15-Feb-2023

ବଲାଙ୍ଗୀର// ବଲାଙ୍ଗୀର ଜିଲ୍ଲାର ବିଭିନ୍ନ ପ୍ରାନ୍ତରେ ଥିବା ଜଙ୍ଗଲ ଗୁଡିକରେ ନିଆଁ ଲାଗି ଜଙ୍ଗଲ ଧ୍ୱଂସ ହେବା ସହ ଜଙ୍ଗଲର ଅମୂଲ୍ୟ ସଂପଦ ନଷ୍ଟ ହେଉଛି । ଏଥିଯୋଗୁଁ ବିରଳ ପ୍ରଜାତିର ଜୀବଜନ୍ତୁ ମଧ୍ୟ ଲୋପ ପାଇବାକୁ ବସୁଛନ୍ତି । ଏହାକୁ ଦୃଷ୍ଟିରେ ରଖି ଆଜି ବଲାଙ୍ଗୀର ସଦର ବ୍ଲକ ଖର୍ଲିକାନି ଠାରେ ବଲାଙ୍ଗୀର ବନ ବିଭାଗ ପକ୍ଷରୁ ଜଙ୍ଗଲ ନିଆଁ ଦାଉରୁ ଜଙ୍ଗଲ ଧ୍ୱଂସକୁ ରୋକିବା ପାଇଁ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କୁମ୍ଭାରୀର ପ୍ରତିଭା ସାଂସ୍କୃତିକ ଅନୁଷ୍ଠାନ ପକ୍ଷରୁ ଏକ ସଚେତନତାଧର୍ମୀ ପଥପ୍ରାନ୍ତ ନାଟକ ପ୍ରଦର୍ଶିତ ହୋଇଥିଲା । ଡେପୁଟି ରେଂଜର ସୁନୀଲ କୁମାର ମିଶ୍ର, ଫରେଷ୍ଟର ରାଜେଶ୍ୱରୀ ମହାକୁର, ଫରେଷ୍ଟ ଗାର୍ଡ ରାଜେଶ୍ୱରୀ ନାଗ,ସୁକାନ୍ତି ସରାଫ ଓ ଶୁଭଶ୍ମିତା ମେହେରଙ୍କ ପ୍ରତ୍ୟକ୍ଷ ତତତ୍ୱାବଧାନରେ ଅନୁଷ୍ଠିତ ଏହି ସଚେତନତା କାର୍ଯ୍ୟକ୍ରମକୁ ଗ୍ରାମବାସୀ ଉପଭୋଗ କରିାବା ସହ ଜଙ୍ଗଲରେ ନିଆଁ ନ ଲଗାଇବାକୁ ଶପଥ ନେଇଥିଲେ ।