07-Apr-2023

ସୋନପୁର : ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ପଣ୍ଡକିଟାଲ ଗ୍ରାମ  ସ୍ଥିତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଜୁନିଅର ରେଡକ୍ରସ  ୟୁନିଟ ତରଫରୁ ପଣ୍ଡକିଟାଲ  ଗ୍ରାମାଞ୍ଚଳର ମହିଳାମାନଙ୍କ ଗହଣରେ ବିଶ୍ବ ସ୍ବାସ୍ଥ୍ୟ ଦିବସ ପାଳିତ ହୋଇଯାଇଛି ।  ସୁବର୍ଣ୍ଣପୁର ଜିଲ୍ଲା ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତଙ୍କର ମାର୍ଗଦର୍ଶନ ଓ ବିଦ୍ୟାଳୟର ପ୍ରଧାନ ଶିକ୍ଷକ ହେମସାଗର ବାଘଙ୍କ ତତ୍ତ୍ଵାବଧାନରେ

କାର୍ଯ୍ୟକ୍ରମକୁ ଜୁନିଅର ରେଡକ୍ରସ ପରାମର୍ଶଦାତ୍ରୀ  ତପସ୍ଵିନୀ ଦାଶଙ୍କ ସଂଯୋଜନା କରିଥିଲେ । ସମ୍ମାନୀତ ଅତିଥି ଭାବରେ ରାମପୁର ଅଞ୍ଚଳର ଜଣାଶୁଣା ସମାଜସେବୀକା ସୁଶ୍ରୀ ପ୍ରଭାସିନୀ ଦାଶ ଯୋଗ ଦେଇଥିଲେ । ନାରୀ ସୁସ୍ଥ ରହିଲେ, କେବଳ ପରିବାର ନୁହେଁ ,ତା'ର ଦେଶ ସୁସ୍ଥ ରହିବାର ସଙ୍ଗେସଙ୍ଗେ ସୁସ୍ଥ ସମାଜ ଗଢିଉଠିବ । ଚଳିତ ବର୍ଷ ବିଶ୍ବ ସ୍ବାସ୍ଥ୍ୟ ଦିବସର ବିଷୟବସ୍ତୁ "ସମସ୍ତଙ୍କ ପାଇଁ ସ୍ବାସ୍ଥ୍ୟ" ବିଷୟରେ

ସମ୍ମାନୀୟା ଅତିଥି ସୁଶ୍ରୀ ଦାଶ ମତବ୍ୟକ୍ତ କରିବା ସହିତ ହାତଧୁଆ ପ୍ରଣାଳୀ ବିଷୟରେ ବୁଝାଇବା ସହ ଋତୁସ୍ରାବ ସମୟରେ ସଫାସୁତୁରା ରହିବା ସହିତ ପୁଷ୍ଟିକର ଆହାର ଖାଇବା , ଯୋଗାଭ୍ୟାସ ଆପଣେଇବାକୁ ମତପ୍ରକାଶ କରିଥିଲେ । କାର୍ଯ୍ୟକ୍ରମରେ ରଶ୍ମିତା ଦାଶ, ଆହ୍ଲାଦିନୀ ପ୍ରଧାନ, ଅହଲ୍ୟା ପ୍ରଧାନ, ପୁଷ୍ପାଞ୍ଜଳି ପଧାନ, ମଞ୍ଜରୀ ପଧାନ, ତୁଳସା ଭୁଜ, ଯପି ପଧାନ, ରାହି କଠାର ପ୍ରଭୃତି ଉପସ୍ଥିତ ଥିଲେ । ପରିଶେଷରେ ଆହ୍ଲାଦିନୀ ପଧାନ ଧନ୍ୟବାଦ ଅର୍ପଣ କରିଥିଲେ ।