷ୍ଣ ସାମନ୍ତରାୟ, ଅନ୍ତର୍ଯ୍ୟାମୀ ପାତ୍ର, ସସ୍ମିତା ସାହୁ, ପ୍ରାଚି ପରିଚିତା ଜେନା, ପି କ୍ରିଷ୍ଣା, ରାଧା ରାଣୀ ପାତ୍ର, ପ୍ରଫୁଲ୍ଲ ଦାସ, ସୁରଜିତ ରାଉଳ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ତ୍ୱରାନ୍ୱିତ କରିଥିଲେ ।