17-Jan-2023

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ ) ଅବିଭକ୍ତ ବଲାଙ୍ଗୀରଜିଲ୍ଲା ବା ବଲାଙ୍ଗୀର ଓ ସୁବର୍ଣ୍ଣପୁର ଜିଲ୍ଲା ପାଲଟିଛି ସରକାରୀଚାଉଳ କଳାବଜାରର କାରଖାନା । କିଛିଦିନତଳେ ସୁବର୍ଣ୍ଣପୁର ଜିଲ୍ଲାର ବିନିକା ବ୍ଲକ୍ ର ଅରିଗାଁ ପିଇସି ଗୋଦାମରେ ୧୦ ହଜାର କୁଇଣ୍ଟାଲରୁ ଅଧିକ ଚାଉଳକୁ କଳାବଜାରରେ ବିକିଦେଇ ଧରାପଡିବାରୁ ବିଭାଗୀୟ ଯୋଗାଣ ଅଧିକାରୀ ଓ ଜିଲ୍ଲା ପ୍ରଶାସନର ସହଯୋଗରେ ନିଆଁ ଲଗାଇ ପୋଡିଦିଆଯିବା ପରେ  ତତ୍ କ୍ଷଣାତ୍ ଡିଲରମାନଙ୍କଠାରୁ କାଟି ଗୋଦାମରେ ଭରଣା କରିଦେବା ସହ ଜିଲ୍ଲା ବାହାରର ଭଦ୍ରକ ଅଞ୍ଚଳର ଗୋଦାମ ମାଲିକ ଗୋଦାମର ଜମି ୩ ଜଣ ବାହାରଲୋକଙ୍କ ନାଁ'ରେ ରାତାରାତି ବିକ୍ରି କରିଦେଇ ଫେରାର୍ ମାରିବା ଘଟଣା ଚାଞ୍ଚଲ୍ଯ ଖେଳାଇ ଦେଇଥିବାବେଳେ , ବଲାଙ୍ଗୀର ଜିଲ୍ଲାର  ଯୌନକେଳେଙ୍କାରୀ ସମେତ ବିଭିନ୍ନ ଦୁର୍ନୀତି ଅଭିଯୁକ୍ତ ମୁଖ୍ୟ ଜିଲ୍ଲା ଯୋଗାଣ ଅଧିକାରୀ ମୀର୍ ଅଲ୍ଲୀ ରାଜା ବାଛି ବାଛି ଜିଲ୍ଲାର ପୂର୍ବଅସାଧୁ ମିଲର୍ ମାନଙ୍କୁ ଚଳିତବର୍ଷର ଚାଉଳକୁଟାଇବା ଟାର୍ଗେଟ୍ ଦେଇ ଥିବା ଅଭିଯୋଗ ପ୍ରକାଶ ପାଇଛି ।  ଏଥି ମଧ୍ୟରୁ କଣ୍ଟାବାଞ୍ଜିର ବଂସଲ୍ ମିଲ୍ , ବେଲପଡା ଅଞ୍ଚଳର ଶ୍ୟାମଜୀ ରାଇସ୍ ମିଲ୍ , ବଲାଙ୍ଗୀର ନିକଟସ୍ଥ ଓଡିଆପାଲି ରାଇସ୍ ମିଲ୍ , ଟିଟିଲାଗଡ ଅଞ୍ଚଳର କେତେକ ମିଲ୍ , ତୁଷୁରାର ଜଣେ କୁଖ୍ୟାତ ଚୋରାଗଞ୍ଜେଇ ଚାଲାଣ ଅଭିଯୋଗରେ ଜେଲ୍ ଯାଇଥିବା ନିରଞ୍ଜନ କେଡିଆ -ବିନୋଦକେଡିଆ -ବିକାଶ  କେଡିଆବ୍ରଦର୍ସଙ୍କ ଏକାଧିକ ବିବଦମାନ ରାଇସ୍ ମିଲ୍  ଓ ଅନ୍ୟାନ୍ୟ ମିଲ୍ ଗୁଡିକ ଅନ୍ତର୍ଭୁକ୍ତ । ତୁଷୁରାର ଏହି କେଡିଆଭାଇମାନଙ୍କ ପାଖରେ କିଛିବର୍ଷତଳେ କିଛି ନଥିଲା । କିନ୍ତୁ ବର୍ଷକେଇଟାରେ ସେମାନେ ଏକାଧିକ ମିଲ୍ କରିପକାଇଲେ । ଏଥିମଧ୍ୟରେ ଟେବଡାମୁଣ୍ଡାର ସମଲେଇ ପେଡି ପ୍ରସେସିଂର ବିନୋଦ କେଡିଆ ଗତବର୍ଷ ଏକ ପ୍ରଭାବଶାଳୀ ମିଡିଆର ଜଣେ ମହିଳା ଜିଲ୍ଲା ପ୍ରତିନିଧିଙ୍କୁ ମିଲ୍ ଭିତରେ ଦୁର୍ବ୍ଯବହାର ପ୍ରଦର୍ଶନ କରିବା ଘଟଣା ତୁଷୁରାଥାନା ପର୍ଯ୍ୟନ୍ତ ଯାଇ ଚପାଇ ଦିଆଯାଇଥିଲା । ଏବେ ମଧ୍ୟ ଏହି ମିଲ୍ ର କାର୍ଯ୍ୟକଳାପ ସନ୍ଦେହଜନକ । ଟିକେ ଟିକେ କଥାରେ କଲେକ୍ଟରକୁ ଫୋନ୍ କରୁଛି କହି ଏହି ମିଲମାଲିକ ଡରାନ୍ତି । ସେହିପରି ବେଲପଡା ଚାଚେରବେଙ୍ଗର ଏକ ପରିତ୍ୟକ୍ତ ଗ୍ରାଫାଇଟ୍ ଫ୍ୟାକ୍ଟରୀରେ ଚାଉଳକଳ କରିଥିବା କଣ୍ଟାବାଞ୍ଜିର ଜନୈକ କଲେକ୍ଟରଙ୍କ ଭାଇ ମଧ୍ୟ  ବିଭିନ୍ନ ସନ୍ଦେହଜନକ କାର୍ଯ୍ୟକଳାପରେ ସମ୍ପୃକ୍ତ ବୋଲି ଶୁଣାଯାଏ ଓ ସେ ମଧ୍ୟ କଥାକଥାକେ ତାଙ୍କ ବଡଭାଇଥିବା କଲେକ୍ଟରଙ୍କ ନାଁ' ଧରିଥା'ନ୍ତି । ଏଥିସହ ବିଭିନ୍ନ ସମୟରେ ଏକାଧିକବାର ବଡ ବଡ ଚାଉଳ ଦୁର୍ନୀତିରେ ଧରାପଡି ଖସିଯାଉଥିବା ବେଲପଡା- କଣ୍ଟାବାଞ୍ଜି ରାସ୍ତାରେ ଥିବା ସଲଣ୍ଡି ନିକଟସ୍ଥ ଶ୍ୟାମଜୀ ରାଇସ୍ ମିଲ୍ ଓ କଣ୍ଟାବାଞ୍ଜିର ବଂଶଲ୍ ରାଇସ୍ ମିଲ୍ ବିରୁଦ୍ଧରେ ବିଭିନ୍ନ ସମୟରେ ଅଭିଯୋଗ ପ୍ରକାଶପାଇ ଆସୁଛି । ବଲାଙ୍ଗୀର ସହର ନିକଟସ୍ଥ ଓଡିଆପାଲି ରାଇସ୍ ମିଲ୍ ମଧ୍ୟ ବିଭିନ୍ନ ସମୟରେ ବିବାଦୀୟ ହୋଇ ଦୁର୍ନୀତି କରୁଥିବା ଅଭିଯୋଗ ପ୍ରକାଶ ପାଇଛି । ଏଣୁ ତଥାପି ଜିଲ୍ଲାପାଳଙ୍କର ସୁନାପିଲା ପାଲଟିଥିବା ଏହି ବିବାଦୀୟ ଅଭିଯୁକ୍ତ ମୁଖ୍ୟ ଜିଲ୍ଲା ଯୋଗାଣ ଅଧିକାରୀ ମୀର୍ ରାଜା ଅଲ୍ଲୀ ଜାଣିଶୁଣି ଉପରୋକ୍ତ ଅସାଧୁ ମିଲର୍ସମାନଙ୍କୁ ଅଧିକ ଚାଉଳ ସଂଗ୍ରହର ଟାର୍ଗେଟ ଦେଇଥିବା ଚର୍ଚ୍ଚା ହେଉଛି ।  କିଛିଦିନ ପୂର୍ବରୁ ଏକ କେନ୍ଦ୍ରୀୟ କମିଟି ବଲାଙ୍ଗୀର ଆସି କେତେକ ଗୋଦାମ ଓ ମିଲ୍ ରେ ଯାଞ୍ଚ କରି ଖାଦ୍ୟଅନୁପଯୁକ୍ତ ଚାଉଳର ରିପୋର୍ଟ ଦେଇଯାଇଥିଲେ । ଏହି ରିପୋର୍ଟର ଫଳାଫଳ କଣ ହେଲା , ଜଣାପଡିଲା ନାହିଁ ।  ଏଣୁ କୌଣସି ନିରପେକ୍ଷ କେନ୍ଦ୍ରୀୟ  ଭିଜିଲାନ୍ ସ  ଯାଞ୍ଚ କମିଟି ଏହାର ତଦନ୍ତ କରିବାକୁ ଜନସାଧାରଣ ସରକାରଙ୍କ ନିକଟରେ ଦାବି କରନ୍ତି ।