05-Dec-2020

ବଲାଙ୍ଗିର,(ସନ୍ତୋଷ କୁମାର ଠାକୁର) ଭାରତୀୟ ଷ୍ଟେଟବ୍ୟାଙ୍କ, ବଲାଙ୍ଗିର ପ୍ରଧାନ ଶାଖା ପେନ୍‌ସନର ମାନଙ୍କର ଏକ ସଭା ଶାଖା ପରିସରରେ ଅନୁଷ୍ଠିତ ହୋଇଯାଇଛି । ଏଥିରେ ପ୍ରଧାନ ଶାଖା ପରିଚାଳକ ପ୍ରଭାତ ରଞ୍ଜନ ନାଏକଙ୍କ ସଭାପତିତ୍ୱରେ ପେନ୍‌ସନରମାନଙ୍କ ସମସ୍ତ ସୁବିଧା ଓ ଅସୁବିଧା ଉପରେ ତର୍କ ହୋଇଥିଲା । ସମସ୍ତ ଅସୁବିଧା ଓ ଅସୁବିଧା ଉପରେ ତର୍କ ହୋଇଥିଲା । ସମସ୍ତ ଅସୁବିଧା କାର୍ଯ୍ୟମାନଙ୍କୁ ପୂରଣ କରାଯିବା ପାଇଁ ସ୍ୱିକୃତି ଦିଆଯାଇଥିଲା । ଶାଖାର ପରିଚାଳନା ଉପରେ ପେନ୍‌ସନର୍‌ମାନେ ସନ୍ତୋଷ ବ୍ୟକ୍ତ କରିଥିଲେ । ଉକ୍ତ ସଭାରେ କରୋନା ପାଇଁ ମାତ୍ର କୋଡିଏ ଜଣ ଯୋଗ ଦେଇଥିଲେ । ପେନ୍‌ସନ୍ ସଂଘର ସଭାପତି ନିଳମଣି ମିଶ୍ର, ସର୍ବଶ୍ରୀ ଗୋପବନ୍ଧୁ ପୁରୋହିତ, ଗୋବିନ୍ଦ ମିଶ୍ର, ପ୍ରସନ୍ନ ମିଶ୍ର, ହରେକୃଷ୍ଣ ପଟେଲ, ସତ୍ୟବନ୍ତ ବେଦ୍‌ବାକ୍‌, ପର୍ଶୁ ନାୟକ, ଯୁଧିଷ୍ଠିର ମିଶ୍ର, ରଘୁନାଥ ମିଶ୍ର, ବୃନ୍ଦାବନ ବରାଳ ଆଦି ସଭାରେ ବକ୍ତବ୍ୟ ରଖିଥିଲେ । ସଭାରେ କୋଭିଡ୍ ନିୟମ ପାଳନ କରାଯାଇଥିଲା । ସମସ୍ତଙ୍କୁ ମାସ୍କ ବଣ୍ଟନ କରାଯାଇଥିଲା । ସଭା ଶେଷରେ ସଭାପତି ନିଳମଣି ମିଶ୍ର ଧନ୍ୟବାଦ ଅର୍ପଣ କରିଥିଲେ ।