28-Feb-2023

ବଲାଙ୍ଗୀର, ଆଜି ବଲାଙ୍ଗୀର କଦମପଡା ସ୍ଥିତ ସରସ୍ବତୀ ଶିଶୁମନ୍ଦିରରେ ସାର ସି.ଭି.ରମଣଙ୍କ ଜନ୍ମଦିନ ଅବସରରେ ବିଜ୍ଞାନ ଦିବସ ପାଳନ କରାଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ରୂପେ ରାଜେନ୍ଦ୍ର ବିଶ୍ବବିଦ୍ୟାଳୟର ପଦାର୍ଥ ବିଜ୍ଞାନ ର ଅବସରପ୍ରାପ୍ତ  ଅଧ୍ୟାପକ ଡ. ଅଭିମନ୍ୟୁ ମିଶ୍ର ଦୀପ ପ୍ରଜ୍ବଳନ ପୂର୍ବକ ଶୁଭାରମ୍ଭ କରିଥିଲେ । ମଞ୍ଚାସୀନ ଅତିଥିଙ୍କ ପରିଚୟ ବିଦ୍ୟାଳୟର ପ୍ରଧାନଆଚାର୍ଯ୍ୟ ସୁବ୍ରତ କୁମାର ବେହେରା କରିଥିଲେ । ସ୍ବାଗତ ସଂଗୀତ ଛାତ୍ରୀ ସ୍ନେହାଞ୍ଜଳୀ ପଣ୍ଡା, ଭାଗ୍ୟଶ୍ରୀ ମହାପାତ୍ର, ପ୍ରତୀକ୍ଷା ନିଆଲ, ରାଜନନ୍ଦିନୀ ବେହେରା, ପ୍ରିୟଙ୍କା ସାହୁ, ରେଶ୍ମା ମେହେର, ପ୍ରତିଭା ସାହୁ ଗାନ କରିଥିଲେ । ତାପରେ ମୁଖ୍ୟଅତିଥି ନିଜ ବକ୍ତବ୍ୟ ଦେଇ ଶିଶୁଙ୍କ
ଉଦ୍ଦେଶ୍ୟରେ କହିଥିଲେ ଯେ ସୁସ୍ଥଦେହ ହିଁ ସୁସ୍ଥମନର କାରଣ ଏବଂ ଏକ ସୁସ୍ଥମନ ହିଁ ବୈଜ୍ଞାନିକ ମନୋଭାବକୁ ସଂଚାରିତ କରେ । ଏହି କାର‌୍ୟ୍ୟକ୍ରମକୁ ଛାତ୍ରୀ ସାକ୍ଷୀପ୍ରଜ୍ଞା ନାଏକ ଓ ସ୍ନେହାଞ୍ଜଳୀ ପଣ୍ଡା ସଂଯୋଜନା କରିଥିଲା ବେଳେ ଗୁରୁମା ନିରୂପମା ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ । ମଂଚାସୀନ ଅନ୍ୟତମ ଅତିଥିଙ୍କ ମଧ୍ୟରେ ସମ୍ବଲପୁର ବିଶ୍ବବିଦ୍ୟାଳୟର ଅବସରପ୍ରାପ୍ତ ରସାୟନ ବିଭାଗର ପ୍ରଧ୍ୟାପକ ପ୍ରେମଚାନ୍ଦ ମହାନ୍ତି, ଅବସରପ୍ରାପ୍ତ ବଲାଙ୍ଗୀର ହୋମିଓପାଥି ମେଡିକାଲର ମେଡିକାଲ ଅଫିସର ଗୋଦାବରୀଶ ରଥ, କୋଷାଧ୍ୟକ୍ଷ ସତ୍ୟାନନ୍ଦ ଷଡଙ୍ଗୀ,ପୂର୍ବତନ ସଂପାଦକ ଚିତ୍ତରଞ୍ଜନ ପଟେଲ,ସଦସ୍ୟ ସନାତନ ଠାକୁର  ଉପସ୍ଥିତ ଥିଲେ । ଏହାପରେ ୧ମରୁ ୧୦ମ ଶ୍ରେଣୀ ଛାତ୍ରଛାତ୍ରୀଙ୍କ ମଧ୍ୟରେ ବିଜ୍ଞାନ କୁଇଜ ପ୍ରତିଯୋଗିତା କରାଯାଇଥିଲା । ଛାତ୍ରଛାତ୍ରୀମାନେ ବିଭିନ୍ନ ପ୍ରକଳ୍ପ ପ୍ରଦର୍ଶନ କରିଥିଲେ । ଛାତ୍ରଛାତ୍ରୀମାନେ ଭାରତୀୟ ବୈଜ୍ଞାନିକମାନଙ୍କ ବିଷୟରେ ଅଭିଭାଷଣ ମାନ ଉପସ୍ଥାପନା କରିଥିଲେ । ସମସ୍ତ ଗୁରୁଜୀ ଗୁରୁମାଙ୍କ ସହଯୋଗରେ ଉକ୍ତ କାର୍ଯ୍ୟକ୍ରମଟି ସଫଳତା ସହ ସଂପର୍ଣ୍ଣ ହୋଇଥିଲା।