05-Feb-2023

ପୁଇଁତଳା(ବିନୋଦ ଦୀପ) , ବଲାଙ୍ଗିର ଜିଲ୍ଲା ପୁଇଁନ୍ତଲା ଥାନା ସାଉନ୍ତପୂର୍ ପଞ୍ଚାୟତ ଅନ୍ତର୍ଗତ ଉମୁରିଆ ଗାଁରେ ଘଟିଛି ଏକ ଅଭାବନୀୟ ଘଟଣା l ଜଣେ କାକା ନିଜ ସଂପର୍କୀୟ ଝିଆରୀକୁ ପ୍ରେମ ପ୍ରତାରଣା କରିଥିବା ନେଇ ପୁଇଁନ୍ତଲା ଥାନାରେ ଲିଖିତ ଅଭିଯୋଗ ହୋଇଛି  l ଅଭିଯୋଗ ଆସିଛି ଏହା ଯେ ନିଜକୁ ସାମ୍ୱାଦିକ ବୋଲି ପରିଚୟ ଦେଉଥିବା ସତ୍ୟନାରାୟଣ ପୁଟେଲଙ୍କ ନାଁରେ l ଅଭିଯୋଗ ଅନୁଯାୟୀ ସତ୍ୟନାରାୟଣ ଜଣେ ବିବାହିତ ପୁରୁଷ କିନ୍ତୁ ଟ୍ୟୁସନ ପଢାଉଥିବା ସମୟରେ ନିଜର ସଂପର୍କୀୟ ଝିଆରୀଙ୍କୁ ପ୍ରେମରେ ଫସାଇଥିଲେ l ଏପରିକି ବାରମ୍ୱାର ଶାରୀରିକ ସଂପର୍କ ମଧ୍ୟ ରଖିଥିଲେ, ପରେ ଝିଆରୀ ଜଣକ ଗର୍ଭବତୀ ହେବା ଫଳରେ ଝିଆରୀକୁ ଆଣି ବଲାଙ୍ଗିର ସହରର ଏକ ଭଡା ଘରେ ରଖିଥିଲେ l ତାଙ୍କର ଦେଢ ମାସ ପୂର୍ବରୁ ଏକ ପୁତ୍ର ସନ୍ତାନ ମଧ୍ୟ ଜନ୍ମ ହୋଇଛି l ବିବାହିତ ହୋଇ  ନିଜ ସ୍ତ୍ରୀ ଥାଇ କିଭଳି ନିଜ ଝିଆରୀ ସହ ସମ୍ପର୍କ ରଖି ପ୍ରତାରଣା କଲେ ତାହା ଚର୍ଚ୍ଚାର ବିଷୟ ହୋଇଛି l ଏହା ଜଣାପଡିବା ପରେ ସତ୍ୟନାରାୟଣଙ୍କ ବିବାହିତା ସ୍ତ୍ରୀ ଟାଉନ ଥାନାରେ ଲିଖିତ ଅଭିଯୋଗ କରିଥିବା ଜାଣିବାକୁ ମିଳିଛି l ପୋଲିସ ଏ ବିଷୟକୁ ନେଇ ତଦନ୍ତ ଜାରୀ ରଖିଛି ।  ଏସବୁ ଭିତରେ ସତ୍ୟ ନାରାୟଣ ଶିଶୁପୁତ୍ରକୁ ନିଜ ପାଖରେ ରଖି ଝିଆରୀକୁ ତାଙ୍କ ଗାଁରେ ଛାଡି ଦେଇ ଫେରାର ମାରିଛନ୍ତି l ତେଣୁ ପ୍ରେମ ପ୍ରତାରଣା କରିଥିବା ଅଭିଯୋଗ ନେଇ ଆଜି ପୁଇଁନ୍ତଲା ଥାନା ର ଦ୍ୱାରସ୍ଥ ହୋଇଥିଲେ ଝିଆରୀ ଓ ସମ୍ପର୍କୀୟ l ଉମୁରିଆ ଗାଁର ଶତାଧିକ ଲୋକ ଆସି ଦୋଷୀ ବିରୋଧରେ ଦୃଢ କାର୍ଯ୍ୟାନୁଷ୍ଟାନ ଗ୍ରହଣ କରିବାକୁ ପୁଇଁନ୍ତଲା ଥାନାରେ ଦାବୀ କରିଛନ୍ତି l ଶେଷରେ ପରିବାର ଲୋକେ କୋହଭରା କଣ୍ଠରେ ଝିଅକୁ ନ୍ୟାୟ ଦେବା ପାଇଁ ଅନୁରୋଧ କରିଛନ୍ତି।ବିଡ଼ମ୍ବନାର ବିଷୟ ହେଉଛି ଯେ ନିଜ ଝିଆରୀକୁ ପ୍ରେମ କରି ଦୁଇ ଦୁଇଟି ସନ୍ତାନର ପିତା ହେବା l ଏପରି ଘଟଣା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି l