15-Mar-2023

ବଲାଙ୍ଗୀର - ଅଜବ ଦେଶର ଗଜବ ନୀତି । ଇତି ମଧ୍ୟରେ ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ହସ୍ପିଟାଲ ରେ ଦୁଇ ଜଣ ସିକୁରିଟିଙ୍କୁ ତାଙ୍କ ସାମାନ୍ୟ ଭୁଲ ଯୋଗୁଁ ସବୁଦିନ ପାଇଁ କାର୍ଯ୍ୟରୁ ହଟାଇ ଦେଇଥିଲେ ମେଡିକାଲ ସୁପରିଣ୍ଟେଣ୍ଡେଣ୍ଟ ମ୍ୟାଡାମ୍।ଏହାପରେ ତାଙ୍କ ମେଡିକାଲ ର ଜଣେ ଆଟେଣ୍ଡାଣ୍ଟ ମଦ ପିଇ ମାତାଲ୍ ଅବସ୍ଥାରେ ଆଇସିୟୁ ଭିତରେ ରୋଗୀ ଉପରେ ପଡ଼ିବା ଏବଂ ସଲାଇଁନ ପାଇପ କାଢିବା ବିଷୟ ଜାଣିବା ତଥା ନର୍ସ ଇଞ୍ଚାର୍ଜ ଠିକ୍ ସମୟରେ ଫୋନ୍ ନ ଉଠାଇବା ବିଷୟ ମ୍ୟାଡାମ୍ ଜାଣିଲା ପରେ ମଧ୍ୟ କୌଣସି ପଦକ୍ଷେପ ନ ନେବା ଭିତରେ କଣ ରହସ୍ୟ ରହିଛି ଜଣା ପଡ଼ିନାହିଁ । ମଦ୍ୟପ ଆଟେଣ୍ଡାଣ୍ଟ ର ଖାଲି ସ୍ଥାନ ପରିବର୍ତ୍ତନ କରାଯାଇ ଓପିଡି କୁ ସ୍ଥାନାନ୍ତର କରାଯାଇଥିବା ଜଣା ପଡ଼ିଛି ।ମେଡିକାଲ ସୁପରିଣ୍ଟେଣ୍ଡେଣ୍ଟଙ୍କ ଦୋ ମୁହାଁ ନୀତି ଏବେ ଚର୍ଚ୍ଚା ଜୋର ଧରିଛି ।ଷ୍ଟାଫ ବୋଲି ସବୁ ମାଫ୍ ।ସମସ୍ତଙ୍କ ପାଇଁ ନିୟମ ସମାନ ହେବା ଉଚିତ୍ ।

ସୂଚନାଯୋଗ୍ଯ ,ଏହା ପୂର୍ବରୁ ପ୍ରେରଣା ରେ ଭୀମ ଭୋଇ ମେଡ଼ିକାଲ କଲେଜ ହସ୍ପିଟାଲ ଆଇ ସି ୟୁ ରେ ମଦ୍ୟପ ଙ୍କ ପ୍ରାଦୁର୍ଭାବ ଶୀର୍ଷକ ଥାଇ ସମ୍ବାଦ ହେଲା ପରେ ସୁପରିଣ୍ଟେଣ୍ଡେଣ୍ଟ ଉକ୍ତ କର୍ମଚାରୀ ଙ୍କୁ ଆଇ ସି ୟୁ ରୁ ଓ ପି ଡି କୁ ସ୍ଥାନାନ୍ତର କରିଥିବା ଜଣାପଡିଛି।  ଯଦି ସୁପରିଣ୍ଟେଣ୍ଡେଣ୍ଟଙ୍କ  ସତ ସାହସ ଅଛି ତେବେ ଉଚିତ୍ ନ୍ୟାୟ କରନ୍ତୁ ବୋଲି ସାଧାରଣରେ ଚର୍ଚ୍ଚା ହେଉଛି ।