12-Apr-2023

ବିନିକା(ହିମାଂଶୁ ଶେଖର ପୁଟେଲ) ଜଙ୍ଗଲ ଜୀବଜନ୍ତୁଙ୍କ ସୁରକ୍ଷା ପାଇଁ ସରକାର କାହୁଁ କେତେ ଯୋଜନା ପ୍ରଣୟନ କରିବା ସହିତ ଦାୟିତ୍ଵ ନିର୍ବାହ ସହ ଠିକ ଭାବରେ କାର୍ଯ୍ୟ ତୁଲାଇବା ପାଇଁ ଅଜସ୍ର ଟଙ୍କା ପାରିତୋଷିତ ଆକାରରେ ପ୍ରଦାନ କରୁଥିଲେ ମଧ୍ୟ ତାଙ୍କ ଅବହେଳା ଯୋଗୁଁ ଜଙ୍ଗଲର ରାଜା ବୋଲି କୁହାଯାଉଥିବା ହାତୀ ବାରହା ଶିକାର ପାଇଁ ବିଛା ଯାଇଥିବା ବିଦ୍ୟୁତ ତାର ସଂସ୍ପର୍ଶରେ ଆସି ମୃତ୍ୟୁ ବରଣ କରିବା ଭଳି ଏକ ଅଭାବନୀୟ ଘଟଣା ଘଟିଛି ବିନିକା ରେଞ୍ଜ ମହଦା ବାରଡୁଙ୍ଗୁରି ଜଙ୍ଗଲରେ । ଖବର ନେବାରୁ ଜଣାପଡିଛି ଯେ ଗତକାଲି ସୋମବାର ବିଳମ୍ବିତ ରାତିରେ ଲଛିପୂର ଜଙ୍ଗଲ ପଟରୁ ଏକ ହାତୀ ଖାଦ୍ୟ ଅନ୍ବେଷଣରେ ଅଙ୍ଗନଦୀ ପାରିହୋଇ ବିନିକା ପଟ ମହଦା ଜଙ୍ଗଲକୁ ଚାଲି ଆସିଥିବା ବେଳେ ପୂର୍ବରୁ କେତେକ ଦୁର୍ବୃତ୍ତ ବାରାହ ଶିକାର ପାଇଁ ବିଛାଇ ଥିବା ବିଦ୍ୟୁତ ତାର ସଂସ୍ପର୍ଶରେ ହାତୀ ଆସି ଯାଇ ମୃତ୍ୟୁ ବରଣ କରିଛି ।ସକାଳେ ଉକ୍ତ ଗ୍ରାମର କେତେକ ଲୋକ ସେହି ରାସ୍ତାଦେଇ ଯିବା ପରେ ହାତୀ ମରି ପଡ଼ିଥିବା ଦେଖି ବନ ବିଭାଗକୁ ଖବର ଦେବାପରେ ବିନିକା ରେଞ୍ଜର ଡମ୍ବରୁଧର ପ୍ରଧାନଙ୍କ ଊ ଷ୍ଟାଫ ଘଟଣା ସ୍ଥଳରେ ପହଞ୍ଚିଥିଲେ ।ପରେ ସୁବର୍ଣ୍ଣପୁର ଜିଲ୍ଲା ବନଖଣ୍ଡ ଅଧିକାରୀ ମଦନଲାଲ ଶର୍ମା ପହଞ୍ଚି ତଦନ୍ତ ଆରମ୍ଭ କରିଥିଲେ ।ମୃତ ହାତୀର ବୟସ ୧୦ବର୍ଷ ହେବ ବୋଲି ଜଣାପଡିଛି । ସୂଚନା ଯୋଗ୍ୟ ଯେ ଦୈନନ୍ଦିନ ବାରହା ଶିକାର

ପାଇଁ କେତେକ ଦୁର୍ବୃତ୍ତ ବିଦ୍ୟୁତ ତାରରେ କରେଣ୍ଟ ଲଗାଇ ଚାଲିଯାଉଛନ୍ତି ।ହେଲେ ବାରହା ତ ଫାଶରେ ପଡୁନାହିଁ କିନ୍ତୁ କେତେବେଳେ ମଣିଷ ତ ଆଉ କେତେବେଳେ ହାତୀ ଭଳି ଜନ୍ତୁ ତାର ସଂସ୍ପର୍ଶରେ ଆସି ମୃତ୍ୟୁ ବରଣ କରୁଥିବା ନଜିର ରହିଛି ।ଜଙ୍ଗଲ ବିଭାଗର କେତେକ କର୍ମଚାରୀ ଶିକାରୀଙ୍କ ସହ ମଧୁଚନ୍ଦ୍ରିକା ରଖି ଥିବାରୁ ବିଭାଗର ଜ୍ଞାତାସାରରେ ହେଉଥିବା ଜନସାଧାରଣରେ ଆଲୋଚନା ହେଉଛି ।ତେଣୁ ହାତୀ ମୃତ୍ୟୁ ଘଟଣାରେ ସଂଶ୍ଲିଷ୍ଟ ବ୍ୟକ୍ତିଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହେଉଛି ।