04-May-2023

 ବିନିକା(ହିମାଂଶୁ ଶେଖର ପୁଟେଲ):ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟ ତୃତୀୟ ରାଉଣ୍ଡର ଚତୁର୍ଥ ମ୍ୟାଚରେ ଅତୁଳ-୧୧କୁ ହରାଇ ସିଦ୍ଧିକ୍ଷା ରେବେଲସ ବିଜୟୀ ହୋଇଛି ।

ଟଚ ଜିଣି ସିଦ୍ଧିକ୍ଷା ପ୍ରଥମେ ବ୍ୟାଟିଂ କରି ୮ଓଭରରେ ୩ୱିକେଟ ହରାଇ ୮୩ରନ କରିଥିଲା ତାର ଜବାବରେ ଅତୁଲ ୭ୱିକେଟ ହରାଇ ୪୫ରନ କରିବାକୁ ସକ୍ଷମ ହୋଇଥିଲା। ମ୍ୟାଚକୁ ଦାଶରଥି ମିଶ୍ର ଓ ଅନୀଲ ନାଏକ ପରିଚାଳନା କରିଥିବା ବେଳେ ସ୍କୋରର ଭାବେ ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ବୈରାଗୀ ପ୍ରଧାନ ଶଶାଙ୍କ ଶେଖର ପ୍ରଦାନ କରିଥିଲେ । ସ୍ପୋର୍ଟସ କ୍ଲବ ଉପ ସଭାପତି ବୁଲୁ ଦଣ୍ଡିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ବିନିକା ମହାନଦୀ ଯୁବ ସଂଗଠନ ସଭାପତି ତଥା ସିଦ୍ଧି ବଜାର ମାଲିକ ପ୍ରକାଶ କୁମାର ଅଗ୍ରୱାଲ(ବିଟୁ),ସମ୍ମାନିତ ଅତିଥି ଭାବେ ବିନିକା ମହିଳା ଡିଗ୍ରୀ

କଲେଜ ପରିଚାଳନା କମିଟି ସମ୍ପାଦକ ବିକାଶ ମହାନ୍ତି,ଯୁବ ବ୍ୟବସାୟୀ ତଥା ସିଦ୍ଧି ପେଟ୍ରୋଲ ପମ୍ପ ମାଲିକ ଉତ୍ତମ ନାଏକ ଯୋଗଦେଇ ବିଜୟୀ/ରନରସଅପ ଦଳ ଏବଂ ସର୍ବାଧିକ ରନ କରିଥିବା ସିଦ୍ଧିକ୍ଷାର ମଧୁ ମହାକୁରଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା । ଗୁରୁବାର ଅପରାହ୍ନରେ ପିସିସି ବନାମ କମ୍ରେଡ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ଅବସରପ୍ରାପ୍ତ ସୈନିକ ସୁକେଶ ସାମନ୍ତରାୟ ମୁଖ୍ୟ ଅତିଥି,ଯୁବ ବ୍ୟବସାୟୀ ତଥା ନିହାର ଏଣ୍ଟରପ୍ରାଇଜେସ ମାଲିକ ପ୍ରକାଶ ପଣ୍ଡା ସ୍ଵତନ୍ତ୍ର ଅତିଥି,ସାମ୍ବାଦିକ ତଥା ସ୍ବେଚ୍ଛାସେବୀ ନନ୍ଦିଘୋଷ ପଣ୍ଡା,ଗ୍ରାମ ରୋଜଗାର ସେବକ ନବଜୀବନ ପଣ୍ଡା ପ୍ରମୁଖ ସମ୍ମାନିତ ଅତିଥି ଭାବରେ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।