07-Jan-2023

ବଲାଙ୍ଗିର,- ବିଦ୍ୟାଳୟ ବାହାରକୁ ଯାଇ ସବୁଜ ବନାନୀରେ ଛାତ୍ରଛାତ୍ରୀମାନଙ୍କୁ ନେଇ ଏକ ପ୍ରକୃତି ଜନିତ ଶିକ୍ଷା କାର‌୍ୟ୍ୟକ୍ରମ ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ବିଦ୍ୟାଳୟର ଅମରାବତୀ ଇକୋ କ୍ଲବ ଓ ଜୁନିୟର ରେଡକ୍ରସ ତରଫରୁ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ଚାଣ୍ଡାଲ ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନ ଓ ପ୍ରକୃତି ବନ୍ଧୁ ଶିକ୍ଷକ ତଥା ଜୁନିୟର ରେଡକ୍ରସ କାଉନ୍ସେଲର ରାମ ନାରାୟଣ ଦାଶଙ୍କର ସଂଯୋଜିତ କାର‌୍ୟ୍ୟକ୍ରମରେ ଅତିଥି ଭାବରେ ବିଜାପଦର ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ବ୍ରଜମୋହନ ମାଝୀ, ସାନ୍ତଉପେ ପ୍ରକଳ୍ପ ଉଚ୍ଚ ବିଦ୍ୟାଳୟର ଶିକ୍ଷକ ଆଦିତ୍ୟ ରଣା ଯୋଗଦାନ କରିଥିଲେ । “ବୃକ୍ଷ ବନ୍ଧୁ” କାର‌୍ୟ୍ୟକ୍ରମକୁ ତ୍ୱରାନ୍ୱିତ କରିବା ପାଇଁ ହୋଇଥିବା କାର‌୍ୟ୍ୟକ୍ରମରେ ବୃକ୍ଷ ସଦାସର୍ବଦା ମନୁଷ୍ୟକୁ ଦେଇଥାଏ, ତାହାର କ୍ଷତି ନ କରିବା ପାଇଁ ଅତିଥି ମତବ୍ୟକ୍ତ କରିଥିଲେ । ବିଦ୍ୟାଳୟର ବିଜ୍ଞାନ ଶିକ୍ଷକ ବିଶ୍ୱନାଥ ମେହେର, ଲିଙ୍ଗରାଜ ନନ୍ଦ, ଦିପକସେନ ଧରୁଆ,

ଶିକ୍ଷୟତ୍ରୀ ଗାୟତ୍ରୀ ବାରିକ ଛାତ୍ରଛାତ୍ରୀମାନଙ୍କୁ ବିଜ୍ଞାନ ସମ୍ମତ ବୃକ୍ଷର ଉପକାରିତା ବିଷୟରେ ବୁଝାଇଥିଲେ । ସଂସ୍କୃତ ଶିକ୍ଷକ ସୁଦର୍ଶନ ଦାଶ ବୃକ୍ଷକୁ ଜୀବନ୍ତ ମାନବ ବୋଲି ମତ ରଖିଥିଲେ । ମୀରା ପଧାନ, ମୋନିକା ଭୋଇ, ମୁନି ମଣ୍ଡଳ, ନନ୍ଦିତା ସାହୁ, ନରେଶ ଜାନି, ନିବେଦିତା ପଧାନ, ଓମକାର ବାଗ, ପାୟଲ ଭୋଇ, ପୁର୍ଣ୍ଣିମା ବକୁଲ, ରଶ୍ମିତା ଛତ୍ରିଆ, ରୁପେଶ ରଣା, ସଙ୍ଗୀତା ମାଝୀ, ସାନିଆ ବାରିକ, ଶିଳ୍ପୀ ରଣା, ଶ୍ରୀତମ ଭୋଇ, ସୁନିଲ ରଣା, ତୋଫାନ ରଣା, ତ୍ରିବେଣୀ ଜାନି ପ୍ରମୁଖ ଛାତ୍ରିଛାତ୍ରୀ ଆଲୋଚନାରେ ଅଂଶଗ୍ରହଣ କରିଥିଲେ । କାର‌୍ୟ୍ୟକ୍ରମକୁ ବିଦ୍ୟାଳୟର ଶିକ୍ଷୟତ୍ରୀ ରେଣୁକା ସାହୁ ପରିଚାଳନା କରିଥିବା ବେଳେ ସମିର ସେଠୀ ଧନ୍ୟବାଦ ଅର୍ପଣ କରିଥିଲେ । କାର‌୍ୟ୍ୟକ୍ରମରେ ଶିକ୍ଷୟତ୍ରୀ ଦ୍ରୋପଦୀ ଭୋଇ, କାନ୍ତୀ ଭୋଇ, ଯଶୋବନ୍ତୀ ସୁନା, ସମାଜସେବୀ ମାନସ ବକୁଲ, କପିଳ ଭୋଇ, ଗଣନାଥ ବାଗ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।