05-Dec-2020

ଖପ୍ରାଖୋଲ (ଗୋରେଖନାଥ ବରିହା) ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଳକ ଚଙ୍ଗରିଆ ପଞ୍ଚାୟତ ରେଙ୍ଗାଲଜୁରୀ ଗ୍ରାମ ରେ ତିନି ଅନାଥ ସନ୍ତାନ ଙ୍କ ଭବିଷ୍ୟତ ଅଜାଆଈ ଙ୍କ ଭରଷାରେ ରହିଥିବା ଦେଖିବାକୁ ମିଳିଛି ।। ସୁଚନା ଯୋଗ୍ୟ ଯେ ପଞ୍ଚୁକଠାର ଙ୍କ ଗୋଟିଏ ମାତ୍ର ପୁଅ କଲାକୁଞ କଠାର (୩୨)  ବ୍ଳଡ କେନ୍ସର ରେ ଆକ୍ରାନ୍ତ ହୋଇ  ବୁର୍ଲା , ବରଗଡ଼ କଟକ , ପାଟଣାଗଡ଼ ଡ଼ାକ୍ତରଖାନା ଚିକିତ୍ସିତ ହୋଇଥିଲେ ହେଲେ ତାଙ୍କର ଦେହ ଠିକ୍ ହୋଇନଥିଲା ପୁଅ ଚିକିତ୍ସା ପାଇଁ ପୁଞ୍ଚୁ ଧାର କରଜ କରି ଏକ ଲକ୍ଷ ରୁ ଉର୍ଦ୍ଧ ଟଙ୍କା ଖର୍ଚ୍ଚ କରି ଥିଲେ ମଧ୍ୟ କଲାକଞ ଙ୍କ ଦେହ ଠିକ୍ ହୋଇନଥିଲା ।ଗତ ତା ୪.୦୧.୨୦୧୨ ଦିନ ପାଟଣାଗଡ଼ ଡାକ୍ତର ଖାନା ରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଥିଲା।। କଲାକୁଞ ଙ୍କ ତିନୋଟି ସନ୍ତାନ ବଡ଼ ଝିଅ ସରୋଜିନୀ କଠାର (୧୬) ମଝିଆ ଝିଅ ଭୂମିସୂତା କଠାର (୧୩) ଗୋଟିଏ ମାତ୍ର ପୁଅ ଦୀପକ କଠାର (୧୧) । କଲାକୁଞ ଙ୍କ ମୃତ୍ୟୁ ପରେ ତାଙ୍କ ସ୍ତ୍ରୀ ହିମାନ୍ଦ୍ରି ୨୦୧୩ ରେ ଅନ୍ୟ ଜଣେ ବ୍ୟକ୍ତି ପାଖକୁ ତିନି ପୁଅ ଝିଅ ଙ୍କୁ ଛାଡି ଚାଲିଯିବାରୁ ତିନି ଜଣ ଅନାଥ ହୋଇ  ବର୍ତ୍ତମାନ ଅଜାଆଈ ପାଖରେ ରହୁଛନ୍ତି ।  ପଞ୍ଚୁ ତିନି ଅନାଥ ନାତି ନାତୁଣୀ କୁ ବହୁ କଷ୍ଟରେ ପରିବାର ଚଳାଉଛନ୍ତି । ପଞ୍ଚୁ ଙ୍କ ସ୍ତ୍ରୀ ସାବିତ୍ରୀ (୬୦) ମଧ୍ୟ ପେଟ ରୋଗରେ ଆକ୍ରାନ୍ତ ହୋଇ ବଲାଙ୍ଗୀର ମୂଖ୍ୟ ଡାକ୍ତର ଖାନା ରେ ଅପ୍ରେସନ ହୋଇ ଥିଲେ । ପଞ୍ଚୁ ଙ୍କ ଅର୍ଥ ଭାବ ଯୋଗୁଁ ତିନି ଅନାଥ ନାତି ନାତୁଣୀ ପାଠ ପଢ଼ାଇବା ପାଇଁ ଘୋର ଅଭାବ ଦେଖାଦେଇଛି ବୋଲି ପଞ୍ଚୁ କହିଛନ୍ତି । ତାଙ୍କୁ ଓ ତାଙ୍କ ସ୍ତ୍ରୀ ଙ୍କ ବାର୍ଦ୍ଧକ୍ୟ ଭତ୍ତା ପାଇଁ ଯୋଗ୍ୟ ହୋଇଥିଲେ ମଧ୍ୟ ମିଳୁନାହିଁ।  ଅନ୍ତୋଦୟ କାର୍ଡ ଥିବା ବେଳେ ଅନ୍ୟ ସରକାରୀ ସୁବିଧା ମିଳୁନଥିବାରୁ ଘୋର ଅସୁବିଧାର ସମ୍ମୁଖୀନ ହେଉଛନ୍ତି ବୋଲି ପଞ୍ଚୁ କହିଛନ୍ତି । ତାଙ୍କର ତିନି ଅନାଥ ନାତି ନାତୁଣୀ ଙ୍କୁ ପାଠ ପଢ଼ିବାକୁ ସରକାରୀ ସହାୟତା ଯୋଗାଇ ଦେବା ସହ ବାର୍ଦ୍ଧକ୍ୟ ଭତ୍ତା ଯୋଗାଇ ଦେବାକୁ ଖପ୍ରାଖୋଲ ବିଡିଓ ଦୃଷ୍ଟିଦେବାକୁ ଦାବି କରିଛନ୍ତି।।