23-Jan-2023

ବଲାଙ୍ଗୀର,ସ୍ଥାନୀୟ ପିଆର ହାଇସ୍କୁଲ ବ୍ୟାଡମିନ୍ଟନ ଇନଡୋର ଷ୍ଟାଡିଅମ ଠାରେ ଆଜି ଜିଲ୍ଲା ସ୍ତରୀୟ ସ୍କୁଲ ବ୍ୟାଡମିନ୍ଟନ ଚମ୍ପିଆନସିପ ଅନୁଷ୍ଠିତ ହୋଇଯାଇଛି ।  ଏହି ପ୍ରତିଯୋଗିତାରେ ଜିଲ୍ଲାର ୭ଗୋଟି ବ୍ଲକର ସମୁଦାୟ ୪୮ଜଣ ପ୍ରତିଯୋଗୀ ଭଗ ନେଇଥିଲେ । ସେଥିରୁ ୧୭ ବର୍ଷ ବାଳକ ବର୍ଗରେ ଟିଟିଲାଗଡ ବ୍ଲକ ଓ ବାଳିକା ବର୍ଗରେ ବଲାଙ୍ଗିର ବ୍ଲକ ଚମ୍ପିଆନ ହୋଇଛନ୍ତି । ସେହିପରି ବାଳକ ବିଭାଗରେ ସଇଁନ୍ତଳା ଓ ବାଳିକା ବିଭାଗରେ ଦେଓଗାଁ ରନର୍ସ ଅପ ହୋଇଛନ୍ତି । ୧୪ ବର୍ଷ ବାଳକ ଓ ବାଳିକା ବର୍ଗରୁ ରାଜ୍ୟ ସ୍ତରକୁ ପଠାଇବା ପାଇଁ ୫ଜଣ ଲେଖାଏଁ ଖେଳାଳି ଚୟନ କରାଯାଇଥିବା ସୁଚନା ରହିଛି ।
  ବଲାଙ୍ଗିର ବିଧାୟକ ନରସିଂହ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ, ବଲାଙ୍ଗିର କ୍ରୀଡା ଭିତ୍ତିଭୁମୀକୁ ସୁଦୃଢ କରିବା ପାଇଁ ବିଭିନ୍ନ ପ୍ରୟାସ କରାଯାଉଛି ।

ସେଭିତରୁ କିଛି ପ୍ରକଳ୍ପ ପୁର୍ଣ୍ଣ ହୋଇ ସାରିଥିବା ବେଳେ ଆଉ କିଛିର କାୟାକଳ୍ପ ଜାରି ରହିଛି । ଯଦ୍ୱାରା ଖେଳାଳିମାନଙ୍କ ପାଇଁ ଆଉ ଭିତ୍ତିଭୂମୀର ଅଭାବ ରହିବ ନାହିଁ ଏବଂ ବଲାଙ୍ଗିର ଆଗାମୀ ଦିନରେ ଖେଳ ଓ ଖେଳାଳିଙ୍କ ପ୍ରାଣ କେନ୍ଦ୍ର ପାଲଟିବ ବୋଲି କହିଥିଲେ । ସେହିପରି ଜିଲ୍ଲା ବ୍ୟାଡମିନ୍ଟନ ସଂଘର ସାଧାରଣ ସଂପାଦକ ସୁରୁଲାଲ ମଟାରୀ ସମ୍ମାନୀତ ଅତିଥି ରୁପେ ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିବା ସହ କ୍ରୀଡା କ୍ଷେତ୍ରରେ ଉନ୍ନତି କରିବାକୁ ହେଲେ ପ୍ରବଳ ଅଭ୍ୟାସ ସହ ନୁଆ ପଦ୍ଧତି ଓ ଶୃଙ୍ଖଳାର ଆବଶ୍ୟକତା ଉପରେ ଖେଳାଳିମାନଙ୍କୁ ଗୁରୁତ୍ୱ ଦେବାକୁ କହିଥିଲେ । ବ୍ୟାଡମିନ୍ଟନ କ୍ଷେତ୍ରରେ ଖେଳାଳିମାନଙ୍କୁ ଜିଲ୍ଲା ସଂଘ ମମସ୍ତ ପ୍ରକାର ସହେଯାଗ କରିବ ବୋଲି ପ୍ରତିଶୃତି ଦେଇଥିଲେ ।  ସକାଳୁ ଅତିଥିମାନଙ୍କୁ ସ୍ୱାଗତ ଜଣାଇବା ସହ କାର୍ଯ୍ୟକର୍ତ୍ତା ମାନେ ପାଛୋଟି ନେବା ପରେ ଦୀପ ପ୍ରଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା । ପୃଥ୍ୱୀରାଜ ହାଇ ସ୍କୁଲର ପ୍ରଧାନ ଶିକ୍ଷୟୀତ୍ରି ସନ୍ତୋଷିନି ସେଠୀ ସ୍ୱାଗତର ଅଭିଭାଷଣ ଓ ଜିଲ୍ଲା ଶାରିରୀକ ଶିକ୍ଷା ନିରିକ୍ଷକ ବୀବରଣୀ ପ୍ରଦାନ କରିଥିବା ବେଳେ ଜିଲ୍ଲା ଶିକ୍ଷା ଅଧିକାରୀ କାର୍ଯ୍ୟକ୍ରମରେ ସଭାପତିତ୍ୱ କରିଥିଲେ । ବିଧାୟକ ଶ୍ରୀ ମିଶ୍ର ଫିତା କାଟି ପ୍ରତିଯୋଗିତା ଆରମ୍ଭ ଘୋଷଣା କରିଥିଲେ ।  ଚିଫ ରେଫରି ହେମନ୍ତ ବେହେରା, ମ୍ୟାଚ କନ୍ଟୋଲର ସୁରନ୍ଦ୍ର ନେପାଲ, ଅନନ୍ତ ବେହେରା, ସୁନିଲ ବେହେରା, ଆଶିଷ ଉପାଧ୍ୟାୟ,ରାଜକିଶୋର ଶତପଥି,ଚନ୍ଦ୍ରଶେଖର ମିଶ୍ର, ସୌରଭ ପ୍ରଧାନ ମ୍ୟାଚ ପରିଚାଳନା କରିଥିଲେ ।