08-Apr-2023

ବୀରମହାରାଜପୁର,( ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା  ବୀରମହାରାଜପୁର ବ୍ଲକ ଅନ୍ତର୍ଗତ
କେନଝିରିଆପାଲି ସରକାରୀ ପ୍ରାଥମିକ ବିଦ୍ୟାଳୟରେ ବିଦାୟ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି।ଉକ୍ତ ଉତ୍ସବରେ ସିଆରସିସି ବିନୟ କୁମାର ବିଶ୍ବାଳ ସଭାପତିତ୍ବରେ ଅନୁଷ୍ଠିତ ଉତ୍ସବରେ ସରକାରୀ ପକଳ୍ପ ପ୍ରାଥମିକ ବିଦ୍ୟାଳୟ ଅଚଣ୍ଡା ସହକାରୀ ଶିକ୍ଷକ (ଏକ୍ସ-କେଡର ) ସଞ୍ଜୟ କୁମାର ମିଶ୍ର ଅତିଥି ମାନଙ୍କୁ ସ୍ବାଗତ କରିବା ସହ ପରିଚୟ ପ୍ରଦାନ କରିଥିଲେ । ମୁଖ୍ୟ ଅତିଥି ଭାବେ ବୀରମହାରାଜପୁର ବ୍ଲକ ଏବିଓ ଶ୍ରୀଯୁକ୍ତ ସୁଶୀଳ କୁମାର ପରିଡା ,ସମ୍ମାନୀତ ଅତିଥ ଭାବେ ଶିକ୍ଷାବିତ ନାରାୟଣ ଦେହୁରୀ,ସରକାରୀ ପ୍ରକଳ୍ପ ପ୍ରାଥମିକ ବିଦ୍ୟାଳୟ ଅଚଣ୍ଡାର ପ୍ରଧାନ  ଲକ୍ଷ୍ମଣ କୁମାର ବଘାର,ସମାଜସେବୀ  ବ୍ୟାସଦେବ ରଥ ସରକାରୀ  ପ୍ରାଥମିକ ବିଦ୍ୟାଳୟ, କେନଝିରିଆପାଲିର ଭାରପ୍ରାପ୍ତ ପ୍ରଧାନ ଶିକ୍ଷକ  ନବୀନ ସୁନ୍ଦର ଜଗଦଲା, ଆଞ୍ଚଳିକ ଉଚ୍ଚ ବିଦ୍ୟାପୀଠ କେନଝିରିଆପାଲିର ପ୍ରଧାନ ଶିକ୍ଷକ ବ୍ରଜମୋହନ ବାରିକ ପ୍ରମୁଖ ବକ୍ତବ୍ୟ ରଖିଥିଲେ । ଉକ୍ତ ସ୍କୁଲର ପ୍ରଧାନ ଶିକ୍ଷକ ସନ୍ତୋଷ ବିଶି ‌ଚାକିରିରୁ ଅବସର ଗ୍ରହଣ କରିଥିବାରୁ ତାଙ୍କୁ ପୁଷ୍ପଗୁଚ୍ଛ‌ ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା।ଅବସର ଗ୍ରହଣ କରିଥିବା ପ୍ରଧାନ ଶିକ୍ଷକ ଶ୍ରୀ ବିଶିଙ୍କ ଜୀବନୀକୁ ପଦ୍ୟ ମାଧ୍ୟମରେ ଉପସ୍ଥାପନା କରିଥିଲେ । ପ୍ରଧାନ ଶିକ୍ଷକ  ଶ୍ରୀ  ବଘାର ଧନ୍ୟବାଦ ଅର୍ପଣ ଦେଇଥିଲେ।ଉକ୍ତ ଉତ୍ସବରେ କେନଝିରିଆପାଲି କ୍ଲଷ୍ଟରର ସମସ୍ତ ଶିକ୍ଷକ  ଶିକ୍ଷୟତ୍ରୀ,ବାଙ୍କାବୀହାରି ମହାକୁର, ସିଆରସିସି ଲୁତୁରପଙ୍କ, ପ୍ରହଲ୍ଲାଦ ମୁଖି,ସିଆରସିସି କର୍ଡାପାଲ ପ୍ରମୁଖ ଯୋଗ ଦେଇଥିଲେ ।ଏସଏମସିର ସମସ୍ତ ସଦସ୍ୟ ସଦସ୍ୟା ସହଯୋଗ କରିଥିଲେ।