07-Jan-2023

ସାଲେଭଟା// ଓଡିଶା ରାଜ୍ୟ ପ୍ରବରଣମଣ୍ଡଳୀ ଉଚ୍ଚଶିକ୍ଷାବିଭାଗ ଓଡିଶା ସରକାରଙ୍କ ଦ୍ୱାରା ହୋଇଥିବା (ଏସ.ଏସ.ବି) ଓଡିଆ ଅଧ୍ୟାପକ ପରୀକ୍ଷାରେ ସମଗ୍ର ପଶ୍ଚିମ ଓଡିଶାର ତିନୋଟି ଜୋନ ବଲାଙ୍ଗିର,ସମ୍ବଲପୁର ଓ ରାଉରକେଲା ସମସ୍ତ ପ୍ରାର୍ଥିଙ୍କ ମଧ୍ୟରୁ ଡ.ଲିଙ୍ଗରାଜ ମେହେର ସବୋର୍ଚ୍ଚ ନମ୍ବର ରଖି ଉତ୍ତିନ୍ନ ହୋଇଥିବାରୁ ଆଗଲପୁର ଅଞ୍ଚଳରେ ଖୁସିର ଲହର ଲାଗିରହିଛି । ଏନେଇ ତାଙ୍କୁ ଶୁଭେଚ୍ଛୁ ମାନଙ୍କ ଠାରୁ ଶୁଭେଚ୍ଛା ସୁଅ ଛୁଟିବାରେ ଲାଗିଛି । ଏହାର ଲିଖିତ ପରୀକ୍ଷା ଗତ ଅଗଷ୍ଟ ମାସ ୭ ତାରିଖରେ ହୋଇଥିବାବେଳ ମୈାଳିକ ପରିକ୍ଷାଟି ଡିସେମ୍ବର ୨୯ ତାରିଖରେ ହୋଇଥିଲା ।ସମୁଦାୟ ୨୭୮ ଟି ପଦବିରେ ଥିବା ଏହି ପରିକ୍ଷାରେ ସେ  ପଶ୍ଚିମ ଓଡିଶାରେ ୧ନମ୍ବର ସ୍ଥାନରେ ରହିଥିବା ଗୈାରବ ଅର୍ଜନ କରିଥିବାବେଳେ ସମଗ୍ର ଓଡିଶାରେ  ୨୦ନମ୍ବର ରହିଛନ୍ତି । ଶ୍ରୀଯୁକ୍ତ ମେହେର ବଲାଙ୍ଗିର ଜିଲ୍ଲା ଆଗଲପୁର (ଡୁଡୁକା) ବ୍ଳକ +୩ ବିଜ୍ଞାନ ମହାବିଦ୍ୟାଳୟରେ କାର୍ଯ୍ୟରତ ଅଛନ୍ତି । ଦିର୍ଘ ୧୪ବର୍ଷ ହେଲା ଏହି ମହାବିଦ୍ୟାଳୟରେ ଓଡିଆବିଭାଗ ଅଧ୍ୟାପକ ଆକାରରେ କାର୍ଯକରିଅୁଛନ୍ତି । ସୁବର୍ଣ୍ଣପୁର ଜିଲ୍ଲା ବୀରମହାରାଜ ଉପଖଣ୍ଡ ସୁବଳୟା, ଟିକିରାପଡାର ମୁଳବାସିନ୍ଦା ଅଟନ୍ତି ।ସେ ଓଡିଆରେ ଏମ.ଏ ଏମ ଫିଲ ଓ ପିଏଚ.ଡି  କରିଥିବାବେଳେ ସାତଟି ପୁସ୍ତକ ରଚନା କରିଛନ୍ତି । ଏମାନଙ୍କ ମଧ୍ୟରେ ନାଟ୍ୟକାର ଅଟଳବିହାରୀ ପଣ୍ଡା,ଲୋକଗୀତ ଓ ଲୋକ ନାଟକରେ ଶିବଙ୍କ କୃଷି ସଂପୃକ୍ତି,୧୯୮୦ମସିହାର ପରବର୍ତୀ ଓଡିଆ ନାଟକ ଓ ନାଟ୍ୟକାର, ଦଣ୍ଡନାଟ, ଷୋଳସୁଆଙ୍ଗ, ରସକୋଳ୍ଳଳ: ପ୍ରଥମ ଛନ୍ଦ,କୋଟି ବ୍ରହ୍ମଣ୍ଡ ସୁନ୍ଦରୀ: ପ୍ରଥମ ଛନ୍ଦ,ଭାଗବତ : ଚବିଶ ଗୁରୁ ପ୍ରସଙ୍ଗ ପୁସ୍ତକ ସ୍ଥାନିତ ହୋଇଛି । ସେ ଜଣେ ଅମାୟିକ ବ୍ୟକ୍ତିତ୍ୱ ଓ ଆଦର୍ଶ ଶିକ୍ଷକ ଭାବରେ ଆଗଲପୁର ଅଂଚଳରେ ବେଶ ସୁପରିଚିତ । କଠିଣ ପରିଶ୍ରମ, ପ୍ରୟାସ ଓ ଇଚ୍ଛାଶକ୍ତି ସଫଳତା ପାଇଥିବା ଏକ ଉଦାହରଣ  ସୃଷ୍ଟିକରିଛନ୍ତି ଡ.ଲିଙ୍ଗରାଜ ମେହେର । ମହାବିଦ୍ୟାଳୟର ୟୁଥ ରେଡକ୍ରସ ଅଧିକାରୀ ଭାବରେ ସେ ଏ ଅଂଚଳରେ ଅନେକ ଶିକ୍ଷା ସ୍ୱଚ୍ଚତା ଓ ସ୍ୱାସ୍ଥ୍ୟ ସଚେତନତା କାର୍ଯ୍ୟକ୍ରମ ମାନ କରିଆସିଛନ୍ତି । ତାଙ୍କର ଏହିସଫଳତା ପାଇଁ ଆଗଲପୁରର ଶିକ୍ଷାପ୍ରେମୀ, ବୁଦ୍ଧିଜୀବୀ  ଓ ଛାଛ୍ରଛାତ୍ରୀଙ୍କ ମଧ୍ୟରେ ଆନନ୍ଦର ମାହୋଲ ସୃଷ୍ଟି ହୋଇଛି । ଅନ୍ୟପକ୍ଷରେ ଏସଏସବି ସଫଳପରେ ଅନ୍ୟ ମହାବିଦ୍ୟାଳୟକୁ ଚାଲିଯିିବାର ଦଃଖ ମଧ୍ୟ ରହିଥିବା ଦେଖିବାକୁ ମିଳିଛି । ଡ. ମେହେର ତାଙ୍କର ଏହିସଫଳତା ପାଇଁ ଆଗଲପୁର ଅଂଚଳବାସୀ ଓ ପ୍ରିୟ   ଛାଛ୍ରଛାତ୍ରୀଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।