02-Jan-2023

ସୋନପୁର(ମନୋରଞ୍ଜନ ତ୍ରିପାଠୀ) : ସୋନପୁର ଜିଲ୍ଲାର ଉଲୁଣ୍ଡା ବ୍ଳକ ଅନ୍ତର୍ଗତ ମୁଣ୍ଡୋଘାଟ ପଞ୍ଚାୟତ ର ଭଜବଲପୁର ଗ୍ରାମର ମୂଳନିବାସୀ ଗରିବ ମିଶ୍ର ଙ୍କ(୯୬ ବର୍ଷ) ଶନିବାର ରାତିରେ ପରଲୋକ ହୋଇଛି।ସେ ଏକ ମାସ ହେବ ବାର୍ଦ୍ଧକ୍ୟ ଜନିତ ଶଯ୍ୟା ସ୍ଥାୟୀ ଥିଲେ। ସ୍ବର୍ଗତ ମିଶ୍ର ଙ୍କ ଶେଷ କୃତ୍ୟ ସୋନପୁର ମହାନଦୀ ସ୍ମଶାନ ଘାଟରେ କରାଯାଇଥିବା ବେଳେ ବଡ଼ ପୁଅ ସନ୍ତୋଷ ମୁଖାଗ୍ନୀ ଦେଇଥିଲେ। ତାଙ୍କର ମୃତ୍ୟୁ ଶଯ୍ୟା ନିକଟରେ ତିନି ପୁଅ ସନ୍ତୋଷ, ଟଙ୍କଧର, ଅକ୍ଷୟ,ତିନି ଝିଅ ବାସନ୍ତୀ, ଶାନ୍ତି, ଜୟନ୍ତୀ, ଜୋଇଁ ଶିକ୍ଷକ ସାଧୁ ଚରଣ ମହାପାତ୍ର, ସାମ୍ବାଦିକ ରାଜୀବ ଷଡ଼ଙ୍ଗୀ, ବିଶିଷ୍ଟ ଆଇନଜୀବୀ ଶ୍ରୀଧର ଦାସ ଏବଂ ତିନି ବହୁ ନାତି ନାତୁଣୀ ମାନେ ଉପସ୍ଥିତ ରହି ଶେଷ ଦର୍ଶନ କରିଥିଲେ। ତାଙ୍କ ବିୟୋଗ ରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।