11-Jan-2023

ବିନିକା(ହିମାଂଶୁ ଶେଖର ପୁଟେଲ)ରଙ୍ଗାରଙ୍ଗ କାର୍ଯ୍ୟକ୍ରମ ଓ ଆତସବାଜି ଧ୍ବନିରେ ଆଜି ବାରବାଟି ଷ୍ଟାଡିୟମରେ ବିଶ୍ଵ ହକିକପ ପ୍ରତିଯୋଗିତା ଉଦ୍ଘାଟନ ହୋଇଥିବା ବେଳେ ଆଉ ଦିନକ ପରେ ଅର୍ଥାତ ୧୩ତାରିଖରୁ ରାଜ୍ୟର ଭୁବନେଶ୍ୱର ସ୍ଥିତ କଳିଙ୍ଗ ଷ୍ଟାଡିୟମ ଓ ରାଉରକେଲା ସ୍ଥିତ ବିର୍ସାମୁଣ୍ଡା ଷ୍ଟାଡିୟମରେ ଅନୁଷ୍ଟିତ ହେବ ବିଶ୍ଵ ସ୍ତରୀୟ ହକି ମହାକୁଂଭ ।ଏଥିରେ ଯୋଗଦେଇଥିବା ଦେଶ ବିଦେଶର ଖେଳାଳି ମାନଙ୍କ ପ୍ରତିଭା ପ୍ରଦର୍ଶନ ଦେଖିବା ସହିତ ତାଙ୍କୁ ଉତ୍ସାହିତ କରିବା ପାଇଁ ଏବଂ ହକି ଖେଳର ବାର୍ତା ଘରେ ଘରେ ପହଞ୍ଚାଇବା ନେଇ ସାରା ରାଜ୍ୟର କୋଣ ଅନୁକୋଣରେ ହକି ବିଶ୍ଵକପ ସଚେତନତା ରଥ ପରିକ୍ରମା କରୁଛି ।ଏହି ପରିପ୍ରେକ୍ଷୀରେ ସୁବର୍ଣ୍ଣପୁର ହେଲା ହକିପୁର ସଚେତନତା ରଥ ବିନିକା ପହଞ୍ଚିବା ପରେ ଦୁଇଦିନ ଧରି ବିଭିନ୍ନ ସ୍ଥାନରେ ବ୍ୟାପକ ଭାବେ ସମ୍ବର୍ଦ୍ଧନା ଦିଆଯାଇଛି ।ମଙ୍ଗଳବାର ସଚେତନତା ରଥକୁ ସହରର ବିଭିନ୍ନ ଶିକ୍ଷାନୁଷ୍ଠାନର ଛାତ୍ରଛାତ୍ରୀ,ସ୍ଵୟଂ ସହାୟକ ଗୋଷ୍ଠୀ ସଦସ୍ୟା,ଅଙ୍ଗନୱାଡ଼ି କର୍ମୀ,ସ୍ବେଚ୍ଛାସେବୀ ସଙ୍ଗଠନ କର୍ମକର୍ତ୍ତା ମାନେ ଶୋଭାଯାତ୍ରାରେ ରଥକୁ ପାଛୋଟି ନେଇଥିଲେ । ପରେ ସଚେତନତା ରଥ ବ୍ଲକର ବିଭିନ୍ନ ପଞ୍ଚାୟତ ପରିକ୍ରମା ବେଳେ ସ୍ଥାନୀୟ ସରପଞ୍ଚ,କାର୍ଯ୍ୟ ନିର୍ବାହୀ ଅଧିକାରୀ,ପଞ୍ଚାୟତ କର୍ତ୍ତୃପକ୍ଷ ଓ ଗ୍ରାମବାସୀଙ୍କ ତରଫରୁ ଭବ୍ୟ ସ୍ଵାଗତ ଦିଆଯାଇଥିଲା। ସେହିପରି ବୁଧବାର ବିନିକା ଏନଏସି ପରିସରରେ ଅନୁଷ୍ଟିତ ସଭାରେ ବୀରମହାରାଜପୁର ବିଧାୟକ ପଦ୍ମନାଭ ବେହେରା,ସୁବର୍ଣ୍ଣପୁର ଜିଲ୍ଲାପାଳ ଅବୋଲି ସୁନୀଲ ନରୱନେ,ଅତିରିକ୍ତ ଜିଲ୍ଲାପାଳ ସୂର୍ଯ୍ୟ ନାରାୟଣ ଦାଶ,ବିନିକା

ତହସିଲଦାର ମୁକ୍ତେଶ୍ଵର ପାଣିଗ୍ରାହୀ,ବିଡ଼ିଓ ବ୍ୟାସଦେବ ବେହେରା ପ୍ରମୁଖ ଯୋଗଦେଇଥିଲେ ।ଏହି ଅବସରରେ ଉଲୁଣ୍ଡା ବ୍ଳକ ସିଂ ପାଲି ବିଜୁ ପଟ୍ଟନାୟକ ହକି ଦଳକୁ,ସ୍ପୋର୍ଟସ କ୍ଲବ କର୍ମକର୍ତ୍ତା,ବିଭିନ୍ନ ବର୍ଗର ବ୍ୟକ୍ତି ବିଶେଷଙ୍କୁ ହକି ଡ୍ରେସ ବଣ୍ଟନ କରାଯାଇଥିଲା ।ପରେ ଅତିଥି ମାନେ ହକି ବିଶ୍ଵକପ ରଥ ସଂଭୁଖରେ ପୂଜାର୍ଚ୍ଚନା ପରେ ରଥକୁ ଆନୁଷ୍ଠାନିକ ଭାବେ ସ୍ଵାଗତ ଜଣାଇଥିଲେ ।ବିନିକା ସିଦ୍ଧାର୍ଥ କଲେଜ,ମହିଳା ଡିଗ୍ରୀ କଲେଜ,ମହିଳା ଜୁନିଅର କଲେଜ,ତୁଳସୀ ସ୍ଵୟଂ ସହାୟକ ଗୋଷ୍ଠୀ,ପରିଷଦ କର୍ମଚାରୀ,କାଉନସିଲ,ସ୍ବେଚ୍ଛାସେବୀ ସଙ୍ଗଠନ କର୍ମକର୍ତ୍ତାଙ୍କ ପ୍ରୟାସରେ ହକି ବିଶ୍ଵକପ ରଥ  ସହର ପରିକ୍ରମା କରିଥିଲା।ପରିକ୍ରମା ବେଳେ  "ଆଇ ଏଚ ଓଡ଼ିଶା ହକି,ଜିତେଗା ରେ ଭାଇ ଇଣ୍ଡିଆ ୱାଲଡ କପ ହକି ଜିତେଗା ଆଦି ଧ୍ବନିରେ କମ୍ପି ଉଠିଥିଲା ।ଅନୁଷ୍ଟିତ ଶୋଭାଯାତ୍ରାରେ ଏନଏସି ଅଧ୍ୟକ୍ଷ ସୁବାସ ଚନ୍ଦ୍ର ଭୋଇ,ବିଜେଡ଼ି ନଗର ସଭାପତି ସୋମନାଥ ମିଶ୍ର,ବିନିକା ଓକିଲ ସଂଘ ସଭାପତି ସୁଧାଂଶୁ ଦାଶ, ଏନଏସି ଉପାଧକ୍ଷା ତପସ୍ୱିନୀ ମେହେର,ରଂଜନ ମିଶ୍ର,ହାଡୁ ମେହେର,ଭୀମସେନ ସାହୁ ପ୍ରମୁଖଙ୍କ ସମେତ ସ୍ଵୟଂ ସହାୟକ ଗୋଷ୍ଠୀ ସଦସ୍ୟା,କ୍ରୀଡାବିତ,ଖେଳାଳି,ସଚେତନ ନାଗରିକ,ଅଞ୍ଚଳର ଜନସାଧାରଣ ସାମିଲ ହୋଇଥିଲେ ।