26-Feb-2023

ପଦ୍ମପୁର(ପ୍ରେରଣା ଖବର) ସ୍ଥାନୀୟ ସରସ୍ୱତୀ ଶିଶୁ ବିଦ୍ୟା ମନ୍ଦିର,ପଦ୍ମପୁର  ଶିଶୁ ବାଟିକା ବିଭାଗ ର ଆସନ୍ତା ଶିକ୍ଷା ବର୍ଷ ପାଇଁ ନାମ ଲେଖାଇବା ପାଇଁ ଇଛୁକ ଶିଶୁଙ୍କ ପିତା ମାତା ଙ୍କୁ ନେଇ ଘର ହିଁ ବିଦ୍ୟାଳୟ ପ୍ରକଳ୍ପ   ର ଦ୍ୱିତୀୟ ପର୍ଯ୍ୟାୟ  ଅନୁଷ୍ଠିତ ହୋଇଯାଇଛି ।ଏହି ଅବସରରେ ଡ଼ଃ ବାଞ୍ଛାନିଧି ପଣ୍ଡା ବିଦ୍ୱତ୍ ପରିଷଦ ଶିକ୍ଷା ବିକାଶ ସମିତି  ର ସଭାପତି ମୂଖ୍ୟ ଅତିଥି ଭାବରେ ଯୋଗଦେଇ ଦୀପ ପ୍ରଜ୍ୱଳନ ପୂର୍ବକ କାର୍ଯ୍ୟକ୍ରମ କୁ ଆରମ୍ଭ କରି ଔପଚାରିକ ଓ ଅନୌପଚାରିକ ଶିକ୍ଷା ସଂସ୍କାର ଓ ଚରିତ୍ର ନିର୍ମାଣ ବିଷୟରେ ଆଲୋକପାତ  କରିଥିଲେ । ଦିନବନ୍ଧୁ ଦେହେରୀ ଗୁରୂଜୀ ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ ।ଗୀତାଞ୍ଜଳି ପ୍ରଧାନ ଗୁରୁମା କାର୍ଯ୍ୟକ୍ରମ ର ସଂଯୋଜନା କରିଥିବା ବେଳେ ସୁଶ୍ରୀ ମିନତୀ ପଟ୍ଟନାୟକ ଗୁରୁମା ଦିବା ପର୍ଯ୍ୟାୟ ପ୍ରମୁଖା  ଧନ୍ୟବାଦ ଅର୍ପଣ  କରିଥିଲେ। ଉକ୍ତ କାର୍ଯ୍ୟକ୍ରମରେ ୫୦ ଜଣ ପିତା ମାତାମାନେ ଯୋଗ ଦେଇଥିଲେ ।ସମସ୍ତଙ୍କ ସହଯୋଗରେ କାର୍ଯ୍ୟକ୍ରମ ଟି ସଫଳ ହୋଇଥିଲା ।