25-Feb-2023

ବଲାଙ୍ଗିର (ପ୍ରେରଣା ଖବର ) ନିଶାସକ୍ତ ଜେଲ ୱାର୍ଡର ର ଉନ୍ମତ୍ତ କାଣ୍ଡ | ହସ୍ପିଟାଲ ପରିସରକୁ ପଶି ଦମ୍ପତ୍ତିଙ୍କୁ ମାଡ ମାରିଥିବା ଅଭିଯୋଗ | ଏପରି ଏକ ଅଭାବନୀୟ ଘଟଣା ଘଟିଛି ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସପିଟାଲ ରେ | ଗତକାଲି ଠାରୁ ଗଇଁତଲା ଗାଁ ର ରମାକାନ୍ତ ନାଗ ହସ୍ପିଟାଲରେ ନିଜ ବାପାଙ୍କୁ ଭର୍ତି କରିଛନ୍ତି | ରମାକାନ୍ତ ନିଜ ସ୍ତ୍ରୀ ଙ୍କ ସହିତ ହସ୍ପିଟାଲ ନିକଟରେ ଥିବା ଆଉଟଡୋର ନିକଟରେ ଛିଡା ହୋଇଥିଲେ |  ସେହି ରାସ୍ତା ରେ ଜେଲକୁ ଯାଉଥିବା ଜିଲ୍ଲା କାରାଗାର ର ୱାର୍ଡର ବିଜୁ ଛତ୍ରିଆ ହଠାତ ନିଶାସକ୍ତ ଅବସ୍ଥାରେ ଉଭୟ ଦାମ୍ପତ୍ତି ଙ୍କୁ ଗାଳିଗୁଲଜ କରିବା ଆରମ୍ଭ କରିଥିଲେ | ପ୍ରତିବାଦ କରିବାରୁ ଉଭୟଙ୍କୁ ଗୋଡ଼ାଇ ଗୋଡ଼ାଇ ମାଡ ମାରିଥିଲେ | ଏନେଇ ହସ୍ପିଟାଲ ଫାଣ୍ଡି କୁ ଯାଇ ଲିଖିତ ଅଭିଯୋଗ କରିଥିଲେ ରମାକାନ୍ତ | ହସ୍ପିଟାଲ ଫାଣ୍ଡି ପୋଲିସ ଜେଲ ୱାର୍ଡର ଙ୍କୁ ଅଟକ ରଖିଥିଲା |  ପରେ ଟାଉନ ଥାନାର ପୋଲିସ ଟିମ ଆସି ୱାର୍ଡର ବିଜୁ ଛତ୍ରିଆ ଙ୍କୁ ଟାଉନ ଥାନାକୁ ନେଇ ଅଧିକ ପଚାର ଉଚୁରା କରୁଛନ୍ତି | ସେପଟେ ଜଣେ ଜେଲ ୱାର୍ଡର ମଦ୍ୟପାନ କରି ହସ୍ପିଟାଲ ପରିସରରେ ରୋଗୀଙ୍କ ସମ୍ପର୍କୀୟ ଙ୍କୁ ମାଡ ମାରିବା ଘଟଣାକୁ ନେଇ ସାଧାରଣ ରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି |