11-Jan-2023

ବିନିକା(ହିମାଂଶୁ ଶେଖର ପୁଟେଲ) ଭଳ ପାଠ ପଢ, କଠିନ ପରିଶ୍ରମ କର ଭବିଷ୍ୟତରେ ଜଣେ ଉତ୍ତମ ନାଗରିକ ହୋଇ ପାରିବ ତେବେ ଯାଇ ବାପା,ମା ଙ୍କ ରହିଥିବା ଆଶା,ଆକାଙ୍କିଆ ପୂରଣ ହେବ ବୋଲି ବିନିକା ସିଦ୍ଧାର୍ଥ ଡିଗ୍ରୀ କଲେଜ ଅତିରିକ୍ତ ଶ୍ରେଣୀ ଗୃହ ଉଦ୍ଘାଟନ ଅବସରରେ ଯୋଗଦେଇଥିବା ମୁଖ୍ୟ ଅତିଥି ମାନ୍ୟବର ବୀରମହାରାଜପୁର ବିଧାୟକ ପଦ୍ମନାଭ ବେହେରା ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ଉପଦେଶ ଦେଇଥିଲେ ।କଲେଜ ଅଧ୍ୟକ୍ଷ ଡ଼ଃ  ଧୀରେନ୍ଦ୍ର କୁମାର ନାୟକଙ୍କ ଅଧ୍ୟକ୍ଷତା କରି  କଲେଜରେ ପାଠ ପଡୁଥିବା ଛାତ୍ରଛାତ୍ରୀଙ୍କ ସୁବିଧା ଅସୁବିଧା ସଂପର୍କରେ କଲେଜ ଅଧ୍ୟକ୍ଷ ସମସ୍ତ ପ୍ରକାର ସହଯୋଗ ଯୋଗାଇ ଦେବେ ବୋଲି ନିର୍ଭର ପ୍ରତିଶୃତି ଦେଇଥିଲେ । ଅଧ୍ୟାପିକା ଦିବ୍ୟାଲୋକା ମହାପାତ୍ରଙ୍କ ସଂଯୋଜନାରେ ଅନୁଷ୍ଟିତ ସଭାରେ ମୁଖ୍ୟ ଅତିଥି ଶ୍ରୀ ବେହେରା କହିଥିଲେ ଯେ ପୂର୍ବରୁ ଏହି କଲେଜ ପ୍ରାଥମିକ ସ୍କୁଲ ଠାରୁ ବି ଜରାଜୀର୍ଣ୍ଣ ଅବସ୍ଥାରେ ଥିଲା ୨୦୦୯ପର ଠାରୁ ମାନ୍ୟବର ଆମ ପ୍ରିୟ ମୁଖ୍ୟମନ୍ତ୍ରୀଙ୍କ ଯୋଗୁଁ ଏବଂ ଆମର ପ୍ରୟାସ ଜାରି ରହିଥିବାରୁ ପର୍ଯ୍ୟାପ୍ତ ଅନୁଦାନ ଯୋଗାଇ ଦିଆଯାଇ କଲେଜର ବିକାଶ ଘଟିଛି ଆଗକୁ ମଧ୍ୟ ଏହି କଲେଜର ଉନ୍ନତି ବଳବତ୍ତର ରହିବ ବୋଲି ପ୍ରତିଶ୍ରୁତି ଦେଇଥିଲେ ।ସମ୍ମାନୀୟ ଅତିଥି ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷା ରେଖା ପ୍ରଧାନ ଓ ବିନିକା ବ୍ଳକ ଅଧ୍ୟକ୍ଷା ଦୀପ୍ତିରେଖା ନନ୍ଦ ଯୋଗଦେଇ ଅଧ୍ୟୟନରତ ଛାତ୍ରଛାତ୍ରୀ ମାନେ ଉତ୍ତମ ମଣିଷ ହେବାପାଇଁ ଭଳ ପାଠ ପଡ଼ିବାକୁ ପରାମର୍ଶ ଦେଇଥିଲେ ।ଏହି ଅବସରରେ ବିଭିନ୍ନ କ୍ଷେତ୍ରରେ ଜାଗ୍ରତ ପ୍ରହରୀ ଭାବେ କାର୍ଯ୍ୟ କରି ଅଞ୍ଚଳର ସମସ୍ୟା,ବିଭିନ୍ନ କାର୍ଯ୍ୟକ୍ରମ ଲୋକ ଲୋଚନକୁ ଆଣୁଥିବା ଗଣତନ୍ତ୍ରର ଚତୁର୍ଥ ସ୍ତମ୍ଭ ସାମ୍ବାଦିକ ସୃଜନ ପଣ୍ଡା,ହିମାଂଶୁ ଶେଖର ପୁଟେଲ,ଅଶୋକ ପଣ୍ଡା,ଦିଲ୍ଲୀପ ସାହୁ,ମୁକେଶ ବଗର୍ତ୍ତି,ଦଧିବାମନ ନାୟକ,ରାମ ଗୋପାଳ ବାଘ ପ୍ରମୁଖଙ୍କୁ ଏବଂ ସମ୍ବଲପୁର ବିଶ୍ଵ ବିଦ୍ୟାଳୟ ସ୍ତରୀୟ ପରୀକ୍ଷାର (ଟପ୍ ଟେନ୍) ରାଜନୀତି ବିଜ୍ଞାନ ବିଭାଗରେ ଚତୁର୍ଥ ସ୍ଥାନ ଅଳଙ୍କୃତ କରିଥିବା ଛାତ୍ରୀ ସସ୍ମିତା ଦୋରା,ନବମ ସ୍ଥାନ ଜୟନ୍ତି ସୁନା ଓ ଶିକ୍ଷା ବିଭାଗରେ ଲିଲିମା ଦାଶ ପ୍ରମୁଖଙ୍କୁ ମୁଖ୍ୟ ଅତିଥି ସମ୍ମାନ ପତ୍ର ଓ ଉପଡୋକନ ଦେଇ ସମ୍ବର୍ଦ୍ଧିତ କରାଯାଇଥିଲା ।ଶେଷରେ ଇତିହାସ ବିଭାଗ ମୁଖ୍ୟ ଗୋପାଳ କୃଷ୍ଣ ଦାଶ

ଧନ୍ୟବାଦ ଅର୍ପଣ କରିଥିଲେ ।ପ୍ରାରମ୍ଭରେ ବିଧାୟକ ଙ୍କ ପାଣ୍ଠିରୁ ୧୦ଲକ୍ଷ ଟଙ୍କା ବ୍ୟୟରେ ନିର୍ମିତ ଅତିରିକ୍ତ ଶ୍ରେଣୀ ଗୃହ କୁ ବିଧାୟକ ଶ୍ରୀ ବେହେରା ଉଦ୍ଘାଟନ କରିଥିଲେ ।ଅନୁଷ୍ଟିତ ଏହି କାର୍ଯ୍ୟକ୍ରମରେ ଅଧ୍ୟାପକ ରୁଦ୍ର ନାରାୟଣ ଦାଶ,ବାଣୀ ପ୍ରସାଦ ବିଶ୍ଵାଳ,ବିଶ୍ଵନାଥ ମିଶ୍ର,ଭଗବାନ ସାହୁ,ମାନସ ମିଶ୍ର,ଅଧ୍ୟାପିକା ରୁବୀ ପୂଜାରୀ,ଦୀପ୍ତିରାଣୀ ସ୍ୱାଇଁ,ବିକ୍ରମ ମେହେର,ଶ୍ରୀକାନ୍ତ ମେହେର,ପ୍ରକାଶ ଦାଶ ପ୍ରମୁଖଙ୍କ ସମେତ କଲେଜର ସମସ୍ତ ଷ୍ଟାଫ ସହଯୋଗ କରିଥିଲେ ।