05-Mar-2023

ଲୋଇସିଂହା, (ବିନୋଦ କୁମାର ଦୀପ) ପ୍ରବାଦ ପୁରୁଷ,  ଇଣ୍ଡୋନେସିଆ ର ଭୂମିପୁତ୍ର, ଭାରତ ସ୍ୱାଧୀନତା ସଂଗ୍ରାମ ର ମହାରଥି,  ଓଡିଶା ବିକାଶ ଭିତ୍ତି ଭୂମିର ଅନନ୍ୟ ସ୍ଥପତି ଜନନାୟକ ବିଜୁ ପଟ୍ଟନାୟକ ଙ୍କ 107 ତମ ଜୟନ୍ତୀ ଆଜି ସାରା ଦେଶ ପାଳନ କରୁଥିବା ବେଳେ ଓଡିଶା ରେ ମଧ୍ୟ ବିଜୁ ଜନତା ଦଳ ତାହାର ଛାମୁଆ ସଂଗଠନ ର କାର୍ଯ୍ୟକର୍ତ୍ତା, ସଦସ୍ୟ ସଦସ୍ୟା,ଶୁଭେଛୁ ଓ ଜନସାଧାରଣ ଙ୍କୁ ନେଇ ପାଳନ କରୁଛି ବିଜୁ ଜୟନ୍ତୀ l ଏହି କ୍ରମେ ଆଜି ବଲାଙ୍ଗୀର ଜିଲ୍ଲା ଲୋଇସିଂହା ନିର୍ବାଚନ ମଣ୍ଡଳୀ ଲୋଇସିଂହା ଠାରେ  ବିଜୁ ଜନତା ଦଳ ତରଫରୁ ବିଜୁ ପଟ୍ଟନାୟକ ଙ୍କ 107ତମ ବିଜୁ ଜୟନ୍ତୀ ପାଳିତ ହୋଇଯାଇଛି l ଏହି ଅବସରରେ ପ୍ରଥମେ ଏକ ସାଇକେଲ ରେଲି ଆଗଲପୁର ବ୍ଲକ ର ନିରବଚନ ଠାରୁ ଆଗଲପୁର ପର୍ଯ୍ୟନ୍ତ ଗଡ଼ିଥିଲା ଶହ ଶହ ସାଇକେଲ l  ଏହି ଶୋଭାଯାତ୍ରା କୁ ବିଜେଡ଼ି ରାଜ୍ୟ ପରିଷଦ ସଦସ୍ୟ ଶ୍ରୀଯୁକ୍ତ ନିହାର ରଞ୍ଜନ ବେହେରା ଶୁଭାରମ୍ଭ କରିଥିବା ବେଳେ ହଜାର ହଜାର ଯୁବକ  ଓ ବୁଦ୍ଧିଜୀବୀ ଏହି ଶୋଭାଯାତ୍ରା ରେ ସାମିଲ ହୋଇଥିଲେ l

ପରେ ଲୋଇସିଂହା ଡାକ୍ତରଖାନା ରେ ରୋଗୀ ମାନଙ୍କୁ ଫଳ ବଣ୍ଟନ କରାଯାଇଥିଲା l ଦିନ 12 ଟା 40 ମିନିଟ୍ ରେ ଲୋଇସିଂହା ରେ ବିଜୁ ଜନତା ଦଳ ତରଫରୁ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା l ଲୋଇସିଂହା ବ୍ଲକ ସଭାପତି ଶ୍ରୀଯୁକ୍ତ ହୃଦୟାନନ୍ଦ ବେହେରା ଙ୍କ ସଭାପତିତ୍ବରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ଶ୍ରୀଯୁକ୍ତ ନିହାର ରଞ୍ଜନ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ବିଜୁ ପଟ୍ଟନାୟକଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରି ସଭାକାର୍ଯ୍ୟ ର ଶୁଭାରମ୍ଭ କରିବା ସହ  ସ୍ଵର୍ଗତ ବିଜୁ ପଟ୍ଟନାୟକ ଙ୍କ ଉପରେ ସୁଚିନ୍ତିତ ମତାମତ ରଖିଥିଲେ l ଅନ୍ୟତମ ଅତିଥି ଭାବେ ବିଜେଡି ର ବରିଷ୍ଠ ସଦସ୍ୟ ସହଦେବ ସା ,ପଞ୍ଚୁ ପଧାନ, ଦିଲ୍ଲୀପ ବାରିକ, ପ୍ରମୋଦ ମିଶ୍ର, ବିଜୟ ଦାସ, ପାଣ୍ଡବ କୁମ୍ଭାର, ଜ୍ୟୋସ୍ନାମୟୀ ନାଗ, ପୁଇଁତଳା ବ୍ଲକ ଅଧ୍ୟକ୍ଷ ସରୋଜ ପଧାନ, ଲୋଇସିଂହା ନିର୍ବାଚନ ମଣ୍ଡଳୀ ର ବିଭିନ୍ନ ଜୋନ୍ ର ଜିଲ୍ଲା ପରିଷଦ ସଦସ୍ୟା ବୀଣାପାଣି ଦାସ, ଲିଳିମା ବେହେରା ଓ ସଂଯୁକ୍ତା ବରିହା l ଅନ୍ୟ ମାନଙ୍କ ମଧ୍ୟରେ  ନିରୁପମା ପଧାନ ଆଗଲପୁର ବ୍ଲକ ଉପାଧ୍ୟକ୍ଷl, କୁମରମଣି ସେଠ୍, ବିଷ୍ଣୁ ପଟେଲ ବ୍ଲକ ସଭାପତି ପୁଇଁତଳା, ଗୀତାଞ୍ଜଳି ସେଠ୍, ଲେକୃ ପଟେଲ, ଗୋବର୍ଧନ ସାହୁ ଯୋଗଦେଇ ପ୍ରବାଦ ପୁରୁଷ ବିଜୁ ପଟ୍ଟନାୟକ ଙ୍କ ଉପରେ ନିଜ ନିଜର ଅଭିଭାଷଣ ରଖିଥିଲେ l ଏହି ଅବସରରେ ବିଜେଡ଼ି ର କର୍ମୀ ମାନେ ସାଢ଼େ ଚାରିକୋଟି ଓଡିଶା ବାସୀ ଙ୍କ ସ୍ୱାର୍ଥ ଓ ସ୍ୱାଭିମାନ ପାଇଁ ଲଢ଼ିବା,ଏକ ସମୃଦ୍ଧ, ସଶକ୍ତ, ସ୍ୱାଭିମାନୀ "ନବୀନ ଓଡିଶା " ଗଠନ କରିବା ନିମନ୍ତେ ଶପଥ ନେଇଥିଲେ l ତେବେ ଆଜିର ଏହି ସଭାରେ ରାଜନୀତି ର ଗନ୍ଧ  ସ୍ପଷ୍ଟ ଭାବରେ ବାରି ହେଉଥିଲା l ଲୋଇସିଂହା ବିଜେଡ଼ି ର ପୂର୍ବତନ ସଭାପତି ତାଙ୍କ ବକ୍ତବ୍ୟ ରେ କହିଥିଲେ ଯେ ଗତ 2019 ନିର୍ବାଚନ ରେ ଦଳୀୟ କନ୍ଦଳ ଯୋଗୁଁ ଲୋଇସିଂହା ବିଧାନସଭା ଓ ବଲାଙ୍ଗୀର ସିଟ ବିଜେଡ଼ି ହରେଇ ଥିଲା l ଏଥର ସମସ୍ତେ ଏକଜୁଟ ହୋଇ କଳିକେଶ ସିଂ ଦେଓ ଓ ନିହାର ରଞ୍ଜନ ବେହେରା ଙ୍କ ହାତ ମୁଠା କୁ ଟାଣ କରି ଉଭୟ ସିଟ ହାତେଇବା ପାଇଁ ସେ ସମସ୍ତ କର୍ମୀ ଙ୍କୁ ଆୱାହାନ ଦେଇଥିବା ବେଳେ ଚାଷୀ ନେତା ଦିଲ୍ଲିପ ବାରିକ ଆଗାମୀ ପାର୍ଲିଆମେଣ୍ଟ ନିର୍ବାଚନ ରେ ବଲାଙ୍ଗୀର ଲୋକସଭା ସିଟ ନିମନ୍ତେ କଳିକେଶ ନାରାୟଣ ସିଂ ଦେଓ ଙ୍କ ହାତ ମୁଠାକୁ ଟାଣ କରିବା ପାଇଁ ଆୱାନ ଦେଇଥିଲେ l