06-Mar-2023

ବିନିକା(ହିମାଂଶୁ ଶେଖର ପୁଟେଲ) ସମ୍ବଲପୁର ବିଶ୍ଵ ବିଦ୍ୟାଳୟ ଆନୁକୁଲ୍ୟରେ ବିନିକା ସିଦ୍ଧାର୍ଥ ଡିଗ୍ରୀ କଲେଜ ଠାରେ ଚାଲିଥିବା ଏନ ଏସ ଏସ ନେତୃତ୍ଵ ବିକାଶ ତାଲିମ ଶିବିର ର ଆଜି ଦ୍ଵିତୀୟ ଦିବସରେ ରିଶୋର୍ସ ପର୍ସନ ଭାବରେ ଜିଲ୍ଲା କୃଷି ଅଧିକାରୀ ଡାକ୍ତର ବିଭୂତି ଭୂଷଣ ମିଶ୍ର ଯୋଗଦେଇ କୃଷି ମାଧ୍ୟମରେ ଆତ୍ମା ନିର୍ଭରସିଲତା,ବିନିକା ବିଡିଓ ବ୍ୟାସଦେବ ବେହେରା କ୍ୟାରିଅର କାଉଁଶିଲିଙ୍ଗ, ସଫ୍ଟଓୟାର ଇଂଜିନିୟର ପ୍ରିତମ ପ୍ରିୟଦର୍ଶନ ସାମାଜିକ ଗଣମାଧ୍ୟମର ବ୍ୟବହାର ଓ ତାର ଅପବ୍ୟବହାର,ଏମସିଡି ଏଷିଷ୍ଟାଣ୍ଟ ମ୍ୟାନେଜର ଗୀତାଞ୍ଜଳି ମେହେର ତମ୍ଭାକୁ ମୁକ୍ତ ସମାଜ ଉପରେ ଆଲୋକପାତ କରିଥିଲେ ।କାର୍ଯ୍ୟକ୍ରମରେ ଅଧ୍ୟକ୍ଷ ଡ଼ ଧୀରେନ୍ଦ୍ର ନାୟକ ସଭାପତିତ୍ବ କରିଥିବା ବେଳେ ଅଧ୍ୟାପକ ବିଶ୍ଵନାଥ ମିଶ୍ର ସଂଯୋଜନା କରିଥିଲେ ।ବିଶ୍ଵ ବିଦ୍ୟାଳୟ ଅଧୀନ ୧୦ଗୋଟି କଲେଜର ଛାତ୍ରଛାତ୍ରୀ ଉପସ୍ଥିତ ରହି ଶିକ୍ଷାଗ୍ରହଣ କରିଥିଲେ ।ପ୍ରାରମ୍ଭରେ ଯୋଗଦେଇଥିବା ସମସ୍ତ ସ୍ବେଚ୍ଛାସେବୀ ଙ୍କୁ ଖେଳ ଶିକ୍ଷକ ନାରାୟଣ ଚୌଧୁରୀ ଓ ଯୋଗ ଗୁରୁ ବାଳମୁକୁନ୍ଦ ବ୍ୟାୟାମ ଓ ବିଭିନ୍ନ ପ୍ରକାରର ଯୋଗ ତାଲିମ ପ୍ରଦାନ କରିଥିଲେ ।ସନ୍ଧ୍ୟାରେ ଛାତ୍ରଛାତ୍ରୀଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ବେଶ ଚିତ୍ତାକର୍ଷକ ହୋଇଥିଲା ।