05-Feb-2023

ବୌଦ୍ଧ (ଦୁର୍ଯ୍ଯୋଧନ ବିଶି) ରବିବାର ଦିନ ସକାଳ ଘ.୮.୩୦ ମି ସମୟରେ  ଜ଼ିଲ୍ଲାପାଳ କାର୍ଯ୍ୟାଳୟ ସ୍ଥିତ ସଦଭାବନା ଗୃହରେ  ସରକାରୀ ବାଳିକା ଉଚ୍ଚ ବିଦ୍ୟାଳୟ ର ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟତ୍ରୀ, ଅଭିଭାବକ ମାନଙ୍କୁ ନେଇ ଏକ ବୈଠକ ଜ଼ିଲ୍ଲାପାଳ ଶ୍ରୀଯୁକ୍ତ ସତ୍ୟରଞ୍ଜନ ସାହୁ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହୋଇଯାଇଛି l ଆଗାମୀ  ସବମେଟିଭ ଏସ. ଏସ. ମେଣ୍ଟ 2  (ବାର୍ଷିକ ହାଇସ୍କୁଲ ସାର୍ଟିଫିକେଟ ପରୀକ୍ଷା )  ଆସନ୍ତା ମାର୍ଚ୍ଚ 10 ତାରିଖ ରେ ହେବାକୁ ଥିବାରୁ ଶିକ୍ଷକ ମାନେ  ପିଲାମାନଙ୍କୁ ନେଇ ୩ ଟି ଗ୍ରୁପ କରିବେ l ଗ୍ରୁପ ଏ ରେ ୬୦% ରୁ ୯୦% ମାର୍କ ରଖିବା ଛାତ୍ରଛାତ୍ରୀ ରହିବେ l ଗ୍ରୁପ ଵି ରେ ୫୦ % ରୁ ଅଧିକ ମାର୍କ ରଖିଥିବା ଛାତ୍ରଛାତ୍ରୀ ଏବଂ ଗ୍ରୁପ ସି ରେ 40 % ଅଧିକ  ମାର୍କ ରଖୁ ଥିବା ଛାତ୍ରଛାତ୍ରୀ ଙ୍କୁ ନେଇ ୩ ଟି ଗ୍ରୁପ କରି ୩ ଜଣ  ଶିକ୍ଷକ ମେଣ୍ଟର ରହିବେ ଏବଂ ସମସ୍ତ ଛାତ୍ର, ଛାତ୍ରୀଙ୍କ ଦାୟିତ୍ୱ ନେବେ l ପରୀକ୍ଷା ଆଉ ମାତ୍ର ୩୨ ଦିନ ଥିବା ବେଳେ ଛାତ୍ରଛାତ୍ରୀ କିଭଳି ଭଲ ନମ୍ବର ରଖି କୃତିତ୍ୱ ହାସଲ କରିବେ ସେ ଉପରେ  ଜ଼ିଲ୍ଲାପାଳ  ଦୃଷ୍ଟି ଦେଇଛନ୍ତି l ଶିକ୍ଷକ ମାନେ ଏ ବିଷୟରେ ଯତ୍ନବାନ ହେବେ l ଯେଉଁ ପିଲାମାନେ ପଢିବା ପାଇଁ ଚାହିଁଲେ ସକାଳ  ୮.୩୦ ରେ ସ୍କୁଲ କୁ ଆସିବେ l ଅପରାହ୍ନ 4 ରୁ ୬ପର୍ଯ୍ୟନ୍ତ  ଜଟିଳ  ପ୍ରଶ୍ନ ର ଉତ୍ତର ପଚାରି  ଛାତ୍ରଛାତ୍ରୀ  ନିଜ ନିଜ ଦ୍ଵନ୍ଦ ଦୂର କରିବେ l ରବିବାର ସକାଳ  8.30 ରୁ ୧୧.୩୦ ପର୍ଯ୍ୟନ୍ତ ଏବଂ ଶନିବାର ଦିନ ସକାଳ 7 ଟା ରୁ 1 ଟା ପର୍ଯ୍ୟନ୍ତ କ୍ଲାସ ଚାଲିବ l ଜ଼ିଲ୍ଲାପାଳ ଜ଼ିଲ୍ଲା ର ସମସ୍ତ  ସରକାରୀ ସ୍କୁଲ, ଆଶ୍ରମ ସ୍କୁଲ, ବ୍ଲକ ଗ୍ରାଣ୍ଟ ସ୍କୁଲ ରେ ଛାତ୍ରଛାତ୍ରୀ A1 ରେ ୩୦ ପ୍ରତିଶତ   ସ୍ଥାନ ହାସଲ କରିବା ପାଇଁ ଜ଼ିଲ୍ଲା ଶିକ୍ଷାଅଧିକାରୀଙ୍କୁ  ନିର୍ଦେଶ ଦେଇଛନ୍ତି l ଛାତ୍ରଛାତ୍ରୀ  ଙ୍କୁ ଅଧିକ ଧ୍ୟାନ ଦେଇ ଏକ୍ସଟ୍ରା କ୍ଳlସ, ଜଟିଳ ପ୍ରଶ୍ନ ର ଉତ୍ତର ସରଳ ଭାଷା ରେ ଦେଇ ଛାତ୍ରଛାତ୍ରୀଙ୍କ ମନରୁ ଦ୍ଵନ୍ଦ ଦୂର କରିବା, ଛୋଟ ଛୋଟ ଗ୍ରୁପ କରି  ପିଲାମାନଙ୍କୁ ସୁପରଭିଜନ କରିବା ବିଷୟରେ ଜ଼ିଲ୍ଲାପାଳ ଆଲୋଚନା କରିଥିଲେ l ଏହି ବୈଠକ ରେ  ଅତିରିକ୍ତ ଜ଼ିଲ୍ଲାପାଳ ବବିତାରାଣୀ ଦଳବେହେରା, ନିର୍ବାହୀ ଅଧିକାରୀ, ଜ଼ିଲ୍ଲା ପରିଷଦ  ଅଶ୍ୱିନୀ କୁମାର ମେହେର, ତହସିଲଦାର ଦେବୀ ପ୍ରସାଦ ଦାସ, ଗୋଷ୍ଠୀ ଶିକ୍ଷା ଅଧିକାରୀ ଘନଶ୍ୟାମ ମେହେର, ଶିକ୍ଷକ, ଶିକ୍ଷୟତ୍ରୀ, ଅଭିଭାବକ, ଗଣମାଧ୍ୟମ ପ୍ରତିନିଧି ମାନେ ଉପସ୍ଥିତ ଥିଲେ l ଆଗକୁ  ଏହିଭଳି ସମସ୍ତ  ଉଚ୍ଚ ବିଦ୍ୟାଳୟ ର ଛାତ୍ରଛାତ୍ରୀଙ୍କୁ ଏ ବିଷୟରେ ଯତ୍ନବାନ ହେବାପାଇଁ ଜ଼ିଲ୍ଲାପାଳ ଆହ୍ୱାନ କରିଥିଲେ l