06-Dec-2020

ଟିଟିଲାଗଡ଼, (ପ୍ରେରଣା ଖବର) :ବଲାଙ୍ଗୀର ଜିଲ୍ଲା ଟିଟିଲାଗଡ ସବ ଡିଭିଜନର    ମୁଖ୍ୟ ସରକାରୀ ବସଷ୍ଟାଣ୍ଡ ଦୀର୍ଘ ବର୍ଷ ଧରି କାର୍ଯ୍ୟକାରୀ ନହୋଇ ପଡିରହିଥିବା ବେଳେ ଏହି ବସଷ୍ଟାଣ୍ଡକୁ ଗୋପନରେ ଟେଣ୍ଡର କରି ଅତ୍ୟନ୍ତ କମ ମୂଲ୍ୟରେ ଜଣେ ଅଣ ଓଡିଆ ବ୍ୟବସାୟୀଙ୍କୁ ବିକ୍ରି କରି ଦିଆଯାଇଥିବା ଅଭିଯୋଗ ହୋଇଛି। ସୂଚନାଯୋଗ୍ୟ ଯେ,  ଟିଟିଲାଗଡ ସହରରେ ସରକାରୀ ଅବା ବେସରକାରୀ ବସଷ୍ଟାଣ୍ଡ ଟିଏ ନ ଥିବା ବେଳେ ରାସ୍ତା କଡରେ ସହରର ସର୍ଗିଗୁଡା ଓ ହାଟପଦା ପଡାରେ ରାସ୍ତା କଡରେ ବସ ଠିଆ ହୋଇରହୁଛି। ଖରା,ବର୍ଷା, ସିତ,କାକର ରେ ସାଧାରଣ କୌଣସି ଦୋକାନ କଡରେ ଆଶ୍ରୟ ନେଇ ଦୁର୍ଦ୍ଦଶା ଭୋଗ କରୁଛନ୍ତି । ସ୍ଥାୟୀ ବସଷ୍ଟାଣ୍ଡ ଟିଏ ସହରରେ ନ ରହି ତାର ବର୍ଷବର୍ଷ ଧରି ବ୍ୟବସ୍ଥା କରାଯାଇ ପାରୁ ନ ଥିବା ନେଇ ଏ ଦିଗରେ ତୁରନ୍ତ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ ଦାବି ହେଉଛି। ସେହିପରି ଉକ୍ତ ସରକାରୀ ବସଷ୍ଟାଣ୍ଡକୁ କିପରି ଗୋପନ ରେ ଅତି କମ ମୂଲ୍ୟରେ ପ୍ରିୟାପ୍ରୀତି ନୀତି ରେ ବିକ୍ରି କରି ଦିଆଯାଇଛି, ସେ ନେଇ ମଧ୍ୟ ତଦନ୍ତ କରିବା ଦାବି ହେଉଛି।