13-Feb-2023

ଆଗଲପୁର, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଝରଣୀପାଲି ଗ୍ରାମ ପଞ୍ଚାୟତରେ ପଞ୍ଚାୟତ ସ୍ତରୀୟ ଲୋକ ସେବା ଶିବିର ଅନୁଷ୍ଠିତ ହୋଇ ଯାଇଅଛି l ଉକ୍ତ ଶିବିରରେ ମୁଖ୍ୟଅତିଥି ଭାବେ ଉପଜିଲ୍ଲାପାଳ ଲମ୍ବୋଦର ଧରୂଆ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଅତିରିକ୍ତ ଆରକ୍ଷୀ ଅଧିକ୍ଷକ ସୁରେଶ ନାୟକ, ଜିଲ୍ଲା ପରିଷଦ ଅଧ୍ୟକ୍ଷ। ଦେବକୀ ସାହୁ, ବ୍ଲକ ଉପାଧ୍ୟକ୍ଷ ନିରୁପମା ପଧାନ, ତହସିଲଦାର ସୂଚିତ। ପୁଷ୍ପା, ଗୋଷ୍ଠୀ ଉନ୍ନୟନ ଅଧିକାରୀ ଶଙ୍କର କେରକେଟା , ଝରଣିପାଲି ସରପଞ୍ଚ ସୁନୀତା ସାହୁ, ନୁନିଆ ପାଲି ସରପଞ୍ଚ ପୁଷ୍ପାଞ୍ଜଳି ସାହୁ ,ଜିଲ୍ଲା ସାମାଜିକ ସୁରକ୍ଷା ଅଧିକାରୀ ପ୍ରମୁଖ ମଞ୍ଚାସୀନ ଅତିଥି ଭାବେ ଯୋଗ ଦେଇଥିଲେ ।ଏହି ଅବସରରେ ଝରଣୀପାଲି ସରପଞ୍ଚ ସୁନୀତା ସାହୁଙ୍କ ଅଧ୍ୟକ୍ଷତା ରେ ସଭା ପରିଚାଳିତ ହୋଇଥିଲା l ମଞ୍ଚକୁ ସରୋଜ ମହାକୁର ସଂଯୋଜନା କରିଥିଲେ । ଏହି ଶିବିରରେ 170 ଜଣ ରେଜିଷ୍ଟିଭୁକ୍ତ ଅଭିଯୋଗ କାରି ଓ 40 ଜଣ ବିନା ରେଜିଷ୍ଟି କାରି ଙ୍କ ଅଭିଯୋଗକୁ ଜନ ଶୁଣାଣି ଆବେଦନ କାରି ଙ୍କ ବିଚାର କରାଯାଇ ଥିଲା ।ଏହି ଶିବିରରେ ଭିନ୍ନକ୍ଷମ, ବିଭିନ୍ନ ଜାତିର ବିବାହ ପୁଅ ଝିଅଙ୍କୁ 2ଲକ୍ଷ୍ୟ 50ହଜାର ସରକାରୀ ସହାୟତା ରାଶି ର ଚେକ୍ ପ୍ରଦାନ କରାଯାଇ ଥିଲା l  ବାଲ୍ୟ ବିବାହକୁ ସଂସ୍କୃତିକୁ କାର୍ଯ୍ୟକ୍ରମ ମାଧ୍ୟମରେ ଲୋକଙ୍କୁ ବୁଝା ଯାଇ ଥିଲା । ଶିବିରରେ ଭତ୍ତା, ଶିକ୍ଷା, ସ୍ବାସ୍ଥ୍ୟ , ଗମନାଗମନ, ଉନୟନ, ଶିଶୁ ବିକlଶ ପ୍ରକଳ୍ପ ତଥା ବିଭିନ୍ନ ଅଭିଯୋଗର ଶୁଣାଣି କରାଯାଇ ଥିଲା ।ଏହି ଶୁଣାଣିରେ ପି ଇ ଓ ମାନେ ନିଜ ଗ୍ରାମ ପଞ୍ଚାୟତରେ ଅନିୟମିତତା କାର୍ଯ ତଥା ପ୍ରତି ମାସରେ ବୈଠକ , ଉନ୍ନୟନ କାର୍ଯ୍ୟ ତୁଲାଉ ନ ଥିବାରୁ ଉପାଧ୍ୟାକ୍ଷା କ୍ଷୋଭ ପ୍ରକାଶ କରି ଥିଲେ l ଶେଷରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଧନ୍ୟବାଦ ଦେଇ ସଭା ସାଙ୍ଗ କରିଥିଲେ l