15-Jan-2023

ଡୁଙ୍ଗୁରିପାଲ(ଅରବିନ୍ଦ ମିଶ୍ର)-ସୁବର୍ଣ୍ଣପୁର ଜିଲ୍ଲା  ଅନ୍ତର୍ଗତ ଡୁଙ୍ଗୁରିପାଲି  ସାହିତ୍ୟ ଓ ସାଂସ୍କୃତିକ ସଂସଦ ପକ୍ଷରୁ  ଆଜି ମକର ମିଳନ ଆରଏମସି ପରିସରରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଲକ୍ଷ୍ମୀଧର ନାୟକ ଓ ବିନୋଦ ବିହାରି ପାଣ୍ଡିଆ ଯୋଗ ଦେଇ ଉଦ୍ଘାଟନ କରିଥିଲେ ।  ଘନଶ୍ୟାମ ମେହେର, ପ୍ରଶନ୍ନ କୁମାର ମେହେର, ମଞ୍ଜୁଲତା ମିଶ୍ର କାର୍ଯ୍ୟକ୍ରମକୁ ସଂଯୋଜନା କରିଥିଲେ । ସୁରେଶ ପଧାନ ଅତିଥିମାନଙ୍କର ମଞ୍ଚ ପ୍ରବେଶ କରାଇଥିବା ବେଳେ ସରସ୍ୱତୀ ଶିଶୁ ବିଦ୍ୟାମନ୍ଦିରର ଛାତ୍ରୀମାନଙ୍କ ଦ୍ୱାରା ସ୍ୱାଗତ ସଙ୍ଗୀତ ପରିବେଶଣ କରାଯାଇଥିଲା ।ଚିତ୍ତରଞ୍ଜନ ବିଶ୍ୱାଳ ଅତିଥି ପରିଚୟ ଓ ସ୍ୱାଗତ ଭାଷଣ କରିଥିଲେ । ଦାଶରଥି ବେହେରାଙ୍କୁ ଏହି ଅବସରରେ କଣ୍ଠଶିଳ୍ପୀ ଭାବରେ ସମ୍ବର୍ଦ୍ଧିତ କରାଯାଇଥିଲା  । ଅତିଥିମାନାଙ୍କଦ୍ୱାରା ପତ୍ରିକା ‘ପ୍ରୟାସ’ଉନ୍ମୋଚନ କରାଯାଇଥିଲା ।  ମୁଖ୍ୟ ବକ୍ତା ଭାବେ  ବଲାଙ୍ଗିିର ବିନାୟକ ସ୍କୁଲର ପରିଚାଳକ ସରସ୍ୱତୀ ନନ୍ଦ ଏବଂ ମୁଖ୍ୟ ଅତିଥି ଭାବେ ଡ. ଘନଶ୍ୟାମ ପାଣିଗ୍ରାହୀ ଯୋଗ ଦେଇଥିଲେ ।  ସଭାପତି ସୁବାଷ ଚନ୍ଦ୍ର ପାତ୍ର ସଭାପତିତ୍ୱ କରିଥିବା ବେଳେ ସଂପାଦକ ଅମୁଲ୍ୟ ବେହେରା ଧନ୍ୟବାଦ ଅର୍ପଣ କରିଥିଲେ । ଗୋପାଳ ବାରିକ, ବିପ୍ରଚରଣ ସାହୁଙ୍କ ସମେତ ସଂସଦର ସମସ୍ତ ସଦସ୍ୟ ଉପସ୍ଥିତ ଥିଲେ । ଦେବାଶିଷ ମହାପାତ୍ର ମାନପତ୍ର ପଠନ କରିଥିଲେ ।