15-Feb-2023

ବରଗଡ଼ (ନିରଞ୍ଜନ ତ୍ରିପାଠୀ): ସ୍ଥାନୀୟ ବିଦ୍ୟାବିହାରସ୍ଥିତ ଇମ୍ପରିୟଲ କଲେଜଠାରେ ରାଜନୀତି ବିଜ୍ଞାନ ବିଭାଗ ପକ୍ଷରୁ ୟୁଥ ପାର୍ଲିଆମେଣ୍ଟ ଅନୁଷ୍ଠିତ ହୋଇଯାଇଛି । ଅଧ୍ୟାପିକା ଯଜ୍ଞାସିନୀ ଜେନା ଓ ଅଧ୍ୟାପକ ଅଭିଷେକ ଦୁଆନଙ୍କ ପରିଚାଳନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଭାଗର ୪୦ ଜଣ ଛାତ୍ରଛାତ୍ରୀ ଭାଗ ନେଇଥିଲେ । ୟୁଥ ପାର୍ଲିଆମେଣ୍ଟର ବାଚସ୍ପତି ଦାୟିତ୍ୱ ଶିଖା ମେହେର ତୁଲାଇଥିବା ବେଳେ ସେକ୍ରେଟାରୀ ଜେନେରାଲ ଦାୟିତ୍ୱ ଅମ୍ଲାନ ମେହେର ତୁଲାଇଥିଲେ । ଏହି କାର୍ଯ୍ୟକ୍ରମରେ ସରକାରଙ୍କ ସାମାଜିକ ଉନ୍ନତିମୂଳକ କାର୍ଯ୍ୟ ଉପରେ ଆଲୋଚନା କରାଯାଇଥିଲା । ପାର୍ଲିଆମେଣ୍ଟ ଭଳି ଜିରୋ ଆୱାର , ପ୍ରଶ୍ନ ସେସନ ଓ କଲ ଏଟେନସନ ମୋସନ ଆଗତ କରାଯାଇଥିଲା । ଲୋକସଭାର କାର୍ଯ୍ୟପ୍ରଣାଳୀକୁ ଅନୁସରଣ କରି ଛାତ୍ରଛାତ୍ରୀମାନେ ଏଥିରେ ଭାଗ ନେଇଥିଲେ । କାର୍ଯ୍ୟକ୍ରମରେ ଅତିଥି ଭାବରେ ଅଧ୍ୟାପିକା ବସୁନ୍ଧରା ଦୀପ, ଶୁଭଶ୍ରୀ ଷଡଙ୍ଗୀ ଓ ଝରଣା ମିଶ୍ର ଉପସ୍ଥିତ ରହି ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ । ଖୁବ ଶୀଘ୍ର କଲେଜରେ ଏକ ପୂର୍ଣ୍ଣ ଧରଣର ୟୁଥ ପାର୍ଲିଆମେଣ୍ଟ ହେବ ବୋଲି ଚେୟାରମେନ ଦିପକ ଗୋୟଲ ଓ ଅଧ୍ୟକ୍ଷ ଦୁର୍ଗେଶ ଶତପଥୀ ସୂଚନା ଦେଇଥିଲେ ।