20-Feb-2023

କର୍ଲାମୁଣ୍ଡା:(, ପ୍ରଦିପ କୁମାର ସାହୁ)କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଗଜବାହଲ ପଞ୍ଚାୟତ ର ଚାଷୀ ବଳଦେବ ଭୋଇ କୃତୀ କୃଷକ ସମ୍ମାନ ରେ ସମ୍ମାନିତ ହେବା ପରେ ବ୍ଲକ ର ବିଭିନ୍ନ ଅନୁଷ୍ଠାନ ପକ୍ଷରୁ ଶୁଭେଚ୍ଛା ର ସୁଅ ଛୁଟୁଛି।ସୂଚନା ମତେ ଓଡ଼ିଶା ସରକାର ଙ୍କ ପକ୍ଷରୁ ଚଳିତ ମାସ ୧୬ ରୁ ୧୮ ତାରିଖ ପର୍ଯ୍ୟନ୍ତ ଭୁବନେଶ୍ୱର ଠାରେ ହୋଇଥିବା  ରାଜ୍ୟ ସ୍ତରୀୟ କୃଷି ଓଡିଶା ଉତ୍ସବରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ କୃଷକ, ସ୍ୱୟଂ ସହାୟକ ଗୋଷ୍ଠୀ ମାନଙ୍କୁ ସମ୍ମାନିତ କରାଯାଇଥିଲା।ଏହି କ୍ରମରେ ବଳଦେବ ଭୋଇ ମୃତ୍ତିକା ସରକ୍ଷଣ ଓ ଜଳ ବିଭାଜିକା କ୍ଷେତ୍ରରେ  ଉତ୍କର୍ଷତା ପାଇଁ କୃଷି ଓଡିଶା ୨୦୨୩  ଉତ୍ସବ ରେ  କୃତି କୃଷକ ସମ୍ମାନ ରେ ସମ୍ମାନିତ ହୋଇଥିଲେ।ତାଙ୍କର ଏହି ସଫଳତା ପାଇଁ କର୍ଲାମୁଣ୍ଡା କୃଷକ କଲ୍ୟାଣ ମଞ୍ଚ, ଜନଜାଗରଣ ମଞ୍ଚ, କର୍ଲାମୁଣ୍ଡା ପ୍ରେସ କ୍ଲବ, ଓ ବ୍ଲକ ସ୍ତରୀୟ ଭିଡ଼ିସି ଫେଡରେସନ ପକ୍ଷରୁ ଶୁଭେଚ୍ଛା ଜଣାଇଛନ୍ତି। ଠିକ୍ ସେହିପରି ବ୍ଲକ ର ଜୋରାଡଵରା ଗ୍ରାମର ଚାଷୀ ଯସପାଳ ସାହୁ ମଧ୍ୟ କୃଷି କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଏହି ସମାରୋହରେ ସମ୍ମାନିତ ହୋଇଥିଲେ।