15-Feb-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମହାବିଦ୍ୟାଳୟରେ ଛାତ୍ରୀ ମାନଙ୍କ ନେଇ ଆତ୍ମ ସୁରକ୍ଷା ପ୍ରଶିକ୍ଷଣ କାର୍ଯ୍ୟକ୍ରମ  ବୁଧବାର  ଉଦଯାପିତ ହୋଇଯାଇଛି। ସାମ୍ପ୍ରତିକ ସମାଜ  କଳୁଷିତ ହୋଇପଡିଥିବାବେଳେ ଏହାର  ପ୍ରଭାବ ମହିଳାମାନଙ୍କ  ଠାରେ  ମଧ୍ୟ  ପରିଲକ୍ଷିତ ହେଉଛି I ରାସ୍ତାଘାଟ, ସର୍ବସାଧାରଣ ସ୍ଥାନ, ଶିକ୍ଷନୁଷ୍ଠାନ  ତଥା  କାର୍ଯ୍ୟାଳୟ ଠାରେ  ମହିଳାମାନଙ୍କ ପ୍ରତି ହିଂସା ପ୍ରତିଦିନ ଘଟୁଛି I ଏଭଳି ସଙ୍କଟ  ସମୟରେ  ସେମାନେ ନିଜ  ସୁରକ୍ଷା  ପାଇଁ    ପ୍ରତିଜ୍ଞାବଦ୍ଧ  ହେବାର ପ୍ରକୃଷ୍ଟ  ସମୟ  ଆସିଛି I କଲେଜରେ  ଛାତ୍ରୀମାନେ ଆତ୍ମାସୁରକ୍ଷା ପ୍ରଶିକ୍ଷଣ  ନେଲେ ସେମାନଙ୍କ ମନୋବଳ  ବୃଦ୍ଧିପାଇବ ବୋଲି  ବୀରାମହାରାଜପୁର  ମହାବିଦ୍ୟାଳୟ ଠାରେ  ଯୁକ୍ତ ଦୁଈ ଛାତ୍ରୀମାନଙ୍କ  ଆତ୍ମାସୁରକ୍ଷା ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେଇ ନିମନ୍ତ୍ରିତ ଅତିଥିମାନେ  ମତବ୍ୟକ୍ତ  କରିଛନ୍ତି 
ଗତକାଲି  ଏହି କାର୍ଯ୍ୟକ୍ରମର  ଉଦଯାପନୀ ଉତ୍ସବ ପାଳନ  ଅବସରରେ  ଆୟୋଜିତ ସଭାରେ  ଅଧ୍ୟକ୍ଷ ସୁଦାମ ଚରଣ  ସାହୁ ସଭାପତିତ୍ୱ  କରିଥିବାବେଳେ ଇଂରାଜୀ ବିଭାଗ  ମୁଖ୍ୟ ଗୀତାଞ୍ଜଳି ପୂଜାରୀ  ଓ ଇତିହାସ ବିଭାଗ  ମୁଖ୍ୟ  ଡ଼କ୍ଟର ହିମାଂଶୁ ଶେଖର  ପାଢ଼ୀ  ଯଥାକ୍ରମେ ମୁଖ୍ୟଅତିଥି ଓ ମୁଖ୍ୟବକ୍ତା  ଭାବରେ  ଯୋଗ ଦେଇଥିଲେ I କାର୍ଯ୍ୟକ୍ରମ ଅଧିକାରୀ  ଯାମିନୀ ଦାଶ  ସଭା  ସଂଯୋଜନା ସହିତ  ଅତିଥି  ପରିଚୟ ଓ ସ୍ୱାଗତ ଅଭିଭାଷଣ  ପ୍ରଦାନ  କରିଥିବା  ବେଳେ ଅଧ୍ୟାପିକା ହରପ୍ରିୟା  ମହାପାତ୍ର ଧନ୍ୟବାଦ ଅର୍ପଣ କରିଥିଲେ I  ଏହି ଅବସରରେ  ପ୍ରଶିକ୍ଷଣ ସମାପ୍ତ କରିଥିବା  ୧୨୩ ଜଣ ଛାତ୍ରୀଙ୍କୁ  ପ୍ରମାଣପତ୍ର  ପ୍ରଦାନ କରାଯାଇଥିଲା I