29-Jan-2023

ପଦ୍ମପୁର (ପ୍ରେରଣା ଖବର)

 ସ୍ଥାନୀୟ ଆର୍ ବି ହାଇସ୍କୁଲ ପଡିଆରେ ସରସ୍ୱତୀ ଶିଶୁ ବିଦ୍ୟା ମନ୍ଦିର, ପଦ୍ମପୁର ର ୩୮ ତମ ବାର୍ଷିକ କ୍ରୀଡ଼ା ସମାରୋହ ଉଦଯାପିତ  ହୋଇ ଯାଇଛି । ଆଜି ସକାଳ ଆରମ୍ଭ ରେ ସତ୍ୟନାରାୟଣ ସାହା ଗୁରୁଜୀ ଦୀପ ପ୍ରଜ୍ୱଳନ କରି ୩୦୦୦ ମିଟର ଦୌଡ଼ ପ୍ରତିଯୋଗିତାକୁ ଆରମ୍ଭ କରିଥିଲେ ।ଉଦଯାପନୀ ଉତ୍ସବ ରେ ମାନନୀୟ ଡ଼ଃ ଲଳିତେନ୍ଦୁ ନାୟକ ( ଅଧ୍ୟକ୍ଷ ଅଞ୍ଚଳ ମହାବିଦ୍ୟାଳୟ, ପଦ୍ମପୁର )ମୁଖ୍ୟ ଅତିଥି ଭାବରେ ଯୋଗ ଦେଇ ପୁଷ୍ପାର୍ଚ୍ଚନା କରି ସମାପନ ମନ୍ତ୍ର କରି ଧ୍ୱଜା ଅବତରଣ କରି ଉଦଯାପନ ଘୋଷଣା କରିଥିଲେ ।ଶରୀର କୁ ସୁସ୍ଥ ଓ ନୀରୋଗ ରଖିବା ପାଇଁ ଶାରୀରିକ ଓ ବ୍ୟାୟାମ ର ଉପଯୋଗିତା ବିଷୟରେ ମାର୍ଗ ଦର୍ଶନ କରି ଏହି କ୍ରୀଡ଼ା ସମାରୋହରେ ଭାଗ ନେଇଥିବା ସମସ୍ତ  ଶିଶୁ ଭାଇ ଭଉଣୀ ,ଅଭିଭାବକ ଅଭିଭାବିକା ମାନଙ୍କୁ ଭୂୟସି ପ୍ରଶଂସା କରିଥିଲେ । ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଯୁବରାଜ ପଧାନ ଅତିଥି ପରିଚୟ ଓ ସ୍ୱାଗତ ଭାଷଣ କରିଥିଲେ। ସମ୍ପାଦକ ଙ୍କ ଦ୍ୱାରା ଚୈତନ୍ୟ ଭୋଇ ଗୁରୁଜୀ କାର୍ଯ୍ୟକ୍ରମ ର ସଂଯୋଜନା  କରିଥିଲେ ।  ଶ୍ରୀଯୁକ୍ତ ଜନକଲାଲ ମେହେର ସମ୍ପାଦକ, ଘନଶ୍ୟାମ ପୁଞ୍ଜି କୋଷାଧ୍ୟକ୍ଷ ,ଦ୍ୱାଦଶ କୁମାର ପଧାନ ସଂକୁଳ ପ୍ରମୁଖ ,ରୋହିତ କୁମାର ମେହେର ,ଆଶିଷ କୁମାର ମିଶ୍ର ,ଝରଣା ପଧାନ, ମୋନାଲିସା ସ୍ୱାଇଁ ,ନିରୋଜ ଦୋରା ସମାଜସେବୀ  ପ୍ରମୁଖ ଅତିଥି ଗଣ  ମଞ୍ଚାସୀନ  ଥିଲେ । ପ୍ରଦୀପ ରାଜହଂସ ଶାରୀରିକ ପ୍ରମୁଖ କାର୍ଯ୍ୟକ୍ରମ ର ବୃତ୍ତ କଥନ କରିଥିଲେ ।

କିଶୋର ବର୍ଗ ରୁ ଭେଙ୍କଟେଶ୍ୱର ଡନସନା,ପ୍ରାଚୀପ୍ରଜ୍ଞା ସାହୁ ,ବାଳବର୍ଗ ରୁ ସମୀର କୁମାର ସାହୁ, ଇପସିତା ସାହୁ ଓ ଶିଶୁ ବର୍ଗ ରୁ ଅଙ୍କିତା ସେନ୍ଦିରିଆ   ପ୍ରମୁଖ ସର୍ବଶ୍ରେଷ୍ଠ ଖେଳାଳୀ ଭାବରେ ମୁଖ୍ୟ ଅତିଥି ଙ୍କ ଠାରୁ ପୁରସ୍କୃତ ହୋଇଥିଲେ ।ଏହି ସମାରୋହ ର ଅଭିଭାବିକା ମାନଙ୍କ ଭାରସାମ୍ୟ ଦୌଡ଼, ଶିଶୁ ବାଟିକା ବିଭାଗର ସ୍ୱତନ୍ତ୍ର ୬ଟି କାର୍ଯ୍ୟକ୍ରମ ରୁ ବେଲୁନ୍ ଫଟା ଅନ୍ୟତମ ଥିଲା ।ସାଇକେଲ ଧୀର ଚାଳନା ,ମ୍ୟୁଜିକ ଚେୟାର ,କୌତୁକ ପୋଷାକ ଓ ସାଂସ୍କୃତିକ କାର୍ଯ୍ୟକ୍ରମ ଆଦି ବିଶେଷ ଆକର୍ଷଣ ଥିଲା ।ସୁରେନ୍ଦ୍ର ସାହୁ, ରମେଶ ଗୁର୍ଲା, ଜଗବନ୍ଧୁ ବଡଗୁଛ୍ଛିଆ ବିଚାରକ ଭାବରେ ଯୋଗ ଦେଇଥିଲେ ଶେଷରେ ସମସ୍ତ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା ।ଶେଷରେ ସମ୍ପାଦକ ଜନକଲାଲ ମେହେର ଧନ୍ୟବାଦ ଅର୍ପଣ କରିଥିଲେ ।