05-Jan-2023

ବଲାଙ୍ଗିର (ପ୍ରେରଣା ଖବର) ମାନ୍ୟବର ସଦର ବିଧାୟକ ନରସିଂହ ମିଶ୍ର ଆଜି ସଦର ବ୍ଲକ ଅନ୍ତର୍ଗତ ଚୁଡ଼ାପାଲି ଗସ୍ତ କରି ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ଚୁଡାପାଲି ପରିସରରେ ପ୍ରାୟ,୬କୋଟି ଟଙ୍କା ବ୍ୟୟ ଅଟକଳରେ ନିର୍ମିତ ନୂତନ ଶ୍ରେଣୀ ଗୃହ, ଛାତ୍ରଛାତ୍ରୀଙ୍କ ପାଇଁ ଉଦ୍ଦିଷ୍ଟ ୧୨୦ ଶଯ୍ୟା ବିଶିଷ୍ଟ ଦୁଇଟି ଛାତ୍ର ଓ ଛାତ୍ରୀ ନିବାସ ତଥା ଷ୍ଟାଫ ମାନଙ୍କ ପାଇଁ ନିର୍ମିତ

କ୍ୱାର୍ଟରକୁ ଉଦଘାଟନ କଲେ । ଶିକ୍ଷାର ବିକାଶ ହେଲେ ସମାଜ ସମ୍ପନ୍ନ ହୋଇ କହି ସ୍କୁଲ ହତା ଭିତରେ ଥିବା ଅନାବନା ଘାସ ବୁଦା, ଗଛ କାଟି ସ୍କୁଲ ପରିବେଶକୁ ସ୍ୱଚ୍ଛ ରଖିବାକୁ ସ୍କୁଲ କାର୍ଯ୍ୟକର୍ତ୍ତାକୁ ନିର୍ଦ୍ଦେଶ ଦେଇଥିଲେ । ପିଇବା ପାଣିର ସମସ୍ୟା ଯେମିତି ନ ରହୁ ସେଥିପାଇଁ ଧ୍ୟାନ ଦେବାକୁ କହିଲେ । କାମ ନିମ୍ନ ମାନର ହୋଇଥିବା ଦେଖି ଉପସ୍ଥିତ ଅଧିକାରୀ କୁ ତାଗିଦ୍ କରିଥିଲେ । ଶେଷରେ ବିଦ୍ୟାଳୟ ପରିସରରେ ଏ ଅଞ୍ଚଳର ବିଶିଷ୍ଟ 

ସ୍ଵାଧୀନତା ସଂଗ୍ରାମୀ ସ୍ୱର୍ଗତ ଯୋଗେଶ୍ୱର କୁମୁରାଙ୍କ ପୁର୍ନବାୟାବ ପ୍ରତିମୂର୍ତ୍ତି ଉନ୍ମୋଚନ କଲେ ବିଧାୟକ ଶ୍ରୀଯୁକ୍ତ ମିଶ୍ର । ଆଜିର ଅନୁଷ୍ଠିତ ଏହି ଉତ୍ସବରେ ଲୋକନାଥ କୁମୁରା, ଘାସି ବେହେରା, ଶରତ ନନ୍ଦଙ୍କ ସହ ଜିଲ୍ଲା ସମାଜ ମଙ୍ଗଳ ଅଧିକାରୀ, ବିଦ୍ୟାଳୟର ଛାତ୍ରଛାତ୍ରୀ, ଅନ୍ତେବାସୀ, ଶିକ୍ଷକ ଶିକ୍ଷୟିତ୍ରୀ ତଥା ଅଂଚଳର ଜନସାଧାରଣ ଉପସ୍ଥିତ ଥିଲେ