03-Dec-2020

କଳାହାଣ୍ଡି / କୋକସରା (ତ୍ରିନାଥ ବେଶ୍ରା)
କଳାହାଣ୍ଡି ଜିଲ୍ଲା କୋକସରା ବ୍ଲକ ଶିଶୁ ବିକାଶ ପ୍ରକଳ୍ପ ଅଧିକାରୀ ଜୟନ୍ତୀ ମହାନ୍ତି , ଆଜି ଏକ ଅଙ୍ଗନଵାଡି  କର୍ମୀଙ୍କ ଠାରୁ ପାଞ୍ଚହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡିଛନ୍ତି ।ସୂଚନା ରୁ  ପ୍ରକାଶ ଯେ ଲଡୁଗାଁ ପଞ୍ଚାୟତ ସୁନାମାଲ ଗ୍ରାମର   ଆରତୀ ଧଙ୍ଗଡାମାଝୀ  ନିଜ ଗାଁ ରେ ମିନି    ଅଙ୍ଗନବାଡ଼ି କର୍ମୀ ଭାବରେ କାର୍ଯ୍ୟ କରି ଆସୁଛନ୍ତି । କୌଣସି କାରଣ ବସତ ତାଙ୍କ ତିନି ମାସ ର ଦରମା ପାଇ ନ ଥିବା ହେତୁ ସେହି ତିନି ମାସର ଦରମା କରେଇ ଦେବାପାଇଁ
ଅଙ୍ଗନବାଡ଼ି କର୍ମୀଙ୍କୁ ପାଞ୍ଚ ହଜାର ଟଙ୍କା ଲାଞ୍ଚ ମାଗିଥିଲେ । ଯାହାଫଳରେ ଆରତୀଭିଜିଲାନ୍ସ ର ଦୁଆରସ୍ତ ହୋଇଥିଲେ । ପରେ କୋରାପୁଟ ଭିଜିଲାନ୍ସ ଡିଭିଜନ ଜୟପୁର ଠାରେ ଏକ ମାମଲା ରୁଜୁ କରାଯାଇ ଗୁରୁବାର ଦିନ କଳାହାଣ୍ଡି ଜିଲ୍ଲା ଭିଜିଲାନ୍ସ ଡି ଏସ୍ ପି ସତ୍ୟବାନ ମହାନନ୍ଦ ଙ୍କ ନେତୃତ୍ୱରେ ଏକ ଟିମ କୋକସରା  ସିଡିପିଓ ଙ୍କକାର୍ଯ୍ୟାଳୟ କୁ ପହଞ୍ଚି ଅଙ୍ଗନବାଡ଼ି କର୍ମୀ ଆରତୀ ଙ୍କ ଠାରୁ ପାଞ୍ଚ ହଜାର ଟଙ୍କା କୋକସରା ସି ଡି ପି ଓ ଜୟନ୍ତୀ ମହାନ୍ତି ନେଉଥିବା ବେଳେ ତାଙ୍କୁ ଭିଜିଲାନ୍ସ ଟିମ ଧରିଥିଲେ ।ଅଫିସ ରୁ ଯାଞ୍ଚ କଲାପରେ ୬୯ ହଜାର ଟଙ୍କା ଜବତ କରି ଥିବା ଭିଜିଲାନ୍ସ ଅଫିସର ସୂଚନା ଦେଇ ଥିଲେ lସେ ଜଣେ ଦୃନୀତି ଗ୍ରସ୍ତ ଅଫିସର ଓ ତାଙ୍କ କାର୍ଯ୍ୟ କଲାପରେ ଅଧିକାଂଶ ଅଙ୍ଗନବାଡ଼ି କର୍ମୀ ଅସନ୍ତୋଷ ପ୍ରକାଶ କରୁଥିଲେ ସେ ତିନି ବର୍ଷ ହେବ  କାହାକୁ ଖାତିର ନକରି ଶାସନ କରି ଆସୁଥିଲେ ବୋଲି ସମସ୍ତେ ପ୍ରକାଶ କରୁଥିବା ଜଣା ପଡୁଛି ।