18-Feb-2023

ବଲାଙ୍ଗିର(ପ୍ରେରଣା ଖବର)  ଆଜି ବଲାଙ୍ଗିର ବ୍ଲକ ଅନ୍ତର୍ଗତ କୁଡାସିଂହାର ସିରିସ-କୁତୁର୍ଲା ବ୍ରିଜର ଶୁଭ ଭିତ୍ତି ପ୍ରସ୍ତର ମାନ୍ୟବର ବଲାଙ୍ଗିର ବିଧାୟକ ଦ୍ୱାରା ଅନୁଷ୍ଠିତ ହୋଇ ଯାଇଛି । ଗ୍ରାମ୍ୟ ଉନ୍ନୟନ ସଂସ୍ଥା ଦ୍ୱାରା ନିର୍ମାଣ ହେବାକୁ ଥିବା ଏହି ବ୍ରିଜ ନାଇକେନ ଜୋର ଉପରେ ନିର୍ମାଣ ହେବ । ଏହାର ବ୍ୟୟ ଅଟକଳ ୩କୋଟି ୯୩ଲକ୍ଷ ୧୮ହଜାର ଟଙ୍କା ମଞ୍ଜୁର ହୋଇଛି ଯାହାକୁ ଏହି ବର୍ଷ ଭିତରେ ସଂପୁର୍ଣ୍ଣ କରିବାର ଲକ୍ଷ ରଖା ଯାଇଛି । ଏହି ବ୍ରିଜ ହେବା ଦ୍ୱାରା ସିରିସ ଓ କୁତୁର୍ଲା ମଧ୍ୟରେ ଯୋଗେଯାଗ ମଝବୁତ ହେବ । ଯାଫଳରେ ଅଂଚଳରେ ଶିକ୍ଷା, ସ୍ୱସ୍ଥ୍ୟ ଓ ବ୍ୟବସାୟ କ୍ଷେତ୍ରରେ ଏହି ପୋଲ ଅଂଚଳ ପାଇଁ ଆଶିର୍ବାଦ ସଦୃଶ ହେବ । ଏହା ସହ ଉପସ୍ଥିତ ଅଧିକ୍ଷଣ ଯନ୍ତ୍ରୀଙ୍କୁ ଏହି ବ୍ରିଜ ଟି

ସମସୟ ସୀମା ପୁର୍ବରୁ ଯେମିତ ସଂପୁର୍ଣ୍ଣ ହେବ ସେ ଦିଗରେ କାମ କରିବା ସହ ଏହି କାମରେ ଗ୍ରାମବାସୀ ମାନେ ସଂପୁର୍ଣ୍ଣ ସହ ଯୋଗ କରନ୍ତୁ ବୋଲି ଶ୍ରୀ ମିଶ୍ର କହିଥିଲେ । କାର୍ଯ୍ୟକ୍ରମ ପରେ ଅଧିକ୍ଷଣ ଯନ୍ତ୍ରୀ ନିର୍ମଳ ଚନ୍ଦ୍ର ଜେନାଙ୍କ ଉପସ୍ଥିତିରେ ଅନୁଷ୍ଠିତ ହୋଇଥିବା ଭିତ୍ତିପ୍ରସ୍ତର ସଭାରେ ଗ୍ରାମବାସୀମାନେ ତାଙ୍କ ବିଭିନ୍ନ ସମସ୍ୟା ଯଥା ପ୍ରଧାନମନ୍ତ୍ରୀ ଆବାସ ଯୋଜନାରେ ହୋଇଥିବା ଅନିୟମିତତା, ରାସନ କାର୍ଡ ଓ ବିଭିନ୍ନ ଭତ୍ତାମାନଙ୍କୁ ନେଇ ଆପତ୍ତି ଅଭିଯୋଗ କରିଥିଲେ ।  ଆଜିର ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଇଞ୍ଜିନିଅର ଜ୍ଞାନ ରାଉତ, ବିରେନ୍ଦ୍ର ମିଶ୍ର, ପ୍ରମୋଦ ସାହୁ, ଜୁଲୁ ପଟ୍ଟନାୟକ, ଭୁତିଆରବାହାଲ ସରପଞ୍ଚ ନୀଳ ସେଠ, ଲିଙ୍ଗରାଜ ପୁଟେଲ, ସରୋଜ ରଥ, ଅଜିତ ସାହୁ ପ୍ରମୁଖ ଉପସ୍ଥିତ ଥିଲେ ।