14-Feb-2023

ବୀରମହାରାଜପୁର,( ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା ସ୍ଥିତ ବାବା ଅବଧୂତ ସାଂସ୍କୃତିକ ସଂଘ ପକ୍ଷରୁ ପ୍ରଥମ ବିରାଟ ଧନୁଯାତ୍ରା ମହୋତ୍ସବର ସୋମବାର ଥିଲା ସପ୍ତମ ସନ୍ଧ୍ୟା ।‌ କଂସଙ୍କ ନଗର ପରିକ୍ରମା କରିବା ସହ  ରାଜ ଦରବାର ରେ ରଙ୍ଗ ସଭା ଆୟୋଜନ ହୋଇଥିଲା। କଂସ ମହାରାଜଙ୍କ ଆଦେଶ କ୍ରମେ କମିଟି ସଭାପତି ରାଜେଶ କୁମାର ସେଠୀଙ୍କ ନେତୃତ୍ୱରେ ଅନୁଷ୍ଠିତ ରାଜସଭାରେ ମୁଖ୍ୟ ଅତିଥି ଭାବେ ବୀରମହାରାଜପୁର ବିଧାୟକ ପଦ୍ମନାଭ ବେହେରା, ବୀରମହାରାଜପୁର ପଞ୍ଚାୟତ ସମିତି ଉପାଧ୍ୟକ୍ଷ ନାରାୟଣ ଲୁହା, ଜିଲ୍ଲା ପରିଷଦ (ଜୋନ-୨ ) ସଭ୍ୟା ଚନ୍ଦ୍ରକାନ୍ତି ଦନ୍ତା, ଚମ୍ପାମାଲ ପଞ୍ଚାୟତ ସମିତି ସଭ୍ୟ ଲକ୍ଷ୍ମୀ ନାରାୟଣ ପୁରୋହିତ, ପିତାମହୁଲ ସମିତି ସଭ୍ୟ ସୟୁନ୍ଦୁ ସାହୁ, ମୁର୍ଷୁଣ୍ଢୀ ପଞ୍ଚାୟତ ସମିତି ସଭ୍ୟା ରୀତା ଗର୍ଡିଆ, ବାଗବର ପଞ୍ଚାୟତ ସମିତି ସଭ୍ୟା ବବିତା ବାଘ, ପିତାମହୁଲ ସରପଞ୍ଚ ନମନୀ ପ୍ରଦିପ ବଢିଆ, , ସଂଗ୍ରାମପୁର ପଞ୍ଚାୟତ ସରପଞ୍ଚ ଅଳକା କର୍ମୀ   ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ମହାରାଜା କଂସଙ୍କ ପ୍ରଶ୍ନ ଉତ୍ତର ରଖିଥିଲେ।  ରାଜକୀୟ ଅତିଥି ମାନଙ୍କ ପାଇଁ ରାଜ ଦରବାରରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ହୋଇଥିଲା। ଦ୍ବିତୀୟ ରାଜସଭାରେ ସାମ୍ବାଦିକ ଶତ୍ରଘନ ମେହେର,ସନାତନ ନାଗ,‌ ଗୈାରୀଶଙ୍କର ପାଣିଗ୍ରାହୀ, ପ୍ରଦୀପ କୁମାର ରଥ,ଯୁବ ସାମ୍ବାଦିକ ବିନୋଦ ପାଣ୍ଡେ ପ୍ରମୁଖ ରାଜକୀୟ ଅତିଥି ଭାବେ ଯୋଗଦେଇ ଥିଲେ। ସାମ୍ବାଦିକ ରବିନ୍ଦ୍ର ହୋତା ସଭା ପରିଚାଳନା କରିଥିଲେ। ନାଟ୍ୟ ଅଭିନୟକ୍ରମେ କାଳିନ୍ଦ୍ରି ନାଗ ନିଧନରେ କଂସ ଶୋକରେ ମର୍ମାହତ  ଆଦି  ନାଟ୍ୟ  ଅଭିନୟ ହୋଇଥିଲା। ଶାନ୍ତି ଶୃଙ୍ଖଳା ସହ ବିଳମ୍ବିତ ରାତ୍ରୀ ପର୍ଯ୍ୟନ୍ତ ଦର୍ଶକ ମନଭରି ଉପଭୋଗ କରୁଛନ୍ତି। ଏହି ଅବସରରେ ମୀନା ବଜାର, , ବିଭିନ୍ନ ଘରୋଇକରଣ ସାମଗ୍ରୀ ଦୋକାନ ପସରା, ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଉଥିବା ଦେଖିବାକୁ ମିଳିଛି। ସୁରକ୍ଷା ଦୃଷ୍ଟିରୁ ସୁବଳୟା ପୋଲିସ ପକ୍ଷରୁ ଗୋଟିଏ ପ୍ଳାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି। କମିଟିର ସମ୍ପାଦକ ସୁଦାମ ମେହେର, ବିଶ୍ଵଜିତ ସେଠୀ,ସୁବଲ ମେହେର ଙ୍କ ସହ ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରୁଛନ୍ତି।