06-Mar-2023

ବଲାଙ୍ଗୀର, ଜିଲ୍ଲାର କିଛି ବୁଦ୍ଧିଜୀବୀ ଓ ବରିଷ୍ଠ ଶିକ୍ଷାବିତ୍ ମାନଙ୍କୁ ନେଇ ଗଠିତ ଡିଷ୍ଟିକ୍ଟ ଏଜୁକେସନ ଡେଭଲେପମେଣ୍ଟ ଫୋରମ ପକ୍ଷରୁ ବିଭିନ୍ନ ସ୍କୁଲରେ ଉଭୟ ଛାତ୍ରଛାତ୍ରୀ ଓ ଶିକ୍ଷକଶିକ୍ଷୟିତ୍ରୀ ମାନଙ୍କୁ  ମୋଟିଭେସନାଲ୍ କ୍ଲାସ ଜରିଆରେ ଗୁଣାତ୍ମକ ଶିକ୍ଷା ପ୍ରଦାନ କରାଯାଉଛି । ଶିକ୍ଷା ଓ ଶିକ୍ଷାୟତନର  ବିକାଶ ଦିଗରେ ଏହି ଫୋରମ କାର୍ଯ୍ୟ କରୁଥିବା ବେଳେ  ଆଜି ଏହି ଫୋରମ ପକ୍ଷରୁ  ଅତିଥି ଭାବରେ ପ୍ରଫେସର ମଧୁସୂଦନ ପତି, ଅବସରପ୍ରାପ୍ତ ପ୍ରଧାନ ଶିକ୍ଷକ ନବୀନ ନାଏକ, ପୀତବାସ ପଣ୍ଡା ଓ ସଂଜୀବ ନାଏକ ପ୍ରମୁଖ ବଲାଙ୍ଗୀର ମନୋହରପୁର ୟୁ.ପି ସ୍କୁଲ ଠାରେ ପହଂଚି ସ୍କୁଲର ଛାତ୍ରଛାତ୍ରୀ ଓ ଶିକ୍ଷକଶିକ୍ଷୟିତ୍ରୀ ମାନଙ୍କୁ ଶିକ୍ଷାଦାନର ବିଭିନ୍ନ ଦିଗ ଉପରେ ବୁଝାଇବା ସହ ସାଂପ୍ରତିକ ପରିସ୍ଥିତିରେ ଛାତ୍ରଛାତ୍ରୀ ମାନେ କିପରି ଭଲ ମଣିଷ ହୋଇ ପାରିବେ ସେ ସଂପର୍କରେ ଦିଗଦର୍ଶନ ଦେଇ ଥିଲେ । ସ୍କୁଲରେ  ଶୈକ୍ଷିକ ବାତାବରଣ ସୃଷ୍ଟି କରିବା, ସ୍କୁଲର ପାରିପାଶ୍ୱିର୍କ ଉନ୍ନତି  ଓ ଶିକ୍ଷାଦାନ ଶୈଳୀ ସଂପର୍କରେ ଫୋରମର ସଭ୍ୟ ମାନେ ବୁଝାଇଥିଲେ । ସ୍କୁଲର ପ୍ରଧାନ ଶିକ୍ଷୟିତ୍ରୀ ବିଜୟଲକ୍ଷ୍ମୀ ମିଶ୍ରଙ୍କ ସମେତ ସମସ୍ତ ଶିକ୍ଷକଶିକ୍ଷୟିତ୍ରୀ ଏହି ମୋଟିଭେସନାଲ୍ କ୍ଲାସ୍ ରେ ଅଂଶଗ୍ରହଣ କରିଥିଲେ ।