03-Jan-2023

କଣ୍ଟାବାଞ୍ଜି(ଆନନ୍ଦ ମୋଟେ) କମେଇମୁଣ୍ଡା ଗ୍ରାମ ପଞ୍ଚାୟତ ଅନ୍ତର୍ଗତ ପଖନମୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟରେ ସାବିତ୍ରୀ ବାଈ ଫୁଲେଙ୍କ ଜନ୍ମ ଜୟନ୍ତୀ ପାଳିତ ହୋଇଥିଲା।ବିଦ୍ୟାଳୟର ପ୍ରଧାନ ଶିକ୍ଷକ ତଥା ଜୁନିୟର ରେଡକ୍ରସ ପରାମର୍ଶ ଦାତା ଶ୍ରୀ ବିରଂଚି ନାରାୟଣ ଦାଶଙ୍କ ତତ୍ତ୍ୱାବଧାନରେ ମାନ୍ଦଲା କ୍ଳଷ୍ଟର ସଂଯୋଜକ ଶ୍ରୀ ଧନସିଂ ମାଝୀ, ଶିକ୍ଷକ ମନୋଜ କୁମାର ତାଣ୍ଡୀ ଅଲେଖ ବନଗୋଲା, ବିଶେଶ୍ୱର ମୁଦୁଲି, ଆମେରିକାନ ଇଣ୍ଡିଆ ଫାଉଣ୍ଡେସନର ସାଧନକର୍ମୀ ନରେଶ ତାଣ୍ଡୀ, ବ୍ଳକ ସଂଯୋଜକ ଯଶୋବନ୍ତ କୁମ୍ଭାର ଜୟନ୍ତୀ ଅବସରରେ ଉପସ୍ଥିତ ଥିଲେ।ସାବିତ୍ରୀ ବାଈ ଫୁଲେ ଭାରତ ସ୍ୱ।ଧୀନ ହେବାର ଶହେବର୍ଷ ପୂର୍ବରୁ ବାଳିକା ମାନଙ୍କ ଶିକ୍ଷା ପାଇଁ ପୁଣେରେ ବିଦ୍ୟାଳୟ ପ୍ରତିଷ୍ଠା କରିବା ସହିତ ସମାଜର କୁସଂସ୍କାର, ମହିଳା ଓ ପୁରୁଷ ମଧ୍ୟରେ ଥିବା ତାରତମ୍ୟ ଆଦି ଉପରେ କାମ କରି ନିଜକୁ ଏକ ଆଦର୍ଶ ଶିକ୍ଷୟିତ୍ରୀ ଭାବେ ପରିଗଣିତ କରି ପାରିଥିଲେ ବୋଲି ଶ୍ରୀ ଦାଶ ଆଲୋକପାତ କରିଥିଲେ।ଏହି ଅବସରରେ ଛାତ୍ରୀ ମାନେ କିପରି ମୁଖ୍ୟ ସ୍ରୋତରେ ସାମିଲ ହେବେ ଓ ସମାଜରେ ପୁରୁଷ ସହିତ ସମତାଳରେ ଚାଲି ପାରିବେ ସେଥି ପ୍ରତି ଦୃଷ୍ଟି ଦେବାକୁ କହିଥିଲେ।