15-Feb-2023

ବଲାଙ୍ଗୀର- ଓଡିଶା ସରକାରୀ ହାଇସ୍କୁଲ (ନୂତନ ପେନସନ) ଯୋଜନା ଶିକ୍ଷକ ସଂଘର ଏକ ର‌୍ୟାଲି ସ୍ଥାନୀୟ ରାମ ଗୋପାଳ ହିନ୍ଦି ହାଇସ୍କୁଲରୁ ବାହାରି ଥିଲା । ଶିକ୍ଷକମାନେ ଶୋଭାଯାତ୍ରା ମାଧ୍ୟମରେ ବାହାରି ବଲାଙ୍ଗିର ଶିକ୍ଷା ଅଧିକାରୀଙ୍କୁ ଦାବିପତ୍ର ପ୍ରଦାନ କଲା ପରେ ଜିଲ୍ଲାପାଳ ଅଫିସ ସମ୍ମୁଖରେ ଏକ ପ୍ରତିବାଦ ସଭାର ଆୟୋଜନ କରାଯାଇଥିଲା । ପ୍ରତିବାଦ ସଭାରେ ତାଙ୍କର ଦୁଇଟି ଦାବି ୨୦୧୬ ରୁ ୨୦୨୨ ମଧ୍ୟରେ ନିଯୁକ୍ତି ପାଇଥିବା  ପ୍ରଥମିକ ନିଯୁକ୍ତି ଶିକ୍ଷକ ମାନଙ୍କ ନିୟମିତ କରଣ ପ୍ରକ୍ରିୟା ଅହେତୁକ ବିଳମ୍ବ ହେବା ଓ ୨୦୦୪ ରୁ ୨୦୧୩ ମଧ୍ୟରେ ନିଯୁକ୍ତି ପାଇଥିବା ଚୁକ୍ତିବଦ୍ଧ ଶିକ୍ଷକମାନଙ୍କର ୬ ବର୍ଷର ଚୁକ୍ତି ସମୟକୁ ମୁଳ ଚାକିରିରେ ଗଣନା କରିବା ତଥା ୬ଟି ନୋସନାଲ ଇନକ୍ରିମେଣ୍ଟ ପ୍ରଦାନ କରିବା ଦାବି ଉପରେ ପ୍ରତିବାଦ କରାଯାଇଥିଲା ।

ପ୍ରତିବାଦ ସଭାରେ ସଂଘର ରାଜ୍ୟ ଉପସଭାପତି ନରେଶ ଦ୍ୱାରି, ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ, ବରିଷ୍ଠ ଆଇନଜୀବୀ ତଥା କୋଶଲ ରାଜ୍ୟ ସମନ୍ୱୟ ସମିତି ର ଅଧ୍ୟକ୍ଷ ପ୍ରମୋଦ କୁମାର ମିଶ୍ର, ବଲାଙ୍ଗିର ନାଗରିକ କମିଟି  ସମ୍ପାଦକ ମନୋରଂଜନ ସାହୁ, ବଲାଙ୍ଗିର ପ୍ରାଥମିକ ନୂତନ ପେନସନ ଯୋଜନାର ସଭାପତି ଶିତୋଷ କୁମାର ପାଣିଗ୍ରାହୀ, ସଂଘର ଉପଦେଷ୍ଟା ଡୋଳାମଣି ସାହୁ, ପ୍ରାଥମିକ ନିଯୁକ୍ତି ଶିକ୍ଷକ ସଂଘର ସଭାପତି ଶୁଧାଂଶୁ ଶେଖର ବାରିକ, ଶିକ୍ଷୟତ୍ରୀ ଅର୍ଚ୍ଚନା ହନୁମାନ ଉଦ୍‌ବୋଧନ ଦେଇଥିଲେ । ପ୍ରତିବାଦ ସଭା ପରେ ଉପଜିଲ୍ଲାପାଳ ସଭା ସ୍ଥଳକୁ ଆସି ଦାବିପତ୍ର ଗ୍ରହଣ କରିଥିଲେ ଓ ଦାବିପତ୍ର ଗୁଡିକୁ ମାନ୍ୟବର ମୁଖ୍ୟମନ୍ତ୍ରୀ, ମୁଖ୍ୟ ଶାସନ ସଚିବ, ୫ଟି ସଚିବ, ଶିକ୍ଷାମନ୍ତ୍ରୀ ଓ ଗଣଶିକ୍ଷା ବିଭାଗର ସଚିବ ଙ୍କ ନିକଟକୁ ପ୍ରେରଣ କରିବା ପାଇଁ ପଦକ୍ଷେପ ନେବେ ବୋଲି କହିଥିଲେ । ପ୍ରତିବାଦ ସଭାଟି ସଂଘର ସଭାପତି ରାମ କୁମାର ଭୋଇ ଓ ସଂପାଦକ ବିର କିଶୋର ସୁନାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ହୋଇଥିଲା । ସରକାର ସଂଘର ଦାବି ଗୁଡିକୁ ଶିଘ୍ର ପୁରଣ ନ କଲେ ଆଗାମୀ ଦିନରେ ମେଟ୍ରିକ ଏସ୍‌ଏ-୨ ପରିକ୍ଷାକୁ ବର୍ଜନ କରିବେ ବୋଲି ଚେତାବନୀ ଦେଇଥିଲେ । ଶେଷରେ ସଂଘର ଉପଦେଷ୍ଟା ଦ୍ୱିତୀ ରଂଜନ ମହାଲିଙ୍ଗ ଧନ୍ୟବାଦ ଦେଇଥିଲେ ।