04-Dec-2020

ଚଳିତ ଶିକ୍ଷାବର୍ଷରୁ ରମାଦେବୀ ବିଶ୍ୱବିଦ୍ୟାଳୟରେ ଆରମ୍ଭ ହେବ ପିଏଚ୍‌ଡି ପାଠପଢ଼ା! ରମାଦେବୀ ମହିଳା ବିଶ୍ୱବିଦ୍ୟାଳୟରେ ୨୦୨୦-୨୧ଶିକ୍ଷା ବର୍ଷରୁ ପିଏଚ୍‌ଡି ପାଠ୍ୟକ୍ରମ ଆରମ୍ଭ ହେବ। ପ୍ରାଥମିକ ଭାବେ ୧୧ଟି ବିଭାଗରେ ପିଏଚ୍‌ଡି କରିପାରିବେ ଛାତ୍ରୀ। ଅର୍ଥନୀତି, ଇଂରାଜୀ, ହିନ୍ଦି, ଓଡ଼ିଆ, ଗୃହ ବିଜ୍ଞାନ, ଶିକ୍ଷା, ଜେଣ୍ଡର ଷ୍ଟଡିଜ୍‌, ବାଣିଜ୍ୟ, ଜୈବପ୍ରଯୁକ୍ତି ବିଜ୍ଞାନ (ବାୟୋଟେକ୍ନୋଲୋଜି), କମ୍ପ୍ୟୁଟର୍‌ ସାଇନ୍ସ ଓ ଜୀବ ବିଜ୍ଞାନରେ ପିଏଚଡି କରିହେବ ବୋଲି ସ୍ନାତକୋତ୍ତର ପରିଷଦ (ପିଜି କାଉନସିଲ୍‌) ଅଧ୍ୟକ୍ଷା ପ୍ରଫେସର ସସ୍ମିତା ମହାନ୍ତି ସୂଚନା ଦେଇଛନ୍ତି!! ଚଳିତ ବର୍ଷ ଯୁକ୍ତ ତିନିରେ ଶିକ୍ଷା ସମ୍ମାନ ପାଇଁ ୪୮ଟି ସିଟ୍‌ରେ ନାମଲେଖା ହେବ। ଅପରପକ୍ଷେ ସାମ୍ବାଦିକତା ଓ ଗଣଯୋଗାଯୋଗ ବିଭାଗର ସ୍ନାତକୋତ୍ତର (ଏମ୍‌ଜେଏମ୍‌ସି) ରେ ୩୨ଟି ସିଟ୍‌ରେ ନାମଲେଖା ଚାଲିଛି ବୋଲି ପ୍ରଫେସର ମହାନ୍ତି କହିଛନ୍ତି। ଏପରିକି ଏଥିପାଇଁ ୨ଜଣ ଅଧ୍ୟାପକଙ୍କୁ ନିଯୁକ୍ତି ଦିଆଯାଇଛି। ସେହିପରି ରମାଦେବୀ ମହିଳା ବିଶ୍ୱବିଦ୍ୟାଳୟରେ ଖାଲିଥିବା ଅନୁମୋଦିତ ୬୪ଟି ଆସିଷ୍ଟାଣ୍ଟ୍‌ ପ୍ରଫେସର ପଦବି ଶୀଘ୍ର ପୂରଣ ହେବ। ଏ ବାବଦରେ ଓପିଏସ୍‌ସିକୁ ଉଚ୍ଚଶିକ୍ଷା ବିଭାଗ ପକ୍ଷରୁ ଦାୟିତ୍ୱ ଦିଆଯାଇଛି ବୋଲି ପ୍ରଫେସର ମହାନ୍ତି କହିଛନ୍ତି!!