10-Jan-2023

ସୁବର୍ଣ୍ଣପୁର - ଗତ କାଲି ସୋନପୁର ସଦରବ୍ଲକର ନାରାୟଣପୁର ଠାରେ ସୋନପୁର ନିର୍ବାଚନ ମଣ୍ଡଳୀ ସ୍ତରୀୟ ବିଜେଡି ର ୨୫ତମ ରୌପ୍ୟଜୟନ୍ତି ସମାରୋହ ପାଳିତ ହୋଇଯାଇଛି। ଏଥିରେ ସୋନପୁର ବିଧାୟକ ତଥା ଅର୍ଥ ଓ ସଂସଦୀୟ ବ୍ୟାପାର ମନ୍ତ୍ରୀ ନିରଞ୍ଜନ ପୁଜାରୀ ଅଧ୍ୟକ୍ଷତା କରି ବର୍ତ୍ତମାନର ବିଜେଡି ସରକାର ମୋ ସରକାର ରେ କେହି ବଡ଼ କିମ୍ବା ସାନ ନୁହନ୍ତି ସମସ୍ତ ଙ୍କୁନେଇ ନବୀନ ପଟ୍ଟନାୟକ  ଓଡ଼ିଶା ମୋ ପରିବାର ବୋଲି କହନ୍ତି ଯାହାକି ଓଡ଼ିଶା ବାସୀଙ୍କୁ ସେ କେତେ ଭଲପାଆନ୍ତି ତାହା ସୂଚାଇଥାଏ।ମାଁ ମାନଙ୍କ ଅଭିବୃଦ୍ଧି ପାଇଁ ସେ ନେଇଥିବା ଅଭିନଵ ପଦକ୍ଷେପ କୁ ଆଜି ସାରାଭାରତ ରେ ଏକ ଉଦାହରଣ ଭାବରେ ଉଭାହୋଇଛି l ଏପରିକି ତାଙ୍କର ପ୍ରତିଟି ପଦକ୍ଷେପ କୁ ଏବେ ସମସ୍ତ ରାଜ୍ୟ ଅନୁକରଣ କରୁଛନ୍ତି।ସମସ୍ତ ଙ୍କୁ ନେଇ ଆଗାମୀ ଦିନରେ ନୂତନ ଓଡ଼ିଶା ଗଠନର ଯେଉଁ ପରିକଳ୍ପନା ର  ବାସ୍ତବ ରୂପ ଯେ ସାକାର ହେବ ତାହା ଦିନକୁ ଦିନ ବିଜେଡି ର  ବୃଦ୍ଧି ପାଉଥିବା ଲୋକପ୍ରିୟତା ଘଟଣାରୁ ସ୍ପଷ୍ଟ ପ୍ରତେୟ ହେଉଛି। ଏହି ସଭାକୁ 

ମାନଭଞ୍ଜନ ମିଶ୍ର ସଂଯୋଜନା କରିଥିବା ବେଳେ ଅନ୍ୟମାନଙ୍କ ମଧ୍ୟରେ ଜିଲ୍ଲା ପରିଷଦ ଅଧ୍ୟକ୍ଷା ସୁପାର ଠେଲା,ବିଜେଡି ଜିଲ୍ଲା ସଭାପତି ସରୋଜ କମ୍ପ,ଉପ ସଭାପତି ରମେଶ ପୁଜାରୀ , ଯୁବ ସଭାପତି ଅଶୋକ ନନ୍ଦ,ସୋନପୁର ବ୍ଲକ ଅଧ୍ୟକ୍ଷ ପ୍ରହଲ୍ଲାଦ ନାୟକ,ସୋନପୁର ପୌରାଧ୍ୟକ୍ଷା ତାମସୀ ତାମସ୍ମୀତା ନାୟକ,କଇରୁ ସ୍ୱାଇଁ, ଅଭିମନ୍ୟୁ କୁଶଳ,ହିମାଂଶୁ ଶେଖର ବିଶ୍ୱାଳ, ଶତୃଘ୍ନ ପୃଷ୍ଟି ତଥା ବିଭିନ୍ନ ବ୍ଲକ ର ଅଧ୍ୟକ୍ଷ ଅଧ୍ୟକ୍ଷା ତଥା ନିର୍ବାଚିତ ପ୍ରତିନିଧି ପ୍ରମୁଖ ନିଜନିଜ ବକ୍ତବ୍ୟ ରେ ବିଜେଡି ଦଳ  ଓଡ଼ିଶାରେ ଏକ ଅପ୍ରତିଦ୍ୱନ୍ଦୀ ଦଳଭାବରେ ଉଭାହୋଇ ଜନମାନସର ସେବାରେ ନିଜକୁ ଉତ୍ସର୍ଗ କରିଛି ବୋଲି ମତବ୍ୟକ୍ତ କରିଥିଲେ।