15-Feb-2023

ସୁବର୍ଣ୍ଣପୁର  (ମନୋରଞ୍ଜନ ତ୍ରିପାଠୀ)
ଗତକାଲି ମୁଖ୍ୟମନ୍ତ୍ରୀ ଓ ସଚିବଙ୍କ ଉଦ୍ଦେଶ୍ୟରେ ସୁବର୍ଣ୍ଣପୁର  ଜିଲ୍ଲା ସରକାରୀ ଉଚ୍ଚ ବିଦ୍ୟାଳୟ ନୂତନ ପେନସନ ଯୋଜନାଭୁକ୍ତ ଶିକ୍ଷକ ସଂଘ ତରଫରୁ ସୁବର୍ଣ୍ଣପୁର ଜିଲ୍ଲାପାଳ ଙ୍କ ଜରିଆରେ ଦୁଇ ଦଫା ଦାବି ସମ୍ବଳିତ ଏକ ଦାବିପତ୍ର ପ୍ରଦାନ କରାଯାଇଛି।୨୦୦୪ ରୁ ୨୦୧୩ ମଧ୍ୟରେ ନିଯୁକ୍ତ ଶିକ୍ଷକ/ ଶିକ୍ଷୟିତ୍ରୀ ମାନଙ୍କର ୬ ବର୍ଷ ଚୁକ୍ତି ଅବଧିକୁ ମୂଳ ଚାକିରି ସହ ଯୋଗ କରିବା ସହ ୬ ଗୋଟି ନୋସ୍କାଲ୍‌ ଇନ୍କ୍ରିମେଣ୍ଟ୍‌ ପ୍ରଦାନ କରିବା ତଥା  ୨୦୧୬ ରୁ ୨୦୨୨ ମଧ୍ୟ ରେ ନିଯୁକ୍ତ ପାଇଥିବା ଚୁକ୍ତି ଭିତ୍ତିକ ଶିକ୍ଷକ/ ଶିକ୍ଷୟିତ୍ରୀ ମାନଙ୍କୁ ତୁରନ୍ତ ନିୟମିତ କରିବାକୁ ଦାବି ନେଇ
ଆଜି ମୁଖ୍ୟମନ୍ତ୍ରୀ ,ବିଦ୍ୟାଳୟ ଓ ଗଣଶିକ୍ଷା ବିଭାଗର ସଚିବଙ୍କ ଉଦ୍ଦେଶ୍ୟରେ ସୁବର୍ଣ୍ଣପୁର ଜିଲ୍ଲାର ଜିଲ୍ଲାପାଳ ଏବଂ ଜିଲ୍ଲା ଶିକ୍ଷା
ଅଧିକାରୀଙ୍କ ଜରିଆରେ ଶତାଧିକ ଶିକ୍ଷକ ଶିକ୍ଷୟିତ୍ରୀ ଉକ୍ତ ଦାବିପତ୍ର ପ୍ରଦାନ କରିଛନ୍ତି। ଜିଲ୍ଲାର ସମସ୍ତ ହାଇସ୍କୁଲ ର ନୂତନ ପେନସନ ଯୋଜନାଭୁକ୍ତ ମାଧ୍ୟମିକ ଶିକ୍ଷକ ଶିକ୍ଷୟିତ୍ରୀ
ଉକ୍ତ ଦାବି ପୂରଣ ପାଇଁ ଆଶାବାଦୀ ଅଛନ୍ତି  ।ଏହାପରେ ମଧ୍ୟ ଯଦି ସରକାର ଏହି ଦୁଇଟି ଦାବିକୁ ପୂରଣ ନକରନ୍ତି ତାହେଲେ ଆସନ୍ତା ୧୫ତାରିଖରେ ଜିଲ୍ଲାର ସମ ସ୍ତ ବିଧାୟକ/ ମନ୍ତ୍ରୀ ମାନଙ୍କୁ ଦାବିପତ୍ର ପ୍ରଦାନ କରାଯିବ। ଏହା ପରେମଧ୍ୟ ଯଦି ସରକାର କୌଣସି ନିଷ୍ପତ୍ତି ଗ୍ରହଣ ନକରନ୍ତି ତାହେଲେ ଆସନ୍ତା ବିଧାନ ସଭାରେ ଜିଲ୍ଲା ସଂଘ ଓ ରାଜ୍ୟ ସଙ୍ଘର ସହଯୋଗିତାରେ ରାଜରାସ୍ତାକୁ ଓହ୍ଲେଇବା ପାଇଁ ବାଧ୍ୟହେବେ।ଶିକ୍ଷକ ମାନଙ୍କର ସମସ୍ୟାର ସମାଧାନ ଦିଗରେ ଯଦି ସରକାର କିଛି କାର୍ଯ୍ୟପନ୍ଥା ଗ୍ରହଣ ନକରନ୍ତି ତାହେଲେ ଆସନ୍ତା ବିଧାନ
ସଭା ଚାଲୁଥିବା ସମୟରେ ଦୁର୍ବାର ଆନ୍ଦୋଳନ ହେବ ବୋଲି ଜିଲ୍ଲା ସଂଘର ସଭାପତି ଆଶିଷ କୁମାର ନାଏକ , ସଂପାଦକ ଲାଲବାବୁ ସେଠୀ , କୋଷାଧ୍ୟକ୍ଷ ଚକାନୟନ ମେହେର ପ୍ରମୁଖ ଏକ ପ୍ରେସ ଇସ୍ତାହାର ରେ ସୂଚନା ଦେଇଛନ୍ତି।ଆଜିର ଏହି ସମାବେଶରେ ନନ୍ଦିନୀ ମହାଣା,ଜୋଲିତା ମିଶ୍ର, ସର୍ବେଶ୍ୱର ପୂଜାରୀ, ଅଜୟ ରାଉତରାୟ, ଏକାଦଶ ବରଗେଇ,ଦିଲ୍ଲୀପ ସାହୁ ପ୍ରମୁଖ ଜିଲ୍ଲାର  ବିଭିନ୍ନ ହାଇସ୍କୁଲ ର ଶିକ୍ଷକ ଶିକ୍ଷୟିତ୍ରୀ ଯୋଗଦେଇ ଥିଲେ।