03-Dec-2020

ନୟାଗଡ, (ପ୍ରଦୀପ କୁମାର ପଣ୍ଡା) - ବହୁଚର୍ଚ୍ଚିତ ନୟାଗଡ଼ ଜିଲ୍ଲା ପରୀ ହତ୍ୟାକାଣ୍ଡ ର ଏସ ଆଇ ଟି ତଦନ୍ତ ଆରମ୍ଭ ହୋଇଛି | ଏସଆଇଟି ମୁଖ୍ୟ ବରିଷ୍ଠ ଆଇପିଏସ ଅଧିକାରୀ ଅରୁଣ ବ୍ରୋଥା ନିଜେ ଗୋଟିଏ ଟିମ ସହିତ ପଂହଁଚିଥିଲେ ଯଦୁପୂର ଗ୍ରାମ ରେ | 

ଶ୍ରୀଯୁକ୍ତ ବ୍ରୋଥା ଙ୍କର ନେତୃତ୍ୱ ରେ ଏସଆଇଟି ଟିମ ପରୀର ବାପା ମା ଙ୍କୁ ଭେଟି ହତ୍ୟା ଘଟଣା ବିଷୟରେ ଆଲୋଚନା କରିଥିଲେ | ପ୍ରାଥମିକ ସ୍ତରରେ ପରୀର ନିଖୋଜ ଏବଂ ଏକ ବସ୍ତା ରୁ ମିଳିଥିବା ହାଡ କଙ୍କାଳ ବିଷୟରେ ତଥ୍ୟ ସଂଗ୍ରହ କରିଛନ୍ତି ଏସଆଇଟି ଟିମ | ସେହିପରି ଶ୍ରୀଯୁକ୍ତ ଅରୁଣ ବ୍ରୋଥା ସର୍କିଟ ହାଉସ ଠାରେ ପରୀର ହତ୍ୟା ଘଟଣା ବିଷୟରେ ସ୍ଥାନୀୟ ପୋଲିସ ଅଧିକାରୀ ଙ୍କ ସହିତ ବିସ୍ତୃତ ଆଲୋଚନା କରିଥିଲେ | ତଦନ୍ତ ଆଗକୁ ଚାଲିବାପରେ ସମସ୍ତ ତଥ୍ୟ ଗଣମାଧ୍ୟମ କୁ ଦିଆଯିବ ବୋଲି ସାମ୍ବାଦିକ ମାନଙ୍କୁ କହିଛନ୍ତି ଏସଆଇଟି ଟିମ ମୁଖ୍ୟ ଶ୍ରୀଯୁକ୍ତ ବ୍ରୋଥା | 
ଅନ୍ୟପଟେ ପରୀ ହତ୍ୟା ମାମଲା କୁ ନେଇ ବିଧାନସଭାରେ ହୁଲସ୍ତୁଲ ପରେ ଯଦୁପୂର ଗ୍ରାମକୁ ବିଭିନ୍ନ ରାଜନୈତିକ ଦଳ ର ନାମୀଦାମୀ ନେତା ଙ୍କ ସୁଅ ଶୁଟିଛି | ସୂଚନା ମୁତାବକ ସୋମ ବାର ଦିନ ଏକ ବିଜେପି ପ୍ରତିନିଧି ଦଳ ପରୀର ବାପା ମା ଙ୍କୁ ଭେଟି ହତ୍ୟା ବିଷୟରେ ଆଲୋଚନା କରିଥିଲେ | 
ସେହିପରି ମଙ୍ଗଳ ବାର ଦିନ କଂଗ୍ରେସ ର ରାଜ୍ୟସ୍ତରୀୟ ପ୍ରତିନିଧି ଦଳ ତଥା ପଞ୍ଚାନନ କାନୁନଗୋ, ଭକ୍ତ ଚରଣ ଦାସ, ସୁଦର୍ଶନ ଦାସ ନିଶିକାନ୍ତ ମିଶ୍ର, ହୁସେନ ଖାଁ, ରଂଜିତ ଦାସ, ମନୋଜ କୁମାର ସାହୁ ଏବଂ ଅନ୍ୟ କେତେ ଜଣ ନେତା ମଧ୍ୟ ପରୀର ବାପା ମା ଙ୍କୁ ଭେଟି ଥିଲେ | 
      

       ପ୍ରକାଶଥାଉକି ପରୀର ବାପା ଙ୍କ ଅଭିଯୋଗ ଏହି ମାମଲା ର ଏକ ନୂଆ ମୋଡ ଆଣିଛି | ପରୀର ବାପାଙ୍କୁ ପୋଲିସ ୫ ଲକ୍ଷ ଟଙ୍କା ର ପ୍ରଲୋଭନ ଦେଖାଇ ଅନ୍ୟ ନାଁ ରେ ଅଭିଯୋଗ ଆଣିବାକୁ ପ୍ରବର୍ତାଇଛି ବୋଲି ପରୀର ବାପା ବୟାନ ରଖିଛନ୍ତି | ଏପରିକି ପରୀର ଏକ ପ୍ରତିମୂର୍ତ୍ତି ସ୍ଥାପନ ଏବଂ ପରୀ ନାଁ ରେ ପୁରସ୍କାର ରଖିବା ପାଇଁ ଲୋଭ ଦେଖାଇଛି ପୋଲିସ ବୋଲି ସେ ଅଭିଯୋଗ ଆଣିଛନ୍ତି | ଏମିତିକି ପରୀର ହତ୍ୟାକାରୀ କୁ ପୋଲିସ ଘଣ୍ଟ ଘୋଡ଼ାଉଛି ପୋଲିସ ବୋଲି ପରୀର ବାପା ଏକ ସଂଗୀନ ଅଭିଯୋଗ ଆଣିଛନ୍ତି |