02-May-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ମଙ୍ଗଳବାର ଅନୁଷ୍ଠିତ ତୃତୀୟ ରାଉଣ୍ଡର ତୃତୀୟ ମ୍ୟାଚରେ ତ୍ରିରଙ୍ଗାକୁ ହରାଇ ବାଦୀ ବ୍ରଦରସ ଚମତ୍କାର ବିଜୟ ହାସଲ କରିଛି । ଟଚ ଜିଣି ବାଦୀ ବ୍ରଦରସ ପ୍ରଥମେ ବ୍ୟାଟିଂ କରି ୧୦ଓଭରରେ ୬ୱିକେଟ ହରାଇ ୬୮ରନ କରିଥିଲା ତାର ଜବାବରେ ତ୍ରିରଙ୍ଗା ୟୁଥ କ୍ଲବ ମଧ୍ୟ ୬ୱିକେଟ ହରାଇ ୬୮ରନ କରିଥିଲା ।ଉଭୟ ଟିମ ଡ୍ର ହେବାରୁ ଗୋଟିଏ ଲେଖାଏଁ ସୁପର ଓଭର ଖେଳ ହୋଇଥିଲା ଏଥିରେ ବାଦୀ ବ୍ରଦରସ ପ୍ରଥମେ ବ୍ୟାଟିଂ କରି ୧୧ରନ କରିଥିଲା ସହଜସାଧ୍ୟ ବିଜୟ ନେଇ ତ୍ରିରଙ୍ଗା ଦଳ ମାତ୍ର ୭ରନ କରିବାକୁ ସକ୍ଷମ ହୋଇଥିଲେ  ଫଳରେ ବାଦୀ ବ୍ରଦରସ ଚମତ୍କାର ବିଜୟ ସହ ଶୀର୍ଷ ସ୍ଥାନରେ ରହିଥିବା ଜଣାପଡିଛି ।  । ମ୍ୟାଚକୁ ରଞ୍ଜିତ ପଣ୍ଡା ଓ ଦାଶରଥି ମିଶ୍ର ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଶ୍ରୀତମ ଦାସ ଏବଂ ମ୍ୟାଚର ଧାରାବିବରଣୀ ଶଶାଙ୍କ ଶେଖର  ଦେଇଥିଲେ ।ସ୍ପୋର୍ଟସ କ୍ଲବ କୋଷାଧ୍ୟକ୍ଷ ହିମାଂଶୁ ଶେଖରଙ୍କ  ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ଅବସରପ୍ରାପ୍ତ ସିଆରସିସି ତଥା ଶିକ୍ଷାବିତ ବିନୋଦ ବିହାରୀ ନାଏକ,ସ୍ଵତନ୍ତ୍ର ଅତିଥି ସିଂହିଜୁବା ନୋଡାଲ ସ୍କୁଲ ପ୍ରଧାନଶିକ୍ଷକ ରାଜକୁମାର ମହାକୁର,ସମ୍ମାନିତ ଅତିଥି ସମାଜସେବୀ ତଥା ସେଣ୍ଟ ଭ୍ୟାଲି ହାଇସ୍କୁଲ ବିଜ୍ଞାନ ଶିକ୍ଷକ ଦେବଦତ୍ତ ପଣ୍ଡା,ସୁବର୍ଣ୍ଣପୁର ଜିଲ୍ଲା ସମଗ୍ର ଶିକ୍ଷା ତଥା ଭାରପ୍ରାପ୍ତ ଅନ୍ତରନିବେଶୀ ଶିକ୍ଷା ସଂଯୋଜକ ସଚିତାନନ୍ଦ ସାହୁ ପ୍ରମୁଖ ଯୋଗଦେଇ ବିଜୟୀ/ରନରସଅପ ଦଳ ଓ ସବାର୍ଧିକ ରନ କରିଥିବା ବାଦୀ ବ୍ରଦରସର  ଜୟସିଂହ ଖଣ୍ଡାୟତଙ୍କୁ ବେଷ୍ଟ ବ୍ୟାଟ୍ସମ୍ୟାନ୍ ପୁରସ୍କାର ପ୍ରଦାନ କରାଯାଇଥିଲା । ବୁଧବାର ଅପରାହ୍ନରେ ଅତୁଳ-୧୧ ବନାମ  ସିଦ୍ଧିକ୍ଷା ରେବେଲ୍ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ମୁଖ୍ୟ ଅତିଥି ଭାବେ ମହାନଦୀ ଯୁବ ସଂଗଠନ ସଭାପତି ତଥା ସିଦ୍ଧି ବଜାର ମାଲିକ ପ୍ରକାଶ କୁମାର ଅଗ୍ରୱାଲ(ବିଟୁ),ସମ୍ମାନିତ ଅତିଥି ଭାବେ ମହିଳା ଡିଗ୍ରୀ କଲେଜ ପରିଚାଳନା କମିଟି ସମ୍ପାଦକ ବିକାଶ ମହାନ୍ତି,ହୋଣ୍ଡା ସୋ ରୁମ ମାଲିକ ଅଜିତ କୁମାର ସାହୁ,ସିଦ୍ଧି ପେଟ୍ରୋଲ ପମ୍ପ ମାଲିକ ଉତ୍ତମ ନାଏକ ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।